San Lucas 7:29 - Biblia

²⁹ “Opaete wae – jare jae nunga wi mburuwicha pewarä okowara wae retawe – uyapɨsaka Juan re jare umaeño reta jese umbɨsakambu reta waerä ɨ pe. Jukuärái jae reta uikuaaka wɨrowia ma ko Tumpa jei wae re,” jei chupe reta.

Guaraní Pe (Western): Simba

²⁹ Jare mburuvicha peguarã ocovara vae reta jare opaete uyapɨsaca Juan re vae reta uicuaaca Tumpa jupi co. Echa'ã Juan umbɨbautiza reta —jei—.

San Lucas 7:29 Iomraidhean Croise

San Mateo 5:46

“Erëi pe reta peau yawe jokua perau wae retaño, ¿jokua re umɨñatimata ra pewe ikawi wae Tumpa? Ndarau. Echa’ä mburuwicha pewarä okowara wae reta uyapo wi jukuärái,” jei chupe reta.

San Lucas 20:6

Erëi yae yawe, ‘Kuimbae retaño ko ombou,’ jayawe opaete kua pe ñonoï wae reta yandeapita ita pe yandeyukata. Echa’ä kua pochɨ reta wɨrowia tëi Tumpa ko ombou Juan umɨmbeu waerä ñee Tumpa wi etei ou wae,” jei iyupe reta.

San Lucas 3:12

Jare yuweru wi Juan oï wae pe amokue mburuwicha pewarä okowara wae reta uyembɨsakambuka waerä. Jayawe jae reta upɨrandu wi Juan pe: “Oporomboe wae, ¿mbae pa nduyapota ore?” jei chupe reta.

San Lucas 7:28

“Che tae pewe añetete wae, opaete kuimbae reta wi mbaetɨi kía nungawe imbaepuerete Juan wi. Erëitu taɨkue rupi Tumpa oï ma yawe opaete wae imburuwicha wasurä, ipotawe kía oï Tumpa ndiwe wae imbaepuereteta oï Juan wi. Jukuäraita ko, yepe tëi jae mbae’ä etei ko ïru wae reta pewarä aramoi,” jei Jesús chupe reta.

San Lucas 7:35

Erëitu opaete ore ndoporomboe wae rupi yureko wae reta uikuaata añetete ko oriñee arakuaa pewa,” jei Jesús chupe reta.

Hechos 18:25

Jae uyemboe ma ko kërái yambɨyerowia waerä yandeYa, jare umɨmbeu ikɨrëɨ rewe jare oporomboe kawi jokua jae uikuaa wae. Erëi imeño uata iko chupe, echa’ä jaeño uikuaa Juan upurumbɨsakambuse wae oporomboe wae re.

Hechos 19:3

Jayawe Pablo upɨrandu ye chupe reta: “¿Mbae nunga yemboe re pa piyembɨsakambuka?” jei. Jare jae reta jei chupe: “Juan oporomboe wae re nduyembɨsakambuka.”

Romanos 10:3

Echa’ä yepe tëi Tumpa uikuaaka ma yandewe kërái rupi umae yanderé yandereko mbae wae rami, erëi jae reta uikuaa’ä jokua jare uipota’äwe wi uikuaa reta. Jaeño uipota tëi uyembujupika reta Tumpa kotɨ jae reta jei wae rupiño – jae ko Moisés arakae uikuatía wae re yureko wae rupi.

Apocalipsis 15:3

Jare jae reta ukäta Moisés ikäta pe jare Owecha kuimbae taurusu wae ikäta pe. Ukäta reta kuärái: “OreYa Tumpa, nde opaetei mbaepuere nenoi. ¡Nderembiapo reta ikawiete jare orembɨpɨakañɨete! Nde ko jae opaete wae imburuwicha wasurä jaeño mái pewa. Jare opaete nde ndiyapo wae jupi ko jare añetete ko.

Apocalipsis 16:5

Jare ayandu pëti araɨwa ɨ re uyandareko wae jei Tumpa pe: “OreYa, jupi wae ko nde. Nde iyɨpɨ wiwe ndikoño mái jare jekuaeño neï. Jare jokua nde ndiyapo wae jupi ko, echa’ä nde ndiporaraka ma jokua jeko kachi wae reta pe.