San Lucas 7:41 - Biblia

⁴¹ Jayawe Jesús jei chupe: “Pëti kuimbae upurumbɨpía wae onoi mokui ipía chupe wae reta. Pëti wae ipía chupe pandepo chiëto ara mbarawɨkɨ jepɨ pewa, jare ïru ipía chupe cincuenta ara mbarawɨkɨ jepɨ pewa,” jei.

Guaraní Pe (Western): Simba

⁴¹ Jayave Jesús jei chupe: —Mocui cuimbae ipía ĩru cuimbae pe. Penti cuimbae ipía chupe quinientos ara mbaravɨquɨ jepɨ pegua, jare ĩru cuimbae ipía chupe cincuenta ara mbaravɨquɨ jepɨ pegua —jei—.

San Lucas 7:41 Iomraidhean Croise

San Mateo 18:28

“Erëi jokua pione oë mburuwicha wasu oï wae wi, jare oo owäiti pëti wae jeta’ä mii ipía iko chupe wae. Jare uipɨsɨ iyasɨo wi jare jei chupe pochɨ rewe: ‘Embɨepɨ chewe añawe jokua ndepía chewe wae,’ jei chupe.

San Mateo 6:12

Jare kërái ore oremandua’ä ïru wae reta pe jokua mbaembae uyawɨ orekotɨ wae re, jukuärái wi nde awɨye mii nemandúa orewe mbaembae nduyawɨ ndekotɨ wae re.

Marcos 6:37

Jayawe Jesús jei chupe reta: “Pe reta etei ko pemeeta chupe mbae jou reta waerä,” jei chupe reta. Erëi Jesús jemimboe reta jei chupe: “¡Ndowa chupe reta mbɨyape yawe, jepɨta orewe mokui chiëto ara mbarawɨkɨ pewa! ¿Ndipota pa nduyapo waerä jukuärái?” jei reta.

San Lucas 11:4

Awɨye mii nemandúa orewe mbaembae nduyawɨ ndekotɨ wae re, echa’ä jukuärái wi ore oremandua’ä uyawɨ orekotɨ wae reta pe. Awɨye mii toya orekotɨ uyawɨka orewe ndekotɨ wae, jare orerepɨ mii Añawasu wi.’ Jukuäraita ko pe reta piyerure,” jei Jesús chupe reta.

San Lucas 12:48

“Erëi ime yawe pëti uyeyokui wae uikuaa’ä yawe karái jei wae, jare jokua jeko pewa uyapo’ä yawe, jayawe karái ndarau jeta uinupa,” jei. “Jare jukuärái wi ime yawe kía pe jeta mbaembae uñemee wae, jeta wi uyerekata oï chupe. Jare ime yawe kía pe jeta uñemee uyandareko waerä jese wae, jeta wi uyerekata oï chupe,” jei Jesús chupe reta.

San Lucas 13:4

“Jare pemandúa peï wi jokua tëta ɨwate wae Siloé pe iko wae re, kërái opa uyapara jare opa uyuka jokua dieciocho wae reta. Aramoi pe reta perowia tëi opaete Jerusalén pewa reta ipɨte wi, jokua dieciocho umano wae reta jeko kachiete wae ko Tumpa jowai,” jei.

San Lucas 7:40

Jayawe Jesús jei fariseo pe: “Simón, aipota jae ndewe mbae,” jei chupe. Jare Simón jei chupe: “Jayawe ere mii chewe, oporomboe wae,” jei.

San Lucas 7:47

“Jáeramo che tae ndewe, yepe tëi kua kuña jeta uyawɨ Tumpa kotɨ wae, erëi opa ma uyembái chuwi. Mase kërái jae tuicha cherau. Erëi ime yawe kía michiño uyembái chuwi Tumpa kotɨ uyawɨ wae, jae michiño upuruau wi,” jei Jesús Simón pe.

Romanos 3:23

Echa’ä opaete wae yayawɨ ma ko Tumpa kotɨ, jare ndarau etei yandepuere yaepitɨ jae jeko jupiete ye wae.

Romanos 5:20

Arakae Tumpa uikuaaka Israel iñemoñaa reta pe kërái yureko reta waerä – jae ko mbaembae uyapota ko reta wae jare mbaembae awɨyeta ko uyapo reta wae. Jare jukuärái Tumpa uyapo opaete yande yaikuaa kawi waerä yandereko tuicha wae ko jae jei wae yayawɨ ramo. Erëi yepe tëi yande jeta yayawɨ Tumpa jei wae jare yandereko jekuaeño ukuakuaa oo iko, erëi jesewe Tumpa tuichaete ye ipɨakawi yandewe.