San Lucas 9:28 - Biblia

²⁸ Juri ara uasa yawe Jesús jei chupe reta wae, jae wɨraa Pedro, Juan, jare Jacobo ïru wae reta ipɨte wi. Jare irundɨ rewe yuraa uyupi reta pëti ɨwɨtu wasu re, joko pe uyerure waerä Tumpa pe.

Guaraní Pe (Western): Simba

²⁸ Jare ocho ara rupi cua jei rendave pe, Jesús güɨraa Pedro, Juan jare Jacobo ĩru vae reta ipɨte güi, jare uyupi penti ɨvɨtu guasu re uyerure vaerã Tumpa pe.

San Lucas 9:28 Iomraidhean Croise

San Mateo 14:23

Jare opa ma omondo ye reta yawe, Jesús uyupi pëti ɨwɨtu wasu re oo uyerure waerä Tumpa pe. Jare pɨ̈tu ma yawe, Jesús imeño jaeño pe etei joko pe oï.

San Mateo 5:1

Jare Jesús uecha yawe kua jeta wae reta yuweru ñonoï ikotɨ, oo uyupi pëti ɨwɨtu re. Jare joko pe uwapɨ omboe reta waerä. Jare jemimboe reta yuweru uyembatɨ jae oï wae pe.

Marcos 1:35

Pɨarewe pe Jesús upüa ndei köe mbowe, jare oë oo kïi ngatu wae pe uyerure waerä Tumpa pe.

Marcos 6:46

Jare opa ma omondo reta ye yawe, Jesús uyupi pëti ɨwɨtu re oo uyerure waerä Tumpa pe.

San Lucas 3:21

Erëi ndei oñono reta Juan peresorɨru pe mbowe, Juan umbɨsakambu iko jeta wae reta ɨ pe. Jare jae nunga wi Juan umbɨsakambu Jesús. Jare jokua jaɨkue rupi, Jesús uyerure iko Tumpa pe. Jare jae uyerure iko rambuewe, ara uyepea.

San Lucas 5:16

Erëi Jesús jeta wese usɨrɨ chuwi reta, jare oo kïi ngatu wae pe uyerure waerä Tumpa pe jaeño pe etei.

San Lucas 6:12

Jokua ara reta rupi Jesús oo uyupi pëti ɨwɨtu re uyerure waerä Tumpa pe. Jare iköe joko pe uyerure Tumpa pe.

San Lucas 8:51

Jare yuraa uwäe reta yawe tëta pe, Jesús umaeño’ä ïru wae reta re uike waerä jae ndiwe – jaeño Pedro, Jacobo, Juan, jare kuñatái tu jare ichɨ.

San Lucas 9:18

Pëti ara Jesús usɨrɨ uyerure waerä jaeño pe etei Tumpa pe. Erëi taɨkue rupi jemimboe reta yuweru wi jae oï wae pe. Jare Jesús upɨrandu chupe reta: “¿Kërái pa ïru wae reta uyemɨngeta kía ko che wae?” jei chupe reta.

San Juan 6:3

Jare yuraa ma uwäe reta yawe, uyupi reta pëti ɨwɨtu re jare Jesús uwapɨ joko pe jemimboe reta ndiwe.

2 Corintios 13:1

Mokui wese ma a apou pepɨ. Jare añawe ata apou ye aï pepɨ. Kua re mbapɨ wese ma. Pikuaa kawi peï taɨkue rupi apou aiko pepɨ yawe, che jae jokua teko kachi rupi yureko wae reta pe: “Che ayu ye yawe, aiporarakata aï pewe peya’ä yawe pereko kachi. Jare jukuärái ayapota aï ipotawe wae pe ueya’ä yawe jeko kachi,” jae chupe reta. Jare añawe, yepe tëi aï'ä pe reta ndiwe joko pe, erëi pumɨmandúa aï jokua re kua aikuatía aï pewe wae rupi. Echa’ä Tumpa iñeerɨru pe jei yandewe kuärái: “Ime yawe kía teko uyapo wae, imeta ko imiäri jese mokui ani mbapɨ wae uikuaa kawi jokua teko wae, jukuärái yaikuaa waerä añetete ra.” Jukuärái jei.

Hebreos 5:7

Cristo kua ɨwɨ pe iko rambuewe, uyerure usapɨkai rewe jare jesaɨ rewe yandeRu Tumpa pe jae uepɨ waerä mano wi. Jare Cristo uñemɨmichi rewe uyapo Tumpa jei wae ramo, Tumpa uyapɨsaka uyerure chupe wae re. Echa’ä umbɨjekowe ye ueru Cristo umanokue wae reta ipɨte wi.

2 Pedro 1:16

Ore numɨmbeu ma ko pewe kërái yandeYa Jesucristo ou yeta oï imbaepuere jembipete rewe. Erëi jukuärái numɨmbeu pewe yawe, numɨmbeu’ä ko pewe ore ndoe waeño. Ore nduecha oreresa pe etei yandeYa imbaepuere jembipete wae.