San Lucas 8:33 - Biblia

³³ Jayawe aña reta opa oë kuimbae wi jare opa yuraa uike kuchi reta re. Joko wi kuchi reta täta rupi opa osi uweyɨ yuraa ɨwɨ̈a rupi uike reta ɨpa wasu pe. Jare joko pe kuchi reta opa iputupa umano.

Guaraní Pe (Western): Simba

³³ Jayave aña reta usɨrɨ cuimbae güi, jare oya cuchi reta re. Jayave cuchi reta tanta osi ɨvɨa rupi oa ɨ guasu pe, jare joco pe opa ipɨtupa reta.

San Lucas 8:33 Iomraidhean Croise

San Mateo 8:32

Jayawe Jesús jei chupe reta: “Peë pekua.” Jayawe aña reta opa oë kuimbae reta wi jare opa yuraa uike kuchi reta re. Joko wi kuchi reta täta rupi opa osi uweyɨ yuraa ɨwɨ̈a rupi uike reta ɨpa wasu pe. Jare joko pe kuchi reta opa iputupa umano.

San Lucas 5:1

Pëti ara Jesús iko ɨpa wasu Genesaret jee wae jembeɨ pe. Jare jeta wae yuweru jae oï wae pe uyapɨsaka reta waerä Tumpa iñee re. Jare oyopɨ ye reta Jesús.

San Lucas 8:32

Jare joko wi ime koiño ñaipe re kuchi iyandarekoa reta umɨngaru ñonoï kuchi reta. Jayawe aña reta jei Jesús pe ikuasɨ katu rewe: “Emaeño mii oreré ndoo nduike waerä pea kuchi reta re,” jei reta chupe. Jayawe Jesús umaeño jese reta.

San Lucas 8:34

Jayawe kuchi iyandarekoa reta kua uecha reta yawe, opa osi yuraa umɨmbeu tëta wasu pewa reta pe jare jokoropi ñonoï wae reta pe kua uyeyapo wae rewa.

San Juan 8:44

“Añawasu ko jae peru. Jare jokua mbaembae jae uipota uyapo wae, jokua nunga etei ko pe reta pipota piyapo peï wi. Añawasu iyɨpɨ wiwe upuruyuka wae ko. Jare jae opa ueya mbaembae jupi wae, echa’ä jae ko mbaembae kachi wae iya. Jare jae iyapu yawe, jae etei uyekuaaka oï, echa’ä jae ko iyapu wae jare jae etei ko apu iya,” jei chupe reta.

1 Pedro 5:8

Jekuaeño piyandareko piyé jare piko pearakuaa katu rewe. Echa’ä perowaicho Añawasu ko jae yawapɨ̈ta tuicha wae uñee uwata oï wae rami jare ueka oï kía jou waerä rami.

Apocalipsis 9:11

Jare jokua tuku reta imburuwicha wasu ko jae araɨwakue. Jae ime onoi mbaepuere opaete jokua ɨwɨkua wasu juwa mbae wae pe ñonoï wae reta re. Jare jae jee ko hebreo ñee pe Abadón. Jare griego ñee pe jae jee ko Apolión.