San Lucas 9:33 - Biblia

³³ Erëi Moisés jare Elías yuraa ye ma ñonoï yawe, Pedro jei Jesús pe: “Oporomboe wae, jaekawi ko ore noï kua pe,” jei chupe. “Nduyapota mbapɨ warasɨ̈a ñanarokɨ pewa – pëti nemaerä, pëti Moisés pewarä, jare pëti Elías pewarä wi,” jei chupe. Añetete Pedro uyemɨngeta uikuaa mbae rewe mbae jei iko wae.

Guaraní Pe (Western): Simba

³³ Jare Moisés jare Elías yugüɨraa yeta ma yave, Pedro jei Jesús pe: —Oporomboe vae, icavi co ñaĩ vaerã cua pe. Turuyapo mbapɨ guarasɨ̃a ñanaroquɨ pegua, penti nembaerã, penti Moisés peguarã jare penti Elías peguarã —jei. Echa'ã Pedro uicuaa'ã mbae jei vae.

San Lucas 9:33 Iomraidhean Croise

San Mateo 17:14

Jayawe Jesús jare jokua mbapɨ jemimboe reta ndiwe yuweru ye uwäe reta jeta ñonoï wae reta pe. Jare pëti kuimbae jae reta ipɨte wi ou uñeñono itawa re Jesús jowai. Jare jei chupe:

San Mateo 17:4

Jayawe Pedro jei Jesús pe: “OreYa, jaekawi ko ore noï kua pe,” jei chupe. “Nde ndipota yawe, che ayapota kua pe mbapɨ warasɨ̈a ñanarokɨ pewa – pëti nemaerä, pëti Moisés pewarä, jare pëti Elías pewarä wi,” jei chupe.

Marcos 10:38

Jayawe Jesús jei chupe reta: “Pe reta pikuaa’ä mbae ra peka peï wae,” jei chupe reta. “¿Pepuereta pa piporara che aiporarata wae rami, jare pepuereta pa pemɨawäta yembɨawái reta che amɨawätata wae rami?” jei chupe reta.

San Lucas 5:5

Jayawe Simón jei Jesús pe: “Oporomboe wae, oreköe ma nduparawɨkɨ tëi. Erëi nduipɨsɨ'ä mbae awe. Erëi añawe nde ndere chewe ramo, tamombo pɨsa reta,” jei chupe.

San Lucas 9:34

Jare Pedro kua jei rambuewe, uweyɨ amapɨ̈tu jare opa oñowa reta. Jare kua uecha yawe, Jesús jemimboe reta ukɨye.

San Lucas 9:49

Jayawe Juan jei Jesús pe: “Oporomboe wae, ore nduecha pëti kuimbae omoë iko aña reta kuimbae reta wi. Jare jae nderee re uyapo iko jukuärái,” jei. “Jare ore ndoe chupe awɨye ma jukuärái uyapo waerä, echa’ä jae ñaneïru’ä ko,” jei chupe.

San Juan 14:8

Jayawe Felipe jei Jesús pe: “OreYa, echaka mii orewe ndeRu. Jokuaño nduipota,” jei chupe.

2 Corintios 4:6

Nduyembutuicha’ä etei, echa’ä Tumpaño ko umbɨyekuaa tembipe pɨ̈tumimbi wi. Jare Tumpa etei ko umbɨembipe yandepɨa pe yaikuaa kawi waerä kërái Cristo rupi etei ko uyekuaa Tumpa imbaepuere jembipete ye wae.