Marcos 3:3 - Biblia

³ Jayawe Jesús jei kuimbae ipo jowaicho utini wae pe: “Epüa. Eyu iyemboɨ kua reta jowai,” jei chupe.

Guaraní Pe (Western): Simba

³ Jayave Jesús jei cuimbae ipo jovaicho tɨpa vae pe: —Epũa eyu iyemboɨ cua reta jovai.

Marcos 3:3 Iomraidhean Croise

San Mateo 12:10

Jare joko pe oï wi pëti kuimbae ipo jowaicho utini wae. Jayawe amokue fariseo reta upɨrandu Jesús pe: “Tumpa jei wae rupi, ¿yandepuere pa yapurumɨnguera mbutuu ara pe?” jei reta chupe. Jukuärái upɨrandu reta ipuere waerä tëi umbɨjeko reta Jesús jae mbae jei wae re.

Marcos 3:2

Jare fariseo reta umae ngatu Jesús re upurumɨnguerata ra mbutuu ara pe wae re. Echa’ä Jesús umɨnguera yawe kuimbae, jeita reta Jesús uparawɨkɨ ma mbutuu ara pe jare umbɨjekota tëi reta jokua re.

Marcos 3:4

Jayawe Jesús upɨrandu fariseo reta pe: “¿Mbae ra ko jupi yayapo waerä mbutuu ara pe? ¿Ikawi wae, ani ikawi mbae wae? ¿Yapuruepɨ waerä, ani yapuruyuka waerä? ¿Mbae pa jei Tumpa kua rewa?” jei chupe reta. Erëi jae reta jei’ä mbae awe.

San Lucas 6:8

Erëi Jesús uikuaa jae reta ipɨayemɨngeta, jare jei kuimbae ipo jowaicho utini wae pe: “Epüa. Eyu iyemboɨ kua reta jowai,” jei chupe. Jayawe kuimbae upüa uyemboɨ jae reta jowai.

San Juan 9:4

“Kua mbae añawe ayapota aï wae, jae ko jokua chembou wae umee chewe mbarawɨkɨ ayapo waerä wae. Yande reta imeta ko yayekou kua ara re yayapo waerä kua nunga mbarawɨkɨ. Echa’ä añawe rupi ara reta yaparawɨkɨ waerä ko. Jae ko köe ma yawe rami. Erëi uwäeta ara kiawe ipuereta’ä uparawɨkɨ waerä. Jare jokua ara kaarueteta ma chupe warasɨ uike ma rami.

1 Corintios 15:58

Jáeramo hermano mii reta, piñemɨmɨräta yandeYa re, jare awɨye pesɨrɨ chuwi. Jekuaeño piñemɨatangätu piyapo waerä mbarawɨkɨ yandeYa umee pewe wae. Echa’ä pe reta pikuaa peï, peparawɨkɨ yawe yandeYa pe, yandeYa umeeta oï pewe kuri ikawiete wae jokua re.

Gálatas 6:9

Jayawe awɨye yandekueri ikawi wae yayapo wae wi. Echa’ä uwäe yawe ara Tumpa jei wae, yayekouta ñaï kuri ikawi wae yayapo wae rupi yandekueri’ä yawe.

Filipenses 1:14

Jare jokuaño’ä ko. Jae nunga wi che kua peresorɨru pe aï wae jeko pewa hermano reta opaete seri uñemɨatangätu ma yandeYa kotɨ. Jare jae reta jeiete umɨmbeu ñonoï Tumpa iñee ukɨye mbae rewe.

1 Pedro 4:1

Cristo uiporara yanderé kua ɨwɨ pe iko rambuewe. Jáeramo pe reta piyeyapɨkatuta ko piporara waerä jae rami. Echa’ä ime yawe kía uiporara Cristo re wɨrowia jeko pewa wae, jae jeko kachi wae ipɨräta’ä ma jese jete re.