San Lucas 9:1 - Biblia

¹ Pëti ara Jesús umbatɨka jokua doce jemimboe tenondewaete reta, jare umee chupe reta mbaepuere omoë waerä aña uyembɨiya jese wae reta wi jare umɨnguera waerä imbaerasɨ wae reta.

Guaraní Pe (Western): Simba

¹ Penti ara Jesús opa umbatɨ jocua doce jemimboe reta, jare umee chupe reta mbaepuere umbɨsɨrɨ vaerã aña reta oya jese vae reta güi jare umbɨgüera vaerã imbaerasɨ vae reta.

San Lucas 9:1 Iomraidhean Croise

San Mateo 16:19

“Nde ndipeata öke ipuere waerä wɨrowia reta cheré, jare che ameeta ndewe mbaepuere jese reta,” jei chupe. “Jare ime yawe kua ɨwɨ pe mbae re nde nemaeño’ä jese wae, Tumpa ara pe oï wae umaeño’ä ma jese wi. Jae ramiño wi ime yawe kua ɨwɨ pe mbae re nde nemaeño jese wae, Tumpa ara pe oï wae umaeño ma ko jese wi.” Jukuärái jei Jesús Pedro pe.

San Mateo 4:24

Jáeramo Jesús jeräkua opaete ɨwɨ Siria pewa reta pe. Jare ueru reta jae oï wae pe imbaerasɨ wae reta. Amokue wae reta uiporaraete mbaerasɨ jasɨ wae, jare amokue wae reta aña uyembɨiya jese wae, jare amokue umanomano wae reta, jare amokue ipuere mbae omɨ wae reta. Jayawe Jesús umɨnguera opaetei kua imbaerasɨ wae reta.

San Mateo 8:9

“Echa’ä che aikuaa wi kërái ko mbaepuere reta. Che ime anoi chemburuwicha reta, jare che imeta ko ayapo jae reta jei chewe wae. Jae ramiño wi ime sɨndaro reta che ayokui wae. Che jae yawe pëti sɨndaro pe, ‘Ekua,’ jae oota ko. Jare jae yawe ïru sɨndaro pe, ‘Eyu,’ jae imeta ko ou. Jae ramiño wi che jae yawe uyeyokui chewe wae pe mbae uyapo waerä, jae imeta ko uyapo. Jáeramo che aikuaa nde mbae ndere yawe, uyeyapota ko,” jei sɨndaro Jesús pe.

San Lucas 10:1

Kua jaɨkue rupi yandeYa uiparawo ïru setenta kuimbae reta jare omondo tenonde mokui mokui rupi opaete tëta wasu reta jae oota wae rupi.

San Lucas 10:19

“Mase, che amee ma pewe mbaepuere aña reta re. Jare kërái kía uyapaso mboi jare chumɨkaräpe wae rami, jukuärái wi pe reta pepuereta pemɨamɨri reta,” jei. “Añetete ko, yanderowaicho Añawasu ime onoi mbaepuere. Erëi che amee ma pewe mbaepuere pemɨamɨri waerä. Ndarau etei mbae ipuere uyapo pewe,” jei.

San Juan 14:12

“Che jae aï pewe añetete wae, jokua cheré wɨrowia wae reta uyapota wi kua nunga mbaembae che ayapo wae etei. Añetete jae reta uyapota tuichaete ye mbaembae chewi, echa’ä che ata aï cheRu oï wae pe jare joko wi che amborɨta reta,” jei chupe reta.

Hechos 1:8

“Erëi pe reta pepuere pikuaa kua rewa: Espíritu Santo ou ma pepɨa pe yawe, pemɨmbaepuereta oï,” jei. “Joko wi pe reta chekuaakata opaete wae reta pe – tëta wasu Jerusalén pe rani, jare joko wi opaete ɨwɨ Judea rupi, ɨwɨ Samaria rupi, jare opaete ɨwɨ rupi,” jei chupe reta.

Hechos 3:16

“Añetete ko, ore ndorowia kawi Jesús re jeko pewa kua kuimbae uwata mbaei iko wae uwata ma oï. Pe reta pecha jare pikuaa ipuere mbae uwata iko wae. Erëitu ore ndorowia Jesús re ramo, jae umee orewe mbaepuere numɨnguera waerä kua kuimbae opaete pe reta perowai,” jei Pedro chupe reta.

Hechos 4:30

“Jare emee mii wi orewe mbaepuere ndeRaɨ jupi wae Jesús jee re ndupurumɨnguera waerä jare nduyapo waerä ïru mbaembae kiawe ipuere’ä uyapo wae.” Jukuärái uyerure reta Tumpa pe.

Hechos 9:34

Jayawe Pedro jei chupe: “Eneas, Jesucristo nemɨnguera ma. Epüa, embɨyapa jare eupi nderupa,” jei chupe. Jare jupiwoiño jae upüa.