San Lucas 7:28 - Biblia

²⁸ “Che tae pewe añetete wae, opaete kuimbae reta wi mbaetɨi kía nungawe imbaepuerete Juan wi. Erëitu taɨkue rupi Tumpa oï ma yawe opaete wae imburuwicha wasurä, ipotawe kía oï Tumpa ndiwe wae imbaepuereteta oï Juan wi. Jukuäraita ko, yepe tëi jae mbae’ä etei ko ïru wae reta pewarä aramoi,” jei Jesús chupe reta.

Guaraní Pe (Western): Simba

²⁸ Che jae peve, Tumpa umee Juan upurumbɨbautizase vae pe uyapo vaerã jeta ete ĩru Tumpa iñee umɨmbeu vae reta uyapo vae güi. Ẽrei taɨcuegua vae Tumpa iporoyocuia pegua uyembutuichaca eteta Juan güi —jei—.

San Lucas 7:28 Iomraidhean Croise

San Mateo 11:11

“Che tae pewe añetete wae, opaete kuimbae reta wi mbaetɨi kía nungawe imbaepuerete Juan upurumbɨsakambu wae wi. Erëitu taɨkue rupi Tumpa oï ma yawe opaete wae imburuwicha wasurä, ipotawe kía oï Tumpa ndiwe wae imbaepuereteta oï Juan wi. Jukuäraita ko, yepe tëi jae mbae’ä etei ko ïru wae reta pewarä aramoi,” jei Jesús chupe reta.

San Mateo 3:1

Jayawe ɨma ma uasa yawe, pëti kuimbae Juan upurumbɨsakambu wae jei chupe reta wae oo ɨwɨtini wasu pe ɨwɨ Judea pe oï wae. Jare joko pe umɨmbeuñoi opaete yuweru ikotɨ wae reta pe kuärái:

San Lucas 3:16

Jáeramo Juan jei chupe reta: “Che pumbɨsakambuño aï ɨ pe. Erëi outa pëti wae imbaepuerete chewi wae. Jare che jupi’ä etei ko ipɨpasa ïcha mii yepe ayora waeräwe,” jei. “Che pumbɨsakambuño ko aï ɨ pe, erëi jae peñonota pëti pëti wae piko waerä pëti ramiño iyé etei Espíritu Santo rupi. Erëi peya’ä yawe pepɨayemɨngeta jupi mbae wae, jae uiporarakata oï pewe tata pe,” jei chupe reta.

San Lucas 7:27

Echa’ä Tumpa iñeerɨru pe uyekuatía oï jese kuärái: ‘YandeRu Tumpa jei Taɨ pe: ‘Mase, che amondota aï tenonde mii ndewi chiñee umɨmbeu wae. Jare jae umɨmbeuta oï ïru wae reta pe uyeyapɨkatu reta waerä ndei newäe mbowe,’ jei Taɨ pe.’ Jukuärái uyekuatía oï,” jei chupe reta.

San Lucas 7:29

“Opaete wae – jare jae nunga wi mburuwicha pewarä okowara wae retawe – uyapɨsaka Juan re jare umaeño reta jese umbɨsakambu reta waerä ɨ pe. Jukuärái jae reta uikuaaka wɨrowia ma ko Tumpa jei wae re,” jei chupe reta.

San Lucas 9:48

Jare jei jemimboe reta pe: “Jeta wae reta jei tëi sambiaɨ reta usiriwe’ä ko. Erëi che tae pewe, ime yawe kía umbɨasa kawi pëti sambiaɨ kua rami wae, jare jukuärái uyapo cheré wɨrowia ramo, chembɨasa kawi ko oï wi,” jei. “Jare jokua chembɨasa kawi wae, umbɨasa kawi ko oï wi chembou wae. Jayawe jokua pepɨte pe usiriwe mbae echa wae ko jae wae, jokua ko jae petenondewarä wae,” jei Jesús jemimboe reta pe.