San Lucas 9:22 - Biblia

²² Jare jei wi chupe reta: “Che kuimbaerä ayeyapo wae imeta ko aiporara jeta. Jare yandetenondewa reta, jare sacerdote itenondewa reta, jare Moisés uikuatía wae re oporomboe wae reta chererɨ̈rota jare cheyukakata reta,” jei. “Erëi kua imeta ko uyeyapo. Jare joko wi mbapɨ ara pe aikowe yeta ayu aï kuri umanokue wae reta ipɨte wi,” jei chupe reta.

Guaraní Pe (Western): Simba

²² Jayave Jesús jei chupe reta: —Che cuimbaerã ayeyapo vae aiporara eteta. Jare judío reta itenondegua reta jare sacerdote reta itenondegua reta jare mboroyocui re oporomboe vae reta ndarau uipota aico vaerã juvicha guasurã, jare cheyucacata. Ẽrei mbapɨ ara rupi aicove yeta ayu umanocue vae reta ipɨte güi —jei.

San Lucas 9:22 Iomraidhean Croise

Génesis 3:15

Jare ayapota nde jare kuña piyembowaicho waerä, jare jae iñemoñaa jare nde niñemoñaa wi. Jokua kuña iñemoñaa uyapasota näka, jare nde nembɨpereta ipɨtäsa pe,” jei Tumpa mboi pe.

Daniel 9:26

“Jare 483 año ma uasa yawe, uyukata ñonoï reta Cristo yae chupe wae, erëi mbaetɨta mbae jae uyapo wae jeko pewa. Joko wi ɨma ma uasa yawe, uyekuaata oï ambɨe mburuwicha wasurä ambɨe ɨwɨ pewa. Erëi ndei jae uyekuaa mbowe, iɨwɨ pewa reta opata umbái Jerusalén jare tupao wasu. Opata umbái reta mbaesusere tuichaete wae rupi, jare joko wiwe ara taɨkuewa uwäe rewa imeta ñeräro reta jare mbaesusere reta. Jukuärái Tumpa jei uyeyapota oï.

San Mateo 17:12

“Erëi che tae pewe añetete wae, Elías ou ma ko, jare yandetenondewa reta uikuaa’ä. Jáeramo uyapo reta chupe mbae jae reta uipota wae rupi. Jae ramiño wi che kuimbaerä ayeyapo wae aiporarata aï wi jae reta ipo pe,” jei chupe reta.

San Mateo 17:22

Jare ɨwɨ Galilea pe ñonoï rambuewe, Jesús jei jemimboe reta pe: “Che kuimbaerä ayeyapo wae, imeta kía chemee oï cherowaicho reta pe wae.

San Mateo 27:63

Jare jei reta chupe: “Oremburuwicha, oremandúa ma noï, ndei umano mbowe jokua upurumbɨtawɨse pochɨ wae jei, ‘Mbapɨ ara ma uasa yawe, aikowe yeta ayu aï kuri umanokue wae reta ipɨte wi,’ jeise uyemɨngeta.

Marcos 8:31

Jayawe Jesús umbɨpɨ umɨmbeu kawi jemimboe reta pe kërái jae umanota iko wae. Jei chupe reta: “Che kuimbaerä ayeyapo wae imeta ko aiporara jeta. Jare yandetenondewa reta, jare sacerdote itenondewa reta, jare Moisés uikuatía wae re oporomboe wae reta chererɨ̈rota jare cheyukakata reta,” jei. “Erëi kua imeta ko uyeyapo. Jare joko wi mbapɨ ara pe aikowe yeta ayu aï kuri umanokue wae reta ipɨte wi,” jei chupe reta.

Marcos 9:31

echa’ä omboe iko jemimboe retaño. Jayawe jei jemimboe reta pe: “Che kuimbaerä ayeyapo wae, imeta kía chemee oï cherowaicho reta pe wae. Jare jae reta cheyukata,” jei. “Erëi taɨkue rupi mbapɨ ara ma uasa yawe, aikowe yeta ayu aï kuri umanokue wae reta ipɨte wi,” jei chupe reta.

San Lucas 17:25

“Erëi ndei jokua uyeyapo mbowe, che imeta ko täta aiporara, jare añawe rupi yureko wae reta imeta ko chererɨ̈ro wi,” jei chupe reta.

San Lucas 24:26

“¿Uyekuatia’ä yerá oï kërái Cristo yae chupe wae tenonde imeta ko uiporara rani? Jare uiporara ma yawe, yandeRu Tumpa etei umbutuichata oï ara pe,” jei chupe reta.

San Lucas 24:44

Joko wi jei chupe reta: “Pemandúa kawi peï, che aiko yawe pe reta ndiwe, che amɨmbeu pewe kua mbaembae uyeyapota iko chewe wae,” jei. “Che jae pewe imeta ko uyeyapo chewe opaete Moisés arakae uikuatía cheré wae, jare jae nunga wi jokua ïru kuimbae reta Tumpa iñee arakae umɨmbeu wae uikuatía cheré wae, jare salmo reta pe wi,” jei chupe reta.

San Lucas 24:7

Echa’ä jae jei pewe: ‘Che kuimbaerä ayeyapo wae, imeta ko chemee reta jeko kachi wae reta ipo pe. Jare jae reta chekututa kurusu re cheyuka waerä. Erëi joko wi mbapɨ ara pe aikowe yeta ayu aï umanokue wae reta ipɨte wi.’ Jukuärái Jesús jei pewe,” jei chupe reta.

San Lucas 9:44

“Piyapɨsaka kawi kua che jaeta pewe wae re. Che kuimbaerä ayeyapo wae, imeta kía chemee oï cherowaicho reta pe wae,” jei chupe reta.

1 Corintios 15:4

Jae jetekue ïru reta oñono teöwerenda pe, jare joko wi mbapɨ ara pe Tumpa umbɨjekowe ye ueru umanokue wae reta ipɨte wi kërái Tumpa iñeerɨru pe arakae uyekuatía iko wae rupi.