San Lucas 7:26 - Biblia

²⁶ “Jayawe ¿kía pa peo pecha? Peo ko pecha waerä pëti kuimbae Tumpa ombou iñee umɨmbeu waerä wae – jae ko Juan. Jare che tae pewe añetete wae, Juan ikawiete ko ipotawe ïru kuimbae Tumpa iñee umɨmbeu wae reta wi.

Guaraní Pe (Western): Simba

²⁶ ¿Peo ra pemae vaerã penti Tumpa iñee umɨmbeu vae re? Añete che jae peve, Tumpa umee chupe uyapo vaerã jeta ete ĩru Tumpa iñee umɨmbeu vae reta uyapo vae güi —jei—.

San Lucas 7:26 Iomraidhean Croise

San Lucas 1:76

Joko wi Zacarías jei taɨ mii pe kuärái: “Nde, cheraɨ mii,” jei chupe. “Tumpa imbaepuere tuichaete wae etei neñono jae iñee nemɨmbeu waerä. Echa’ä nde rani ndeota neï yandeYa wi nemɨmbeu waerä opaete wae pe yandeYa iwäe ara koiñoete ma oï wae.

San Lucas 16:16

Jayawe Jesús jei wi chupe reta: “Ndei Juan ou mbowe, Moisés jare ïru arakae Tumpa iñee umɨmbeu wae reta uikuatía wae uyemɨmbeu,” jei. “Erëi Juan ou wiwe ñee ikawi wae uyemɨmbeu ma oï kërái uyembɨpɨ ma Tumpa imbaepuere mburuwicha wasu pewa kua ɨwɨ pe. Jare jeta wae reta uipota Tumpa iko waerä imburuwicha wasurä,” jei.

San Lucas 20:6

Erëi yae yawe, ‘Kuimbae retaño ko ombou,’ jayawe opaete kua pe ñonoï wae reta yandeapita ita pe yandeyukata. Echa’ä kua pochɨ reta wɨrowia tëi Tumpa ko ombou Juan umɨmbeu waerä ñee Tumpa wi etei ou wae,” jei iyupe reta.

San Lucas 7:25

“¿Peo yerá pecha pëti kuimbae jemimonde ikawi wae? Mbaetɨ. Echa’ä temimonde ikawi wae omonde wae reta ñonoï ko mburuwicha wasu jëta pe, jare ikawiete yureko reta,” jei chupe reta.

San Lucas 7:27

Echa’ä Tumpa iñeerɨru pe uyekuatía oï jese kuärái: ‘YandeRu Tumpa jei Taɨ pe: ‘Mase, che amondota aï tenonde mii ndewi chiñee umɨmbeu wae. Jare jae umɨmbeuta oï ïru wae reta pe uyeyapɨkatu reta waerä ndei newäe mbowe,’ jei Taɨ pe.’ Jukuärái uyekuatía oï,” jei chupe reta.

San Juan 5:35

“Juan ikose pëti mechero jendɨ jare umbɨembipe iko wae rami. Jare pe reta michi pewa miño pipota piyerowia piko jae iñee re.