San Lucas 9:47 - Biblia

⁴⁷ Jare Jesús uikuaa chuwi reta ipɨayemɨngeta. Jayawe ueni pëti sambiaɨ oñono iyɨpɨ mii pe.

Guaraní Pe (Western): Simba

⁴⁷ Jare Jesús uicuaa chugüi reta ipɨayemɨngueta. Jayave ueni penti sambiaɨ jare oñono iyɨpɨ pe.

San Lucas 9:47 Iomraidhean Croise

Salmo 139:2

Nde ndikuaa opaete mbaembae ayapo wae. Yepe tëi chemaerä mbɨrɨ echa aï ndewi, jesewe ndikuaa opaete chepɨayemɨngeta reta.

Salmo 139:23

CheTumpa, emae chepɨa re ndikuaa kawi waerä chepɨayemɨngeta reta re.

San Mateo 12:15

Erëi Jesús uikuaa chuwi reta mbae uipota uyapo reta wae; jáeramo oë oo ye chuwi reta. Jare jeta wae reta yuraa jupie, jare Jesús umɨnguera opaete imbaerasɨ wae reta jae reta ipɨte pe.

San Mateo 9:4

Jayawe Jesús uikuaa chuwi reta ipɨayemɨngeta, jare jei chupe reta: “¿Maera pa piyemɨngeta peï mbae ikawi mbae wae pepɨa pe?” jei.

San Lucas 5:22

Jayawe Jesús uikuaa woi chuwi reta ipɨayemɨngeta, jare jei chupe reta: “¿Maera pa jukuärái piyemɨngeta peï pepɨa pe?” jei.

San Juan 16:30

“Añawe ramo nduikuaa kawi nde ndikuaa ko opaete mbaembae wae. Jare nde neäro’ä kía upɨrandu waerä ndewe mbae re ndikuaa waerä chuwi ipɨayemɨngeta. Jáeramo ore ndorowia nde ndeyu ko Tumpa wi,” jei reta chupe.

San Juan 21:17

Jare jei ye chupe mbapɨ wese ma: “Simón, Jonás taɨ, ¿cherau pa?” Añawe Pedro ipɨatɨtɨ, echa’ä mbapɨ wese ma Jesús upɨrandu chupe uau ra wae. Jayawe jei ye Jesús pe: “CheYa, nde ndikuaa opaete. Nde ndikuaa kawi che nduau ko,” jei chupe. Jare Jesús jei ye chupe: “Emɨngaru cheowecha mii reta,” jei chupe.

1 Corintios 14:20

Hermano mii reta, kua mbaembae reta rewa awɨye jekuaeño pepɨa pe piyemɨngeta sambiaɨ reta rami. Ime amokue mbaembae re ikawi ko pe reta piko waerä pëti sambiaɨ iyarakuaa mbae wae rami – jae ko mbaembae ikawi mbae wae rewa. Erëi jokua mbaepuere reta Espíritu Santo umee yandewe wae, jokua re aeka pewe piyemɨngeta waerä pepɨa pe ukuakuaa wae reta rami.

Hebreos 4:13

Añetete mbaetɨ kiawe Tumpa uyapo wae ipuere uñemi chuwi, echa’ä Tumpa uecha jare uikuaa opaetei mbaembae. Jare jae jowai yayemboɨta ñaï kuri yamɨmbeu waerä yandereko rewa.