San Lucas 9:32 - Biblia

³² Erëi topeɨ umɨamɨri Pedro jare ïru reta wi. Jare aramoiño jae reta usareko jare uecha Jesús imbaepuere jembipete wae oï jese. Jare uecha reta wi jokua mokui kuimbae Jesús ndiwe ñonoï wae reta.

Guaraní Pe (Western): Simba

³² Ẽrei Pedro jare jae ndive ñugüɨnoi vae jopeɨ jare oque. Ẽrei usareco ye, jare uecha Jesús ipõra ete, jare uecha vi jocua mocui cuimbae Jesús ndive ñugüɨnoi vae reta.

San Lucas 9:32 Iomraidhean Croise

Marcos 14:40

Jare joko wi jekuae ou ye jemimboe reta ñonoï wae pe. Jare uecha oke ñonoï reta ye, echa’ä topeɨ opa umɨamɨri reta ramo. Jare jae reta uikuaa’ä mbae jei waerä Jesús pe.

San Juan 1:14

Jayawe jae ko jee Ñee wae ou kua ɨwɨ pe iko waerä yandepɨte pe. Jae uyeyapo kuimbaerä. Jare ore nduikuaa kía ko jae wae, echa’ä ore nduecha jae imbaepuere jupiete ye wae – jae ko Tumpa Taɨ jae waeño wae etei imbaepuere. Jare ore nduecha wi jae ipɨakawiete yandekotɨ, jare opaete mbae jae jei wae añetete ko.

San Juan 17:24

“CheRu mii, ndei ɨwɨ uyeyapo mbowe, nde cherauño mái jare nemee chewe mbaepuere jupiete ye wae. Jare che aipota jokua kía nunga nde nemee chewe wae reta yureko waerä che ndiwe kiape che aikota wae pe. Echa’ä che aipota jae reta uecha waerä chembaepuere jupiete ye wae,” jei.

2 Pedro 1:16

Ore numɨmbeu ma ko pewe kërái yandeYa Jesucristo ou yeta oï imbaepuere jembipete rewe. Erëi jukuärái numɨmbeu pewe yawe, numɨmbeu’ä ko pewe ore ndoe waeño. Ore nduecha oreresa pe etei yandeYa imbaepuere jembipete wae.

1 Juan 3:2

Cheïru puau wae reta, añawe yande ko jae Tumpa taɨ reta. Jare ndeiño Tumpa uikuaaka yandewe kërái eteita ra ko ñaï kuri wae. Erëi yaikuaa ko ñaïta Cristo rami jae ou ye yawe, echa’ä yaechata jae etei kërái ko jae wae.