San Lucas 9:52 - Biblia

⁵² Jayawe omondo amokue jemimboe reta jenonde. Jare jae reta yuraa ɨwɨ Samaria pe pëti tëta wasu raɨ pe, joko pe ueka reta waerä tëi pëti o Jesús pewarä.

Guaraní Pe (Western): Simba

⁵² Jayave omondo amocue jemimboe reta jenonde. Jae reta yugüɨraa penti tenta guasu-raɨ ɨvɨ Samaria pegua pe uyapɨcatu vaerã Jesús peguarã.

San Lucas 9:52 Iomraidhean Croise

San Mateo 10:5

Jesús omondo jokua doce kuimbae reta umɨmbeu waerä ñee ikawi wae opaete kerupi. Jare ndei yuraa reta mbowe, Jesús jei chupe reta kuärái: “Awɨye pekua kuri judío mbae wae reta ñonoï wae pe jare samaritano reta jëta wasu reta rupi,” jei chupe reta.

San Lucas 10:1

Kua jaɨkue rupi yandeYa uiparawo ïru setenta kuimbae reta jare omondo tenonde mokui mokui rupi opaete tëta wasu reta jae oota wae rupi.

San Lucas 10:33

“Erëi pëti kuimbae ɨwɨ Samaria pewa ou iko wi jokua tape rupi. Jare jae uecha yawe jokua kuimbae ipere wae, uiparareko umae jese,” jei.

San Lucas 17:11

Jayawe Jesús jare jemimboe reta ndiwe jekuaeño yuraa Jerusalén kotɨ. Jare uasa reta ɨwɨ Samaria jare ɨwɨ Galilea ipäu rupi.

San Lucas 17:16

Jayawe uñeñono ɨwɨ re uñemɨmichi rewe Jesús jowai jare umee yasurupái chupe. Jare jokua kuimbae ko jae ɨwɨ Samaria pewa.

San Lucas 7:27

Echa’ä Tumpa iñeerɨru pe uyekuatía oï jese kuärái: ‘YandeRu Tumpa jei Taɨ pe: ‘Mase, che amondota aï tenonde mii ndewi chiñee umɨmbeu wae. Jare jae umɨmbeuta oï ïru wae reta pe uyeyapɨkatu reta waerä ndei newäe mbowe,’ jei Taɨ pe.’ Jukuärái uyekuatía oï,” jei chupe reta.

San Juan 4:4

Jare jokotɨ yuraa reta rambuewe, imeta ko uasa reta ɨwɨ Samaria rupi.

San Juan 4:5

Jokua ɨwɨ pe ime oï pëti tëta wasu raɨ Sicar jee wae. Jare joko wi koiño ime oï ɨwɨ Jacob arakae umee taɨ José pe wae.

San Juan 4:9

Jayawe kuña ipɨakañɨ jare jei chupe: “Nde ko jae judío, jare che ko jae kuña Samaria pewa. ¿Maera pa nde ndiyemɨngeta neï che ndiwe jare ndeka neï chewe ɨ?” jei chupe. Jukuärái jei kuña, echa’ä judío reta mbaetɨ etei ko uñemɨïru Samaria pewa reta ndiwe.

San Juan 8:48

Jayawe judío itenondewa reta jei chupe: “¡Añetete yepe! ¡Samaria pewa pochɨ ko nde, jare aña uyembɨiya ma nderé!” jei reta chupe.