San Lucas 9:44 - Biblia

⁴⁴ “Piyapɨsaka kawi kua che jaeta pewe wae re. Che kuimbaerä ayeyapo wae, imeta kía chemee oï cherowaicho reta pe wae,” jei chupe reta.

Guaraní Pe (Western): Simba

⁴⁴ —Piyapɨsaca cavi cua jae peve vae re. Echa'ã che cuimbaerã ayeyapo vae penti vae chemeeta cherovaicho reta pe —jei.

San Lucas 9:44 Iomraidhean Croise

San Mateo 16:21

Jare jokua ara reta wiwe Jesús umbɨpɨ umɨmbeu jemimboe reta pe kërái jae umanota iko wae. Jei chupe reta: “Che imeta ko a Jerusalén pe. Jare joko pe yandetenondewa reta, jare sacerdote itenondewa reta, jare Moisés uikuatía wae re oporomboe wae reta uiporarakata chewe jare cheyukakata reta,” jei. “Erëi kua imeta ko uyeyapo. Jare joko wi mbapɨ ara pe aikowe yeta ayu aï kuri umanokue wae reta ipɨte wi,” jei chupe reta.

San Mateo 26:2

“Pe reta pikuaa mokui araño ma ko uata oï uwäe waerä pascua ara. Jokua ara etei, che kuimbaerä ayeyapo wae, imeta kía reta chemee cherowaicho reta pe jae reta chekutuka waerä kurusu re amano waerä.” Jukuärái Jesús jei chupe reta.

Marcos 8:31

Jayawe Jesús umbɨpɨ umɨmbeu kawi jemimboe reta pe kërái jae umanota iko wae. Jei chupe reta: “Che kuimbaerä ayeyapo wae imeta ko aiporara jeta. Jare yandetenondewa reta, jare sacerdote itenondewa reta, jare Moisés uikuatía wae re oporomboe wae reta chererɨ̈rota jare cheyukakata reta,” jei. “Erëi kua imeta ko uyeyapo. Jare joko wi mbapɨ ara pe aikowe yeta ayu aï kuri umanokue wae reta ipɨte wi,” jei chupe reta.

Marcos 9:31

echa’ä omboe iko jemimboe retaño. Jayawe jei jemimboe reta pe: “Che kuimbaerä ayeyapo wae, imeta kía chemee oï cherowaicho reta pe wae. Jare jae reta cheyukata,” jei. “Erëi taɨkue rupi mbapɨ ara ma uasa yawe, aikowe yeta ayu aï kuri umanokue wae reta ipɨte wi,” jei chupe reta.

San Lucas 1:66

Jare opaete kua uyandu wae reta ipɨa pe uyemɨngeta kua re, jare jei reta iyupe: “¿Mbaerä ra ikota aipo kua sambiaɨ ukuakuaa ma yawe?” Jukuärái jei reta, echa’ä uecha reta yandeYa imbaepuere oï Juan ndiwe.

San Lucas 18:31

Jayawe Jesús ueni ikotɨ jokua doce jemimboe reta jare jei chupe reta: “Mase, pe reta pikuaa peï añawe ya ñaï Jerusalén kotɨ. Jare aipota pikuaa kawi waerä kua: Joko pe uyeyapota oï opaete Tumpa iñee arakae umɨmbeu wae reta uikuatía che kuimbaerä ayeyapo wae re,” jei.

San Lucas 2:19

Erëi María upi ipɨa pe opaete kua mbaembae jare jukuärái iñakañɨ'ä chuwi reta.

San Lucas 2:51

Jayawe Jesús oo ye Nazaret pe jae reta ndiwe, jare jekuaeño uyapo jae reta jei wae rupi. Jare Jesús ichɨ upi ipɨa pe opaete jokua mbaembae uasa wae.

San Lucas 24:44

Joko wi jei chupe reta: “Pemandúa kawi peï, che aiko yawe pe reta ndiwe, che amɨmbeu pewe kua mbaembae uyeyapota iko chewe wae,” jei. “Che jae pewe imeta ko uyeyapo chewe opaete Moisés arakae uikuatía cheré wae, jare jae nunga wi jokua ïru kuimbae reta Tumpa iñee arakae umɨmbeu wae uikuatía cheré wae, jare salmo reta pe wi,” jei chupe reta.

San Lucas 9:22

Jare jei wi chupe reta: “Che kuimbaerä ayeyapo wae imeta ko aiporara jeta. Jare yandetenondewa reta, jare sacerdote itenondewa reta, jare Moisés uikuatía wae re oporomboe wae reta chererɨ̈rota jare cheyukakata reta,” jei. “Erëi kua imeta ko uyeyapo. Jare joko wi mbapɨ ara pe aikowe yeta ayu aï kuri umanokue wae reta ipɨte wi,” jei chupe reta.

San Juan 16:31

Jayawe Jesús jei chupe reta: “¿Añetete ra perowia ma peï añawe?

San Juan 16:4

Erëi che amɨmbeu ma pewe kua ndei uyeyapo mbowe pemandúa waerä kua chiñee re jokua ara uwäe ma yawe,” jei chupe reta. “Kua mbaembae reta amɨmbeu’ä pewe tenonde wiwe, echa’ä che aiko pe reta ndiwe ramo jare puepɨ opa mbaembae wi.

San Juan 19:11

Jare Jesús jei chupe: “Jukuärái tëi añetete. Erëi ndarau etei mbaepuere nenoi cheré Tumpa umaeño’ä nderé yawe. Añawe nde ime nenoi teko kua mbae uyeyapo oï chewe wae re. Erëi uasaete teko onoi jokua kuimbae chemee ndewe wae,” jei chupe.

Hechos 2:23

“Jesewe pëti wae umee pewe Jesús,” jei. “Jare pe reta etei pipɨsɨka Jesús jare pemee yuapɨ ye judío mbae wae reta pe uikutu kurusu re piyukaka waerä,” jei. “Erëitu pe reta jokoropi piyapo ma ko arakae Tumpa iñee pe uyekuatía oï wae jei piyapota piko wae,” jei. “Echa’ä Tumpa uikuaaño mái iko opaete mbaembae ndei uyeyapo mbowe,” jei Pedro chupe reta.

Hebreos 2:1

Jayawe opaete kua mbaembae añetete ko. Jáeramo imeta ko yaipɨsɨ kawi yandeyupe jokua ñee yayandu Tumpa Taɨ rewa wae, awɨye waerä yapia Tumpa jape wi.