San Lucas 8:20 - Biblia

²⁰ Jayawe amokue wae reta jei Jesús pe: “Ndesɨ jare nderɨwɨ reta ndereka ñonoï oka pe,” jei reta chupe.

Guaraní Pe (Western): Simba

²⁰ Jayave amocue vae jei Jesús pe: —Ndesɨ jare nderɨvɨ reta oca pe ñugüɨnoi. Ndereca ñugüɨnoi —jei reta chupe.

San Lucas 8:20 Iomraidhean Croise

Marcos 6:3

“¿Jae’ä yerá kua kuimbae carpintero jare María imembɨrae? ¿Jae’ä yerá Jacobo, José, Judas, jare Simón tɨkeɨ? Jare jindɨ reta wi yureko yandepɨte rupi. Kua pochɨ ñaneïru tëi ko,” jei reta. Jáeramo jae reta uyembɨarasɨ jare wɨrɨ̈ro reta Jesús.

San Lucas 8:19

Jayawe Jesús ichɨ jare tɨwɨ reta ndiwe yuweru uwäe jokua tëta kiape Jesús oï wae pe. Erëi ipuere’ä yuraa oya reta jese jetaete ye ñonoï wae reta jeko pewa.

San Lucas 8:21

Jayawe Jesús jei chupe reta: “Kía reta Tumpa iñee re uyapɨsaka jare uyapo wae, jae reta ko jae chesɨ jare cherɨwɨ reta,” jei chupe reta.

Hechos 1:14

Opaete jokua reta jekuaeño uyembatɨ uyerure reta waerä Tumpa pe pëti ramiño. Jare jae reta ndiwe uyembatɨ wi Jesús ichɨ María, jare ïru kuña reta wi, jare Jesús tɨwɨ reta.

1 Corintios 9:5

Jare nduipota yawe, orepuere wi numenda tëi kuña Cristo re wɨrowia wae ndiwe jare orepuere nduraa tëi orerupie. Jukuärái uyapo ïru kuimbae reta Cristo omondo wae, jare Pedro, jare yandeYa tɨwɨ reta wi. Jare jukuärái ore orepuere tëi nduyapo wi.

Gálatas 1:19

Jare aecha’ä ïruwe Jesús jemimboe tenondewaete reta. Jaeño che aecha yandeYa tɨwɨ Jacobo.