San Lucas 9:18 - Biblia

¹⁸ Pëti ara Jesús usɨrɨ uyerure waerä jaeño pe etei Tumpa pe. Erëi taɨkue rupi jemimboe reta yuweru wi jae oï wae pe. Jare Jesús upɨrandu chupe reta: “¿Kërái pa ïru wae reta uyemɨngeta kía ko che wae?” jei chupe reta.

Guaraní Pe (Western): Simba

¹⁸ Penti ara Jesús oo jeta vae ipɨte güi uyerure vaerã Tumpa pe. Jare jemimboe reta joco pe ñugüɨnoi jae ndive. Jayave Jesús upɨrandu chupe reta: —¿Quía pa co che ĩru vae reta pe? —jei.

San Lucas 9:18 Iomraidhean Croise

San Mateo 14:23

Jare opa ma omondo ye reta yawe, Jesús uyupi pëti ɨwɨtu wasu re oo uyerure waerä Tumpa pe. Jare pɨ̈tu ma yawe, Jesús imeño jaeño pe etei joko pe oï.

San Mateo 26:36

Jayawe Jesús jare jemimboe reta ndiwe yuraa uwäe reta temitɨ reta jenda Getsemaní jee wae pe. Jare Jesús jei jemimboe reta pe: “Pewapɨ kua pe che a pea pe ayerure rambuewe Tumpa pe,” jei chupe reta.

San Lucas 11:1

Pëti ara Jesús uyerure iko Tumpa pe. Jare opa ma uyerure yawe, pëti jemimboe jei chupe: “CheYa, Juan omboe jemimboe reta kërái uyerure waerä Tumpa pe. Jare ore nduipota wi nde oremboe waerä jukuärái,” jei chupe.

San Lucas 3:21

Erëi ndei oñono reta Juan peresorɨru pe mbowe, Juan umbɨsakambu iko jeta wae reta ɨ pe. Jare jae nunga wi Juan umbɨsakambu Jesús. Jare jokua jaɨkue rupi, Jesús uyerure iko Tumpa pe. Jare jae uyerure iko rambuewe, ara uyepea.

San Lucas 6:12

Jokua ara reta rupi Jesús oo uyupi pëti ɨwɨtu re uyerure waerä Tumpa pe. Jare iköe joko pe uyerure Tumpa pe.

San Lucas 9:19

Jayawe jae reta jei chupe: “Amokue wae jei nde ko jae Juan upurumbɨsakambuse wae. Jare ïru wae reta jei nde ko jae Tumpa iñee arakae umɨmbeu wae Elías, ani ambɨe kuimbae Tumpa iñee arakae umɨmbeu wae ikowe ye ma ou umanokue wae reta ipɨte wi,” jei reta.

San Lucas 9:28

Juri ara uasa yawe Jesús jei chupe reta wae, jae wɨraa Pedro, Juan, jare Jacobo ïru wae reta ipɨte wi. Jare irundɨ rewe yuraa uyupi reta pëti ɨwɨtu wasu re, joko pe uyerure waerä Tumpa pe.

San Lucas 9:29

Jare Jesús uyerure iko rambuewe, jowa uyembɨambɨe jare jemimonde tïasɨ uwera uyekuaa.