San Lucas 7:50 - Biblia

⁵⁰ Erëi Jesús jei kuña pe: “Yepe tëi jeta ndiyawɨ, erëi Tumpa nderepɨ ma chuwi cheré nderowia ramo. Ekua ndepɨakatu rewe,” jei chupe.

Guaraní Pe (Western): Simba

⁵⁰ Ẽrei Jesús jei cuña pe: —Ndiyembɨasaca ma nderovia cheré ramo. Ecua ndepɨacatu reve —jei.

San Lucas 7:50 Iomraidhean Croise

San Mateo 9:22

Jayawe Jesús uyerowa umae jaɨkue kotɨ jare uecha kuña joko pe oï. Jayawe jei chupe: “Cherayɨ, iñemɨatangätu. Ndekuera ma ko cheré nderowia ramo,” jei chupe. Jare jupiwoiño kuña ukuera.

Marcos 10:52

Jayawe Jesús jei chupe: “Ndepuere ndeo ye. Ndekuera ma nderowia cheré ramo,” jei chupe. Jare jupiwoiño kuimbae ipuere umae kawi, jare oo Jesús jupie tape rupi.

Marcos 5:34

Jayawe Jesús jei chupe: “Cherayɨ, ndekuera ma ko cheré nderowia ramo. Ekua ndepɨakatu rewe. Ndekuera ma ko nembaerasɨ wi,” jei chupe.

San Lucas 17:19

Jayawe jei kuimbae pe: “Epüa jare ekua ye. Ndekuera ma nderowia cheré ramo,” jei chupe.

San Lucas 18:42

Jayawe Jesús jei chupe: “Emae. Ndekuera ma nderowia cheré ramo,” jei chupe.

San Lucas 7:9

Jare Jesús kua uyandu yawe, ipɨakañɨete jokua sɨndaro reta itenondewa re. Jayawe uyerowa jare jei jaɨkue yuraa wae reta pe: “Che tae pewe, awäe’ä etei kía kuärái tuicha wɨrowia cheré wae kua ɨwɨ Israel rupi awe,” jei chupe reta.

San Lucas 8:18

“Jáeramo piyandareko kawi piyé piyapɨsaka kawi waerä. Echa’ä ime yawe kía uyapɨsaka kawi jare wɨrowia chiñee re wae, uñemɨïruta chupe iyarakuaa,” jei. “Erëi ime yawe kía uipota’ä uyapɨsaka añetete re wae, jokua jae wɨrowia tëi uikuaa michi mii yepe chiñee wae, jokuawe uñepɨ̈rota chuwi,” jei Jesús chupe reta.

San Lucas 8:42

Cherayɨ mii umanota ma oï chewi. Jae ko cherayɨ mii jae waeño wae doce año ma onoi,” jei chupe. Jayawe Jesús oo woi jae ndiwe. Jare jeta yuraa reta wi Jesús jupie, jare oyopɨ ye reta uwata kawi waerä.

San Lucas 8:48

Jayawe Jesús jei chupe: “Cherayɨ, ndekuera ma ko cheré nderowia ramo. Ekua ndepɨakatu rewe,” jei chupe.