San Lucas 7:47 - Biblia

⁴⁷ “Jáeramo che tae ndewe, yepe tëi kua kuña jeta uyawɨ Tumpa kotɨ wae, erëi opa ma uyembái chuwi. Mase kërái jae tuicha cherau. Erëi ime yawe kía michiño uyembái chuwi Tumpa kotɨ uyawɨ wae, jae michiño upuruau wi,” jei Jesús Simón pe.

Guaraní Pe (Western): Simba

⁴⁷ Jáeramo che jae ndeve, yepe tẽi jeta cua cuña imbaeyoa reta, ẽrei ambɨasa chupe. Echa'ã jae cherau ete. Ẽrei ime yave quía michiño ĩru vae umbɨasa chupe vae, jae michiño vi uau jocua ĩru vae —jei.

San Lucas 7:47 Iomraidhean Croise

San Mateo 10:37

“Erëi ime yawe kía uauete tu jare ichɨ chewi wae, jupi’ä ko iko waerä cheremimboerä. Jae ramiño wi ime yawe kía uauete isambiaɨ reta chewi wae, jupi’ä ko iko waerä cheremimboerä.

San Lucas 7:39

Jare fariseo Jesús pe uparea wae kua uecha yawe, uyemɨngeta ipɨa pe: “Añetete Tumpa ombou yawe kua kuimbae iñee umɨmbeu waerä, jayawe jae uikuaata tëi ko mbae nunga kuña ko uipichɨ oï ipɨ re wae. Uikuaata tëi ko jae ko jeko kachi wae.” Jukuärái jokua fariseo uyemɨngeta ipɨa pe.

San Lucas 7:46

“Nde niñono’ä chäka re aceite. Erëi kua kuña uipichɨ chepɨ re mbae utimbo kawi wae,” jei chupe.

San Lucas 7:48

Jayawe Jesús jei kuña pe: “Cherindɨ mii, nde mbaembae ndiyawɨ Tumpa kotɨ wae opa ma uyembái ndewi,” jei chupe.

Hechos 5:31

Joko wi wɨraa ara pe. Jare joko pe Jesús uwapɨ oï yandeRu Tumpa iyɨpɨ iyakata kotɨ, jare jae ndiwe ime onoi mbaepuere opaete wae re,” jei. “Jukuärái yandeRu Tumpa uikuaaka opaete wae pe Jesús ko jae yandeYa jare yandeRepɨ wae. Jare jukuärái Tumpa umee yandewe yandepuere waerä yaeya yandepɨayemɨngeta jupi mbae wae Tumpa rewa. Jukuärái opaete mbaembae yayawɨ Tumpa kotɨ wae jae opata umbái yandewi,” jei.

Romanos 5:20

Arakae Tumpa uikuaaka Israel iñemoñaa reta pe kërái yureko reta waerä – jae ko mbaembae uyapota ko reta wae jare mbaembae awɨyeta ko uyapo reta wae. Jare jukuärái Tumpa uyapo opaete yande yaikuaa kawi waerä yandereko tuicha wae ko jae jei wae yayawɨ ramo. Erëi yepe tëi yande jeta yayawɨ Tumpa jei wae jare yandereko jekuaeño ukuakuaa oo iko, erëi jesewe Tumpa tuichaete ye ipɨakawi yandewe.

2 Corintios 5:14

Echa’ä ore nduikuaa Cristo yanderauete ko, jare jokua oremɨatangätu oï. Echa’ä nduikuaa Cristo umano yanderé. Jáeramo opaete yande ñamano rami wi ko yandereko indechikue wi.

Gálatas 5:6

Añetete ime yawe kía pëti ramiño oï Jesucristo re wae, mbae’ä ko uyembɨcircuncidaka ma wae. Jare mbae’ä ko wi uyembɨcircuncidaka mbae wae. Erëi mbae ikawi wae ko jae Cristo reño yarowia waerä jare yaechaka waerä yarowia ma ko jese wae yayerau päwe rewe rupi.

Efesios 6:24

Tumpa tipɨakawi opaete yandeYa Jesucristo uauete wae reta pe. Jukuärái tuiko.

Filipenses 1:9

Jare che ayerure aï Tumpa pe peré pe reta jeiete piyerau päwe waerä arakuaa katu rewe.

1 Timoteo 1:14

Añetete tuicha ko yandeYa ipɨakawi chewe. Jáeramo añawe chepɨa rewe arowia aï Jesucristo re, jare jae umee chewe chepuere apuruau waerä.

1 Juan 1:7

Erëi Tumpa ko jae arakuaa iYa, jare jokua arakuaa ko jae pëti tembipe rami yandewe. Jare yande yaiko yawe jokua arakuaa Tumpa umee yandewe wae rupi, jayawe yande ñañemɨïru kawita päwe rewe. Jare yandeRu Tumpa Taɨ Jesucristo juwɨ uyepɨyere wae jekuaeño yandeyoe oï Tumpa kotɨ. Echa’ä umbái oï yandewi mbaembae yayawɨ Tumpa kotɨ wae.

1 Juan 3:18

Jayawe cheraɨ puau wae reta, yapuruau mii mbaembae yayapo wae rupi añetete rewe. Awɨye yapuruau ñaniñee peño.

1 Juan 4:19

Yande yaau ko Tumpa, echa’ä jae rani yanderau ramo.

1 Juan 5:3

Jare imeta ko yayapo Tumpa jei wae rupi, echa’ä jukuärái rupi yaau Tumpa. Jare mbaetɨ ko yawái yayapo waerä Tumpa jei wae rupi.