San Lucas 9:3 - Biblia

³ Jare jei chupe reta: “Peo yawe, awɨye peraa mbae awe. Awɨye peraa pepopoka, peurupuku, perembiurä, jare korepoti. Jokua peremimonde pemonde peï wae, jokuaño peraa,” jei chupe reta.

Guaraní Pe (Western): Simba

³ Jare jei chupe reta: —Agüɨye mbae peraa. Agüɨye peraa pepopoca. Agüɨye peraa peurupucu, perembiurã jare corepoti. Jare agüɨye peraa mocui camisa —jei—.

San Lucas 9:3 Iomraidhean Croise

Marcos 6:7

Pëti ara Jesús umbatɨka jokua doce jemimboe tenondewaete reta, jare omondo mokui mokui rupi oporomboe waerä. Jare umee chupe reta mbaepuere omoë waerä aña uyembɨiya jese wae reta wi.

San Lucas 12:22

Jayawe Jesús jei jemimboe reta pe: “Jayawe che tae pewe, awɨye piyembɨpɨa’ä jokua mbaembae piporuta wae re kua ɨwɨ pe peï rambuewe – jae ko perembiurä wae re jare peremimonderä wae re,” jei.

San Lucas 12:28

“Jukuärái Tumpa omopöra kawi ñana reta, yepe tëi ñana reta pëti ara jekowe rewe oï jare pɨarewe pe ñañono tata pe,” jei. “Jare pe reta, Tumpa perauete ye ko jokua mbaepotɨ reta wi. Jayawe ¿këraita pa jae umeeta’ä pewe peremimonderä? Tumpa re perowia wae michiete ko,” jei chupe reta.

San Lucas 22:35

Jayawe Jesús jei wi jemimboe reta pe: “Pe reta pemandúa kawi peï, jokua wese che pomondo yawe chiñee peraa waerä, amɨmbeu pewe awɨye waerä peraa korepoti, jare peurupuku, jare mokui mbɨpasa. Añawe tapɨrandu pewe: ¿Uata pa pewe jokua wese mbae?” jei chupe reta. “Uata’ä orewe,” jei reta.

San Lucas 3:11

Jayawe Juan jei chupe reta: “Ime yawe kía mokui temimonde onoi wae, tumee pëti wae mbaetɨ temimonde onoi wae pe. Jare ime yawe kía tembiu onoi wae, tumee mii wi kía mbaetɨ tembiu onoi wae pe,” jei chupe reta.

San Lucas 5:29

Jare kaaru katu ma yawe, Leví uyapoka tembiu jëta pe Jesús pewarä. Jare uparea wi mburuwicha pewarä okowara wae reta pe jare ïru wae reta pe.

San Lucas 9:4

“Jare peo ma pewäe yawe pëti tëta wasu pe, jare ime yawe kía uparea pewe pepɨta waerä jëta pe, pepɨta joko peño jokua tëta wasu wi peo ye rewa,” jei.

2 Timoteo 2:4

Pëti sɨndaro oo ñeräro pe wae awɨyeta ko uyembɨpɨa’ä mbaembae kua ɨwɨ pewa re umbɨyerowia waerä itenondewa. Jare jukuärái wi ikawi’ä ko yande yayembɨpɨa’ä waerä mbaembae ɨwɨ pewa re, echa’ä yandeYa Jesucristo pe yayeyokui ñaï ramo.