San Lucas 9:12 - Biblia

¹² Jare kaaruete ma oo yawe, jokua doce wae yuweru jei Jesús pe: “Emondo kua jeta wae reta tëta wasu raɨ reta kotɨ jare kiape ime tëta wae rupi, joko pe ukaru reta waerä jare oke reta waerä. Echa’ä mbaetɨ etei mbae awe kua rupi,” jei reta.

Guaraní Pe (Western): Simba

¹² Caaru ma yave, jocua doce vae yugüeru Jesús oĩ vae pe jare jei chupe: —Emondo cua jeta vae tenta tenta rupi, joco pe ucaru vaerã jare oque vaerã. Echa'ã mbaetɨ tenta cua rupi —jei reta.

San Lucas 9:12 Iomraidhean Croise

San Mateo 14:13

Jare Jesús uyandu yawe Juan imano rewa, oo uyupi pëti chalana pe jare oo kïi ngatu wae pe. Erëi jeta wae reta uikuaa kiape Jesús oo oï wae. Jayawe jae reta yuraa Jesús jaɨkue ɨwɨ rupi etei tëta wasu raɨ reta wi.

San Mateo 15:23

Erëi Jesús jei’ä mbae awe chupe. Jayawe jemimboe reta yuweru jei chupe: “Emondo ye jokua kuña, echa’ä usapɨkai pɨi rewe ou oï yanderaɨkue. Yanembɨkuerita oï,” jei reta chupe.

San Mateo 15:32

Jayawe Jesús ueni jemimboe reta ikotɨ jare jei chupe reta: “Aiparareko anoi kua yuweru wae reta. Echa’ä mbapɨ ara rupi ma ñonoï reta che ndiwe, jare mbaetɨ ma mbae onoi reta jou waerä. Aipota’ä amondo ye reta iyembaɨ rewe, echa’ä aramoi jesawɨrɨta reta tape rupi,” jei chupe reta.

San Lucas 9:11

Erëi jeta wae reta uikuaa jare yuraa jaɨkue. Jare Jesús umbɨresiwe kawi reta, jare omboe reta këraita ko oï mbaembae Tumpa oï ma yawe opaete wae imburuwicha wasurä jaeño mái pewa. Jare jae nunga wi umɨnguera imbaerasɨ wae reta.

San Lucas 9:13

Jayawe Jesús jei chupe reta: “Pe reta etei ko pemeeta chupe mbae jou reta waerä,” jei chupe reta. Jayawe Jesús jemimboe reta jei chupe: “Jaeño ime nonoi pandepo mbɨyape jare mokui pira chariki mii,” jei reta. “Erëi kua ndarau etei uepitɨ opaete pewarä. ¿Mbae ndere? ¿Ndoota pa ndowa tembiu opaete wae pewarä?” jei reta Jesús pe.

San Juan 6:1

Kua jaɨkue rupi Jesús jare jemimboe reta ndiwe yuraa uwäe reta ɨpa wasu Galilea jowaicho pe. Jokua ɨpa wasu jee wi Tiberias.

Filipenses 1:19

Echa’ä che aikuaa opaete kua mbaembae uyeyapo oï chewe wae ikawita oï chewe, echa’ä pe reta piyerure peï Tumpa pe cheré ramo, jare Espíritu Santo Jesucristo ombou wae chemborɨ oï ramo.