San Lucas 8:21 - Biblia

²¹ Jayawe Jesús jei chupe reta: “Kía reta Tumpa iñee re uyapɨsaka jare uyapo wae, jae reta ko jae chesɨ jare cherɨwɨ reta,” jei chupe reta.

Guaraní Pe (Western): Simba

²¹ Jayave Jesús jei chupe reta: —Cua reta uyapɨsaca Tumpa iñee re jare uyapo jei vae. Cua nunga reta co jae chesɨ jare cherɨvɨ reta —jei.

San Lucas 8:21 Iomraidhean Croise

San Mateo 17:5

Jare Pedro uyemɨngeta iko rambuewe, uyekuaa chupe reta amapɨ̈tu jembipe wae jare opa oñowa reta. Jare amapɨ̈tu wi uyendu ñee jei: “Kua ko jae cheRaɨ auete wae. Jae chembɨyerowiaete. Piyapɨsaka jese,” jei.

San Mateo 25:40

“Jayawe che jaeta chupe reta: ‘Che tae pewe añetete wae, pe reta pemborɨ yawe ipotawe cherɨwɨ reta jare cherindɨ reta, che etei ko chemborɨ piko. Jukuärái ko, yepe tëi jokua reta mbae’ä ko ïru wae reta pewarä aramoi,’ jaeta chupe reta,” jei.

San Mateo 25:45

“Jayawe che jaeta chupe reta: ‘Che tae pewe añetete wae, pe reta pemborɨ'ä yawe ipotawe cherɨwɨ reta jare cherindɨ reta, che etei ko chemborɨ'ä piko. Jukuärái ko, yepe tëi jokua reta mbae’ä ko ïru wae reta pewarä aramoi,’ jaeta chupe reta,” jei.

San Mateo 28:10

Jayawe Jesús jei chupe reta: “Awɨye pekɨye,” jei. “Pekua pemɨmbeu chehermano reta pe yuraa reta waerä ɨwɨ Galilea pe. Joko pe cherechata reta kuri,” jei chupe reta.

San Lucas 8:15

“Erëi amokue temitɨ oa ɨwɨkawi pe. Jare kua jae nunga wi uyembɨjaanga oï ïru wae reta Tumpa iñee uyandu wae re,” jei. “Kua nunga reta uipɨsɨ kawi Tumpa iñee ipɨa rewe. Jare uyapo reta ipɨawasu rewe Tumpa iñee pe jei wae. Jáeramo uyekuaa jese reta Tumpa jeko ikawi wae,” jei chupe reta. “Jukuärái ko ambɨjaanga rewe jae pewe wae,” jei Jesús jemimboe reta pe.

San Lucas 8:20

Jayawe amokue wae reta jei Jesús pe: “Ndesɨ jare nderɨwɨ reta ndereka ñonoï oka pe,” jei reta chupe.

San Juan 13:17

“Añawe pe reta pikuaa kawi kua mbaembae reta. Jayawe kua mbaembae reta piyapo yawe, piyekoueteta ko peï kuri,” jei Jesús chupe reta.

San Juan 20:17

Jayawe Jesús jei chupe: “Awɨye jekuaeño chepɨsɨ. Echa’ä ndei ayeupi cheRu oï wae pe,” jei chupe. “Erëi ekua emɨmbeu cherɨwɨ reta pe che ata ma aï cheRu oï wae pe – jae ko peRu wi. Jae ko cheTumpa jare peTumpa wi,” jei chupe.

2 Corintios 5:16

Jáeramo añawe wiwe ndarau ye ma numae kía re awe ipotawe kía kua ɨwɨ pewa japicha re umae wae rami. Jukuärái wi numaese Cristo re. Erëi añawe mbaetɨ ye ma jukuärái nduyapo.

2 Corintios 6:18

Che aikota peRurä, jare pe reta pikota cheraɨrä jare cherayɨrä.” Jukuärái jei yandeYa imbaepuerete wae.

Santiago 1:22

Erëi awɨye mii piyanduiño Tumpa iñee. Imeta ko piyapo wi. Echa’ä piyanduiño yawe Tumpa iñee, piyembɨtawɨ ko peï.

1 Juan 2:29

Jae nunga wi yande yayapo yawe jupi wae rupi, jokoropi uyekuaata yande ko jae Tumpa taɨ reta wae. Echa’ä pe reta pikuaa kërái Tumpa ko jae jupi wae. Jare jukuärái wi opaete taɨ reta uyapota ko jupi wae rupi.

3 Juan 1:11

Cheïru nduau mii wae, nde awɨye etei emomoe kua nunga ikawi mbae wae. Emomoe ikawi waeño. Ikawi wae uyapo wae reta Tumpa pewa ko. Erëi ikawi mbae wae uyapo wae reta uikuaa’ä etei ko Tumpa.