San Lucas 9:48 - Biblia

⁴⁸ Jare jei jemimboe reta pe: “Jeta wae reta jei tëi sambiaɨ reta usiriwe’ä ko. Erëi che tae pewe, ime yawe kía umbɨasa kawi pëti sambiaɨ kua rami wae, jare jukuärái uyapo cheré wɨrowia ramo, chembɨasa kawi ko oï wi,” jei. “Jare jokua chembɨasa kawi wae, umbɨasa kawi ko oï wi chembou wae. Jayawe jokua pepɨte pe usiriwe mbae echa wae ko jae wae, jokua ko jae petenondewarä wae,” jei Jesús jemimboe reta pe.

Guaraní Pe (Western): Simba

⁴⁸ Jayave jei jemimboe reta pe: —Ime yave quía uyapo icavi vae cua nunga sambiaɨ pe cheree pe vae, cheve co uyapo icavi vae. Jare jocua cheve uyapo icavi vae, uyapo vi icavi vae chembou vae pe. Echa'ã pepɨte pe oĩ vae uñemɨmichi vae icota tenondeguarã —jei.

San Lucas 9:48 Iomraidhean Croise

San Mateo 18:10

“Piyandareko kawi piyé awɨye waerä perɨ̈ro pëti awe kua sambiaɨ mii reta. Echa’ä che tae pewe, jokua araɨwa reta uyandareko kua nunga reta re wae jekuaeño ñonoï cheRu ara pe oï wae jowai,” jei chupe reta.

San Mateo 18:14

“Jae ramiño wi peRu ara pe oï wae uipota’ä pëti awe kua nunga mii reta yepe upɨta waerä mbɨrɨ chuwi,” jei Jesús chupe reta.

San Mateo 19:28

Jayawe Jesús jei jemimboe reta pe: “Che tae pewe añetete wae, pëti ara Tumpa umbɨpɨauta oï opaete mbaembae. Jare jokua ara che kuimbaerä ayeyapo wae awapɨta chewapɨa mburuwicha wasu pewa re. Jukuärái uyekuaata chembaepuere jembipete wae. Jare pe cheremimboe reta, pewapɨta peï kuri wi doce wapɨa pe piko waerä Israel iñemoñaa reta imburuwicha retarä,” jei chupe reta.

San Mateo 25:40

“Jayawe che jaeta chupe reta: ‘Che tae pewe añetete wae, pe reta pemborɨ yawe ipotawe cherɨwɨ reta jare cherindɨ reta, che etei ko chemborɨ piko. Jukuärái ko, yepe tëi jokua reta mbae’ä ko ïru wae reta pewarä aramoi,’ jaeta chupe reta,” jei.

San Mateo 25:45

“Jayawe che jaeta chupe reta: ‘Che tae pewe añetete wae, pe reta pemborɨ'ä yawe ipotawe cherɨwɨ reta jare cherindɨ reta, che etei ko chemborɨ'ä piko. Jukuärái ko, yepe tëi jokua reta mbae’ä ko ïru wae reta pewarä aramoi,’ jaeta chupe reta,” jei.

Marcos 9:37

“Jeta wae reta jei tëi sambiaɨ reta usiriwe’ä ko. Erëi che tae pewe, ime yawe kía umbɨasa kawi pëti sambiaɨ kua rami wae, jare jukuärái uyapo cheré wɨrowia ramo, chembɨasa kawi ko oï wi,” jei. “Jare jokua chembɨasa kawi wae, umbɨasa kawi ko oï wi chembou wae,” jei chupe reta.

San Lucas 10:16

“Ime yawe kía uyapɨsaka peré wae, cheré uyapɨsaka oï rami ko. Jare ime yawe kía pererɨ̈ro wae, che etei ko chererɨ̈ro wi. Jare chererɨ̈ro wae, wɨrɨ̈ro wi ko chembou wae.” Jukuärái Jesús jei jokua setenta jemimboe reta pe ndei jae omondo reta mbowe.

San Lucas 14:11

“Echa’ä opaete uyembutuicha wae reta, Tumpa umɨmichita yepe kuri. Jare opaete uñemɨmichi wae reta, Tumpa umbutuichata yepe kuri,” jei chupe reta.

San Lucas 22:26

“Erëi pe reta, awɨye jukuärái piyapo. Jokua pepɨte pe tenonde oï wae tuyeyapo taɨkuewaeterä. Jare jokua pemburuwicharä iko wae tuyeyokui ïru wae reta pe,” jei chupe reta.

San Lucas 22:30

“Jare che aï ma yawe opaete wae imburuwicha wasurä jaeño mái pewa, pe reta pepuereta jekuaeño pekaru che ndiwe. Jare pewapɨta peï kuri wi wapɨa reta pe piko waerä Israel iñemoñaa reta imburuwicha retarä,” jei Jesús jemimboe reta pe.

San Lucas 7:28

“Che tae pewe añetete wae, opaete kuimbae reta wi mbaetɨi kía nungawe imbaepuerete Juan wi. Erëitu taɨkue rupi Tumpa oï ma yawe opaete wae imburuwicha wasurä, ipotawe kía oï Tumpa ndiwe wae imbaepuereteta oï Juan wi. Jukuäraita ko, yepe tëi jae mbae’ä etei ko ïru wae reta pewarä aramoi,” jei Jesús chupe reta.

San Juan 13:20

“Che tae pewe añetete wae, che amondo yawe kía umɨmbeu waerä cheré, jare kía wɨrowia jese yawe, cheré etei ko wɨrowia oï. Jare jokua cheré wɨrowia wae, chembou wae re etei ko wɨrowia oï wi,” jei Jesús jemimboe reta pe.

San Juan 14:21

“Ime yawe kía che jae wae uikuaa jare uyapo wae, jae cherau ko. Jare cheRu uauta jokua cherau wae, jare che auta wi. Jare ayekuaakata chupe kía etei ko che wae,” jei chupe reta.

1 Tesalonicenses 4:8

Jukuärái ko Tumpa yanemboe. Jare umee wi yandewe Espíritu Santo yanemborɨ yaiko waerä jae yanemboe wae rupi. Jáeramo kía wɨrɨ̈ro yawe kua yemboe, wɨrɨ̈ro ko Tumpa etei. Kuimbae’ä ko wɨrɨ̈ro oï.

1 Pedro 5:6

Tumpa imbaepuere tuichaete ko. Jáeramo piñemɨmichi jae jowai, jae pembutuichaka waerä jae uipota yawe.

Apocalipsis 21:14

Jare tëta wasu ikësea ime onoi doce iwapɨka. Jare uyekuatía oï jese reta Owecha kuimbae taurusu wae doce jemimboe tenondewaete jee reta pëti pëti rupi.

Apocalipsis 3:21

‘Che opa ma apurumɨamɨri, jare joko wi awapɨ cheRu ndiwe iwapɨa mburuwicha wasu pewa re. Jare jukuärái wi ikawi mbae wae umɨamɨri wae reta pe che ameeta uwapɨ waerä che ndiwe chewapɨa pe.