San Lucas 9:56 - Biblia

⁵⁶ Echa’ä che kuimbaerä ayeyapo wae ayu’ä ko apuruyuka waerä. Ayu ko apuruepɨ waerä,” jei chupe reta. Jayawe jae reta yuraa ïru tëta wasu raɨ kotɨ.

Guaraní Pe (Western): Simba

⁵⁶ Echa'ã che cuimbaerã ayeyapo vae ayu apurumbɨasa vaerã. Ayu'ã apurumɨcañɨtei vaerã —jei. Jayave yugüɨraa ĩru tenta guasu-raɨ cotɨ.

San Lucas 9:56 Iomraidhean Croise

San Mateo 18:10

“Piyandareko kawi piyé awɨye waerä perɨ̈ro pëti awe kua sambiaɨ mii reta. Echa’ä che tae pewe, jokua araɨwa reta uyandareko kua nunga reta re wae jekuaeño ñonoï cheRu ara pe oï wae jowai,” jei chupe reta.

San Mateo 18:11

“Jeta wae reta mbɨrɨ ñonoï Tumpa wi, jare uikuaa’ä etei reta tape Tumpa kotɨ oo wae. Jáeramo che kuimbaerä ayeyapo wae ayu ko aepɨ reta waerä,” jei.

San Mateo 20:28

“Jukuärái wi che kuimbaerä ayeyapo wae ayu’ä ko ïru wae reta uyeyokui waerä chewe. Che ayu ko ayeyokui waerä ïru wae reta pe jare amee waerä cherekowe jeta wae reta aepɨ waerä.” Jukuärái jei Jesús jemimboe reta pe.

San Mateo 5:39

“Erëi che tae pewe kuärái: Kía uyapo ndewe yawe mbae ikawi mbae wae, awɨye iyepɨ jese. Jare ime yawe kía nderowapete wae, erowa wi chupe jowaicho kotɨwa uipete ye waerä,” jei.

San Lucas 19:10

“Jeta wae reta ukañɨ ñonoï wae echa uikuaa’ä reta Tumpa ramo. Jáeramo che kuimbaerä ayeyapo wae ayu ko aeka reta waerä jare aepɨ reta waerä,” jei.

San Lucas 22:51

Jayawe Jesús jei chupe: “¡Joko peño ma! ¡Pemaeño ma jese reta!” jei. Jayawe uyawɨkɨ chuwi kuimbae inambi jendakue, jare ukuera.

San Lucas 23:34

Jayawe Jesús uyerure Tu pe kuärái: “CheRu, awɨye mii nemandúa chupe reta kua uyapo ñonoï wae re. Echa’ä jae reta uikuaa’ä mbae ra uyapo ñonoï wae,” jei. Jayawe sɨndaro reta uyuwari Jesús jemimonde re, pëti pëti wae uikuaa waerä mbae nunga wɨraata iyupe wae. Jukuärái umbɨyao iyupe reta Jesús jemimonde.

San Lucas 9:55

Erëi Jesús uyerowa ikotɨ jare umbɨeta chupe reta jei rewe: “Pe reta pikuaa’ä kía wi ra ou oï kua pipota piyapo peï wae.

San Lucas 9:57

Jare tape rupi yuraa reta rambuewe, pëti kuimbae jei Jesús pe: “Aipota aiko nderemimboerä. Taa nde ndiwe opaete kerupi ndeo wae rupi,” jei chupe.

San Juan 10:10

“Imonda wae jaeño ou oñomi waerä, jare upuruyuka waerä, jare upurukachi waerä. Erëi che jokuaerä'ä ko ayu. Che ayu ko amee waerä tekowe opa mbae wae cheré wɨrowia wae reta pe. Jare jokua tekowe onoi reta yawe, tuicha rupi uyekouta reta,” jei Jesús chupe reta.

San Juan 12:47

“Erëi ime yawe kía chiñee uyandu wae, erëi jae uyapo’ä yawe che jae wae rupi, jae onoita teko Tumpa jowai. Erëi che’ä ko ambɨjekota aï, echa’ä che jokuaerä'ä ko ayu. Ayu ko aepɨ waerä ɨwɨ pewa reta teko onoi wae wi,” jei.

San Juan 3:17

Echa’ä Tumpa mbaetɨ ko ombou Taɨ kua ɨwɨ pe umbɨjeko waerä ɨwɨ pewa reta. Ombou ko uepɨ reta waerä.

Romanos 12:21

Jayawe kía uyapo pewe mbae ikawi mbae wae yawe, piyapo ikawi wae chupe. Awɨye piyepɨ jese. Echa’ä piyepɨ jese yawe, piñemɨamɨrikata jokua mbae ikawi mbae wae pe. Mbae ikawi wae rupi ko pemɨamɨrita mbae ikawi mbae wae.

1 Timoteo 1:15

Opaete wae reta yayawɨ Tumpa kotɨ jare jukuärái ime ñanoi teko ikotɨ. Erëi ime pëti ñee añetete wae jare ikawi ko opaete wae yarowia jese waerä. Kua ñee ko kuärái: Jesucristo ou kua ɨwɨ pe uepɨ waerä teko onoi Tumpa kotɨ wae reta. Jare che amae yawe chiyé, aikuaa anoi teko tuichaete ye ïru wae reta wi.