San Lucas 8:35 - Biblia

³⁵ Jayawe uyandu wae reta yuweru uecha waerä mbae ko uasa wae. Jare yuweru uwäe reta yawe Jesús oï wae pe, uecha reta jokua kuimbae aña reta uyembɨiyase jese wae uwapɨ oï Jesús jowai. Uecha reta uyemonde ye ma oï jare iyarakuaa ye ma oï. Jáeramo opa ukɨye reta.

Guaraní Pe (Western): Simba

³⁵ Jayave uyandu vae reta yugüeru, uecha vaerã mbae uyeyapo vae. Jare yugüeru uvãe yave Jesús oĩ vae pe, uecha cuimbae aña reta oyase jese vae uguapɨ oĩ Jesús jovai. Uecha uyemonde ma jare iyaracuaaño ma oĩ. Jare opaete yugüeru vae reta uquɨye.

San Lucas 8:35 Iomraidhean Croise

Isaías 53:12

Jáeramo che ameeta jokua chewe uyeyokui wae pe jendarä opaete jeräkua kawiete wae reta ipɨte wi. Jare upurumɨamɨri wae reta imbaembaerä upɨ̈ro wae ikota imaerä wi, echa’ä jae jekowe umee ramo. Jeta wae reta umae jese pëti jeko kachi wae rami. Erëi añetete jeta wae reta jeko kachi re chearasɨ aitɨ jese. Jare jae ueka chewe aepɨ waerä teko onoi wae reta.” Jukuärái jei Tumpa.

San Mateo 4:24

Jáeramo Jesús jeräkua opaete ɨwɨ Siria pewa reta pe. Jare ueru reta jae oï wae pe imbaerasɨ wae reta. Amokue wae reta uiporaraete mbaerasɨ jasɨ wae, jare amokue wae reta aña uyembɨiya jese wae, jare amokue umanomano wae reta, jare amokue ipuere mbae omɨ wae reta. Jayawe Jesús umɨnguera opaetei kua imbaerasɨ wae reta.

Marcos 5:15

Jare yuweru uwäe reta yawe Jesús oï wae pe, uecha reta jokua kuimbae aña reta uyembɨiyase jese wae uwapɨ oï, jare uyemonde ye ma oï, jare iyarakuaa ye ma oï. Jáeramo opa ukɨye reta.

San Lucas 10:39

Jayawe joko pe oï rambuewe, Jesús umbɨpɨ oporomboe Tumpa iñee re. Jare Marta ipɨkɨɨ María jee wae uwapɨ yandeYa iyɨpɨ pe uyapɨsaka waerä iñee re.

San Lucas 15:17

“Jayawe jokua kunumi aramoiño iyarakuaa wɨte ye, jare jei iyupe: ‘Cheru pe uparawɨkɨ wae reta opa’ä ye tembiu jou ñonoï. Erëi kua pe che amanota ma aï yembaɨ pe,’ jei.

San Lucas 2:46

Jare mbapɨ ara rupi ma ueka reta yawe, uwäe wɨte reta chupe tupao wasu joka pe. Joko pe Jesús uwapɨ oï Moisés uikuatía wae re oporomboe wae reta ndiwe. Uyapɨsaka oï jese reta, jare uyapo oï chupe reta mbɨrandu.

San Lucas 8:27

Joko wi koiño oï pëti tëta wasu. Jare Jesús uweyɨ chalana wi yawe, ou owäiti pëti kuimbae jokua tëta wasu pewa aña reta uyembɨiya jese wae. Ɨma ma yepe kua kuimbae parawete nani etei iko. Iko’ä etei ma tëta rupi. Patïu rupiño ma iko.

San Lucas 8:34

Jayawe kuchi iyandarekoa reta kua uecha reta yawe, opa osi yuraa umɨmbeu tëta wasu pewa reta pe jare jokoropi ñonoï wae reta pe kua uyeyapo wae rewa.

Hechos 22:3

Jayawe Pablo jei chupe reta: “Che ko jae pëti judío. Chesɨ wi aa tëta wasu Tarso pe ɨwɨ Cilicia pe oï wae, erëi akuakuaa kua tëta wasu Jerusalén pe. Gamaliel chemboe kawi yanderamɨkue reta jeko re. Jare che chekɨrëɨete aiko opaete Tumpa jei wae rupi, opaete pe reta añawe pipota rami,” jei chupe reta.

1 Juan 3:8

Erëi ime kía Tumpa jei wae jekuaeño uyawɨ wae, jae Añawasu pewa ko. Echa’ä Añawasu iyɨpɨ wiwe uyawɨño mái Tumpa kotɨ. Erëi Tumpa Taɨ uyeyapo kuimbaerä opa umbái waerä Añawasu iparawɨkɨ.