San Lucas 8:47 - Biblia

⁴⁷ Jayawe kuña uikuaa yawe ipuere’ä oñomi jokua jae uyapo wae, oo ikotɨ urɨrɨ rewe jare uñeñono ɨwɨ re jae jowai. Jare umɨmbeu chupe opaete wae jowake maera uñatai jemimonde wae jare kërái jupiwoi ukuera wae.

Guaraní Pe (Western): Simba

⁴⁷ Jayave cuña uicuaa ipuere'ã ma uñemi Jesús güi. Jayave ou icotɨ urɨrɨ reve jare uyeatɨca Jesús jovai. Jayave umɨmbeu chupe opaete vae jovaque maera uyavɨquɨ jemimonde jare quirãi jupivoi ucuera.

San Lucas 8:47 Iomraidhean Croise

San Mateo 28:8

Jayawe kuña reta oë woi yuraa ye reta teöwerenda wi. Jare yepe tëi ukɨye reta, erëi uyerowia reta tuicha rupi. Jayawe osi yuraa umɨmbeu reta waerä Jesús jemimboe reta pe kërái araɨwa jei chupe reta rami.

Marcos 5:33

Jare kuña uikuaa ma mbae uyeyapo chupe wae. Jáeramo ou Jesús kotɨ, jare uipɨu rewe uñeñono ɨwɨ re jae jowai. Jare uyembeu chupe jae ko jemimonde uñatai wae. Jae parawete urɨrɨ iko ukɨye ramo.

San Lucas 8:46

Erëi Jesús jei: “Ime kía uñatai cheremimonde. Echa’ä aikuaa amɨnguera ma kía chembaepuere pe,” jei.

San Lucas 8:48

Jayawe Jesús jei chupe: “Cherayɨ, ndekuera ma ko cheré nderowia ramo. Ekua ndepɨakatu rewe,” jei chupe.

Hechos 16:29

Jayawe peresorɨru iyandarekoa oyokui pëti imborɨa ueru waerä chupe tembipe. Jare ueru ma chupe yawe, osi oo Pablo jare Silas ñonoï wae pe. Jare urɨrɨ rewe uñeñono ɨwɨ re jae reta jowai ukɨyete iko ramo.

1 Corintios 2:3

Jare che jaeramo a pepɨ yawe, che a cherete ipɨräta’ä iko rewe. Jare arɨrɨ aiko parawete akɨye ramo, aramoi ayawɨta aiko mbarawɨkɨ Tumpa umee chewe wae.

2 Corintios 7:15

Jare Tito imandúa kërái pe reta piyapo jae jei pewe wae re, jare kërái pembɨasa kawi pipɨu rewe. Jáeramo añawe Tito jeiete perau oï.

Filipenses 2:12

Jáeramo cheïru puau mii wae reta, che pumɨñerata mbae piyapo waerä. Pe reta pikuaa ime mbaembae Tumpa uipota pe reta piyapo waerä wae tekowe opa mbae wae ime penoi ramo. Jare che aiko yawe pe reta ndiwe, jekuaeño piyapo jokua mbaembae Tumpa wi pipɨu rewe. Erëi che pumɨñera jeiete jukuärái piyapo kawi waerä añawe rupi che mbaetɨ ma aï pe reta ndiwe rambuewe.

Hebreos 12:28

Jáeramo ñamee yasurupái Tumpa pe, echa’ä jokua jae umee oï yandewe wae, ndarau etei opa. Echa’ä jae umee oï yandewe ñaï waerä jae ndiwe jae oï ma yawe opaete wae imburuwicha wasurä jaeño mái pewa. Jáeramo yayeyokui Tumpa pe yaipɨu rewe yambɨyerowia waerä.

1 Samuel 16:4

Jayawe Samuel uyapo woi Tumpa jei chupe wae rupi. Jare oo uwäe yawe tëta wasu Belén pe, jokua tëta wasu pewa itenondewa reta yuweru ukɨye rewe upɨrandu reta chupe: “¿Ndepɨakatu rewe pa ndeyu?” jei reta chupe.