San Lucas 8:12 - Biblia

¹² “Jare jokua tape raɨ rupi temitɨ oa wae uyembɨjaanga oï amokue wae Tumpa iñee uyandu wae re. Echa’ä ou chupe reta Añawasu jare opa umɨakañɨka reta Tumpa iñee wi awɨye waerä wɨrowia reta. Echa’ä Añawasu uipota’ä etei onoi reta waerä tekowe opa mbae wae,” jei chupe reta.

Guaraní Pe (Western): Simba

¹² Jocua temitɨ tape rupi oa vae uyemɨjaanga amocue Tumpa iñee uyandu vae re. Jayave ou aña guasu chupe reta jare umɨacañɨ Tumpa iñee güi, agüɨye vaerã güɨrovia Tumpa uyembɨasaca vaerã —jei—.

San Lucas 8:12 Iomraidhean Croise

San Mateo 13:19

“Añawe rupi uyemɨmbeu oï ñee kërái kía ipuere waerä oï Tumpa ndiwe, Tumpa oï ma yawe opaete wae imburuwicha wasurä jaeño mái pewa. Jare kía kua ñee uyandu yawe, erëi uikuaa kawi’ä yawe jokua uyandu wae, jayawe ou Añawasu jare opa umɨakañɨka Tumpa iñee wi. Jokua re ko umbɨjaanga yandewe tape raɨ rupi oa temitɨ wae,” jei chupe reta.

San Mateo 13:4

Jare umɨái temitɨ yawe, amokue oa tape raɨ rupi. Jayawe yuweru wɨra reta opa jou,” jei chupe reta.

Marcos 4:15

Jare tape raɨ rupi temitɨ oa wae uyembɨjaanga oï amokue wae Tumpa iñee uyandu wae re. Kua nunga reta uyandu tëi Tumpa iñee. Erëi jupiwoiño ou Satanás jare opa umɨakañɨka reta Tumpa iñee wi,” jei chupe reta.

San Lucas 8:11

Jayawe Jesús jei wi chupe reta: “Jokua che ambɨjaanga rewe jae pewe wae uipota jei kuärái: Jokua temitɨ uyembɨjaanga oï Tumpa iñee re,” jei.

San Lucas 8:13

“Jae nunga wi amokue temitɨ oa itapɨte rupi mbowɨño ɨwɨ wɨreko wae re,” jei. “Kua uyembɨjaanga oï ïru wae reta Tumpa iñee uyandu wae re. Kua nunga reta jaeramo uyandu yawe, uyapɨsaka jese uyerowia rewe,” jei. “Erëi Tumpa iñee uyembɨjapo kawi’ä ipɨa pe ramo, michi pewaño wɨrowia reta. Yembɨawái ou chupe reta yawe, jayawe opia reta Tumpa jape wi,” jei chupe reta.

San Lucas 8:5

“Pëti kuimbae oo umaetɨ waerä. Jare umɨái temitɨ yawe, amokue oa tape raɨ rupi. Jayawe ïru wae reta upɨ̈ro jese, jare yuweru wɨra reta opa jou,” jei chupe reta.

Apocalipsis 12:9

Jayawe Miguel jare iaraɨwa reta omombo jokua dragón ara wi ɨwɨ pe opaete araɨwa jese uyemboya wae reta ndiwe. Jokua dragón ko jae mboi arakaete Eva umɨngeta wae. Jae ko Satanás, Añawasu yande yae chupe wae. Jae ko umbɨtawɨ opaete ɨwɨ pewa reta wae.