San Lucas 9:60 - Biblia

⁶⁰ Jayawe Jesús jei chupe: “Emaeño jokua umano wae echa ñonoï Tumpa wi wae reta tuñeñotɨ kuri jae reta yepái,” jei chupe. “Erëi nde, ekua emɨmbeu kërái Tumpa imbaepuere mburuwicha wasu pewa uyembɨpɨ ma kua ɨwɨ pe,” jei chupe.

Guaraní Pe (Western): Simba

⁶⁰ Jayave Jesús jei chupe: —Tecove opa mbae vae güɨnoi mbae vae reta toñotɨ umano vae reta. Ẽrei nde ecua emɨmbeu Tumpa iporoyocuia —jei.

San Lucas 9:60 Iomraidhean Croise

San Mateo 4:23

Jayawe Jesús oo opaete ɨwɨ Galilea rupi, jare oporomboe tupao reta rupi. Jae umɨmbeuñoi ñee ikawi wae kërái uyembɨpɨta ma Tumpa imbaepuere mburuwicha wasu pewa kua ɨwɨ pe. Jare jae umɨnguera wi imbaerasɨ wae reta ipotawe mbaerasɨ wi.

San Mateo 8:22

Jayawe Jesús jei chupe: “Eyuño che ndiwe. Emaeño jokua umano wae echa ñonoï Tumpa wi wae reta tuñeñotɨ kuri jae reta yepái,” jei chupe.

San Lucas 15:24

Echa’ä kua cheraɨ mii umano rami iko chewi, jare añawe ikowe ye rami ma ko chewe. Jare ukañɨ iko chewi, jare añawe ou wɨte ye ma chepɨ,’ jei tu. Jayawe umbɨpɨ jorɨkatu reta,” jei Jesús chupe reta.

San Lucas 15:32

‘Erëi jupi ko yande yayerowia waerä jare yanderorɨkatu waerä. Echa’ä kua nderɨwɨ mii umano rami iko yandewi, erëi añawe ikowe ye rami ko yandewe. Jare ukañɨ iko yandewi, erëi añawe ou wɨte ye ma yandepɨ,’ jei taɨ pe.” Jukuärái jei Jesús umbɨjaanga rewe chupe reta.

1 Corintios 9:16

Che akowara’ä ko pewe ñee ikawi wae amɨmbeu pewe wae re. Erëi yepe tëi ayerowia aï jokua re, jesewe mbaetɨ chepuere ayembutuicha, echa’ä jaeño ko ayapo aï Tumpa jei chewe wae. Erëi Tumpa tuiporaraka chewe amɨmbeu’ä yawe ñee ikawi wae Cristo rewa.

Efesios 2:1

Erëi ndei Jesucristo re perowia mbowe, pemano wae echa piko mbɨrɨ tekowe iYa wi, pereko kachi rupi jare piyawɨ Tumpa kotɨ jeko pewa.

Efesios 2:5

Jáeramo yepe tëi ñamano wae echa yaiko Tumpa wi yayawɨ ikotɨ jeko pewa, jesewe Tumpa umee yandewe tekowe ipɨau wae. ¿Kërái ra ko jokua? Yaikuaa ñaï yandeRu Tumpa umbɨjekowe ye Cristo ueru umanokue wae reta ipɨte wi. Jukuärái rami Tumpa yanembɨjekowe ye ma jae yandapo pëti ramiño Cristo re yawe. Jayawe Tumpa ipɨakawi tuicha ramo, yanderepɨ ma teko ikotɨ ñanoi wae wi.

1 Timoteo 5:6

Erëi ime yawe pëti kuña ime umano chuwi wae jare jae jekuaeño iko jete uipota uyapo wae rupiño, jae ko umano wae echa iko mbɨrɨ Tumpa wi. Jáeramo jokua nunga ndarau ikawi yamborɨ waerä.

2 Timoteo 4:2

Jekuaeño emɨmbeu Tumpa iñee. Jekuaeño iñemɨatangätu nemɨmbeu waerä Tumpa iñee kía kía uipota uyapɨsaka nderé wae pe jare uipota’ä uyapɨsaka nderé wae reta pe wi. Ikuaaka chupe reta kërái uyawɨ ñonoï wae, jare embɨeta chupe reta wi. Emɨkɨrëɨ reta Tumpa kotɨ, jare emboe kawi reta ndepɨawasu rewe.

2 Timoteo 4:5

Erëi nde, jekuaeño iyandareko kawi ndiyé mbaembae kachi wae wi. Jekuaeño emɨmbeu ñee ikawi wae Jesucristo rewa, jare emɨawäta ndiporara yawe ñee ikawi wae jeko pewa. Jare opa iyapo kawi mbarawɨkɨ Tumpa umee ndewe wae.

Apocalipsis 3:1

Jare yandeYa jei wi chewe: “Ime pëti araɨwa uyandareko oï opaete cheré wɨrowia wae reta re tëta wasu Sardis pe. Ikuatía chupe kua chiñee kuärái: ‘Che ko jae jokua chiu yasɨtata ipo pe onoi wae jare Tumpa iEspíritu Santo chiu wese ye jupi wae onoi wae. Jare che tae Sardis pewa cheré wɨrowia wae reta pe kuärái: Che aikuaa opaete mbae piyapo wae. Jeta wae reta jei tëi pewe pe reta pepɨräta peï Tumpa re. Erëi che tae pe reta jukuärai’ä ko wae.