San Lucas 8:54 - Biblia

⁵⁴ Erëi Jesús uipɨsɨ kuñatái ipo pe jare jei chupe: “¡Kuñatái, epüa!” jei.

Guaraní Pe (Western): Simba

⁵⁴ Jayave Jesús uipɨsɨ cuñatai ipo pe. —¡Cuñatai, epũa! —jei.

San Lucas 8:54 Iomraidhean Croise

Jeremías 31:32

Kua mbaetɨta ko jokua yemɨngeta ayapo tamɨkue reta ndiwe wae rami, jokua ara che opa anoe aru reta yawe ɨwɨ Egipto wi. Echa’ä jae reta uyapo’ä jokua upɨta tëi uyapo reta waerä wae. Jukuärái uyapo reta yepe tëi che ayandareko jese reta pëti kuimbae uyandareko jembireko re rami.

San Mateo 9:25

Jayawe Jesús omoë reta oka pe. Jare opa ma oë oo reta yawe, Jesús uike kuñatái joo pe jare uipɨsɨ kuñatái ipo pe. ¡Jare kuñatái upüa woi!

Marcos 1:31

Jayawe Jesús oo uipɨsɨ ipo wi umupüa umbɨwapɨ. Jare jaku upɨta woi chuwi. Jayawe jokua kuña upüa jare umbɨpɨ uyapo tembiu umɨngaru reta waerä.

Marcos 8:23

Jayawe Jesús uipoko onoe wɨraa kuimbae jesa mbae wae tëta wasu wi ikatu pe. Jayawe undɨwɨ kuimbae jesa re jare oñono ipo jese. Joko wi jei chupe: “¿Ndecha pa mbae?” jei chupe.

Marcos 9:27

Erëitu Jesús uipɨsɨ kunumi raɨ ipo wi jare umupüa. ¡Jare kunumi raɨ ukuera kawi!

San Lucas 8:51

Jare yuraa uwäe reta yawe tëta pe, Jesús umaeño’ä ïru wae reta re uike waerä jae ndiwe – jaeño Pedro, Jacobo, Juan, jare kuñatái tu jare ichɨ.

San Lucas 8:53

Erëi jae reta kua ñee uyandu yawe, oyoyai reta Jesús. Echa’ä jae reta uikuaa kuñatái umano ma.

San Lucas 8:55

Jayawe kuñatái ikowe ye jare jupiwoi upüa. Jayawe Jesús jei tu jare ichɨ pe umɨngaru waerä.

San Juan 11:43

Jayawe Jesús kua jei ma yawe, usapɨkai rewe jei: “Lázaro, eë joko wi,” jei chupe.

San Juan 5:21

“CheRu Tumpa, jae ko tekowe iYa jare jae ipuere umbɨjekowe ye umanokue wae reta. Jare jukuärái wi che jae Taɨrä aï wae chepuere amee tekowe ipotawe kía aipota wae pe,” jei chupe reta.

Hechos 9:40

Jayawe Pedro omoë opaete jae reta o wi. Jare jaeño pe etei iko yawe, uñeñono itawa re jare uyerure Tumpa pe. Joko wi uyerowa umae Dorcas jetekue re jare jei: “¡Tabita, epüa!” jei. Jayawe kuña uipea jesa jare umae. Jare uecha Pedro yawe, upüa uwapɨ.

Romanos 4:17

Jukuärái ko jei Tumpa iñeerɨru pe. Echa’ä uyekuatía oï joko pe kua mbae Tumpa jei Abraham pe wae: “Che nduyapota aï jeta ambɨe ɨwɨ pewa reta tamɨrä.” Jukuärái Tumpa jei chupe jare jukuärái ma uyapo chupe, echa’ä opaete yande Cristo re yarowia wae reta ko jae Abraham iñemoñaa añetete wae Tumpa jowai. Jare jukuärái yandepuereta yayekou Abraham ndiwe jokua mbaembae Tumpa umeeta oï chupe wae re. Tumpa uyapo kua mbae ikawi wae Abraham pewarä, echa’ä Abraham wɨrowia iñee re ramo. Abraham uikuaa Tumpa imbaepuere tuichaete ko, jare Tumpa uipota yawe, jae nunga wi ipuere umbɨjekowe ye umanokue wae reta. Jáeramo Abraham uikuaa yawai’ä ko Tumpa pewarä umee chupe uñemoña waerä.