San Lucas 8:44 - Biblia

⁴⁴ Jayawe kuña ou Jesús jaɨkue kotɨ wi jare uñatai Jesús jemimonde jembeɨ pe. ¡Jare jupiwoiño juwɨ wasu upɨta chuwi!

Guaraní Pe (Western): Simba

⁴⁴ Jayave cuña oya Jesús re icupe cotɨ, jare uyavɨquɨ jemimonde jembeɨ. Jare jupivoi jugüɨguasu upɨta chugüi.

San Lucas 8:44 Iomraidhean Croise

Éxodo 15:26

Tumpa umee chupe reta jokua iñee jei rewe: “Piyapɨsaka kawi yawe che, peTumpa aikoño mái wae, jae aï pewe wae re jare piyapo yawe opaete che jae aï pewe wae rupi, jayawe ambouta’ä pewe jokua mbaesusere reta ambou ɨwɨ Egipto pe wae. Echa’ä che ko jae peTumpa pumɨnguera wae,” jei chupe reta.

San Mateo 20:34

Jayawe Jesús uiparareko umae jese reta, jare uyawɨkɨ jesa chuwi reta. Jare jupiwoiño mokui rewe ipuere umae kawi, jare yuraa reta Jesús jupie.

San Mateo 8:3

Jayawe Jesús oñono ipo jese jei rewe: “Aipotaete ndekuera waerä. Añawe ekuera,” jei chupe. Jare jupiwoiño kuimbae ukuera imbaerasɨ wi jare opaete ipire ukuera kawi.

San Mateo 9:20

Jare yuraa yureko reta rambuewe, ou Jesús jaɨkue kotɨ wi pëti kuña doce año ma uiporara oï mbaerasɨ tuwɨ wasu pewa. Jae uñatai Jesús jemimonde jembeɨ pe.

Marcos 6:56

Jayawe Jesús oo tëta wasu reta rupi, jare tëta wasu raɨ reta rupi, jare tëta raɨ ikatu rupiwa reta rupi. Jare kerupi rupi uasa wae rupi, joko pewa reta ueru oñono imbaerasɨ wae reta tape jembeɨ rupi. Jare umɨñera reta Jesús umaeño waerä imbaerasɨ wae reta re uñatai waerä Jesús jemimonde jembeɨ mii yepe. Jare opaete uñatai Jesús jemimonde wae, opa ukuera reta Jesús imbaepuere pe.

San Lucas 13:13

Jayawe Jesús oñono ipo jese. Jare jupiwoiño jokua kuña ipuere uyemɨsɨmi, jare jae umbɨpɨ umbutuicha Tumpa jee.

San Lucas 7:38

Jayawe kuña oo uwapɨchuku Jesús iyɨpɨ pe jare umbɨpɨ jesaɨ oë. Jare jesaɨ pe umäkɨ Jesús ipɨ chuwi. Joko wi umɨtini Jesús ipɨ ía pɨpe. Jare uyurupɨte Jesús ipɨ jare uipichɨ ipɨ re jokua mbae utimbo kawi wae pɨpe.

San Lucas 8:43

Jare jae reta ipɨte pe oo wi pëti kuña doce año ma imbaerasɨ iko tuwɨ wasu pe wae. Kua kuña parawete opa ma ikorepoti uiporu iyuwi ukuera waerä tëi. Erëi pëti awe upurupɨano wae reta ipuere’ä umɨnguera.

San Lucas 8:45

Jayawe Jesús jei: “¿Kía pa cheremimonde uñatai?” jei. Jayawe opaete wae jei reta: “Nuñatai’ä nderemimonde,” jei reta. Jare Pedro jei Jesús pe: “Oporomboe wae, jeta wae reta ndeopɨ ye ñonoï. ¿Maera pa ndepɨrandu kía ra nderemimonde uñatai?” jei chupe.

San Juan 5:13

Erëi kuimbae ukuera wae uikuaa’ä kía nunga kuimbae etei ko jokua umɨnguera wae. Echa’ä jeta wae reta joko pe ñonoï jare Jesús oo ma jae reta ipɨte rupi.

Hechos 19:12

Jukuärái Pablo iasoya omonde wae jare ipañera yepe kía wɨraa oñono yawe imbaerasɨ wae re, imbaerasɨ wae ukuera woi. Jare oñono yawe aña uyembɨiya jese wae re, aña usɨrɨ woi chuwi.

Hechos 5:15

Jare jeräkua opaete wae reta pe jokua mbaembae ikawi wae Jesús jemimboe tenondewaete reta uyapo yureko wae rewa. Jáeramo jeta wae reta wɨraa imbaerasɨ wae reta jupa rewe oñono tapembeɨ rupi. Jukuärái uyapo reta Pedro iwarasɨ̈a yepe uasa waerä amokue wae reta iáramo rupi Pedro uasa oo oï yawe, jare jukuärái ipuere ukuera reta waerä.