San Lucas 7:2 - Biblia

² Jare jokua tëta wasu pe ime iko pëti kuimbae romano; sɨndaro reta itenondewa ko. Jae ime wɨreko pëti uyeyokui wae uauete wae. Jare jokua uyeyokui wae parawete imbaerasɨ oï jare umanota ma oï.

Guaraní Pe (Western): Simba

² Jare jocua tenta guasu pe ico penti sundaro reta juvicha jembiocui. Cua cuimbae imbaerasɨ. Umano pota echa. Jare sundaro reta juvicha uau cua jembiocui.

San Lucas 7:2 Iomraidhean Croise

San Mateo 27:54

Jayawe sɨndaro reta itenondewa Jesús re umae iko wae jare sɨndaro reta uecha reta yawe kërái ɨwɨ ukäta wae jare opaete mbae uyeyapo wae, ukɨyete reta, jare jei reta iyupe: “Añetete yepe, kua kuimbae ko jae Tumpa Taɨ,” jei reta.

San Lucas 23:47

Jare Jesús ikurusu jowai uyemboɨ oï sɨndaro reta itenondewa. Jae uecha yawe kua mbae uyeyapo wae, umbutuicha Tumpa jee jare jei: “Añetete yepe, kua kuimbae ko jae jupi wae,” jei.

San Lucas 7:1

Jare Jesús opa ma omboe yawe uyembatɨ wae reta, oo tëta wasu Capernaum pe.

San Lucas 7:3

Jayawe Jesús jeräkua sɨndaro reta itenondewa pe. Jáeramo omondo Jesús oï wae pe amokue judío itenondewa reta, umɨñera waerä Jesús ou umɨnguera waerä chupe uyeyokui wae.

San Lucas 8:42

Cherayɨ mii umanota ma oï chewi. Jae ko cherayɨ mii jae waeño wae doce año ma onoi,” jei chupe. Jayawe Jesús oo woi jae ndiwe. Jare jeta yuraa reta wi Jesús jupie, jare oyopɨ ye reta uwata kawi waerä.

Hechos 10:1

Tëta wasu Cesarea pe iko pëti kuimbae romano Cornelio jee wae. Jae ko pëti chiëto sɨndaro reta Roma pewa itenondewa, pëti atɨ Italiana jee wae pewa.

Hechos 10:7

Jayawe araɨwa opa uyemɨngeta jae ndiwe yawe, oë oo ye joko wi. Jare jupiwoiño Cornelio uenika mokui uyeyokui chupe wae reta jare pëti isɨndaro jae wɨrowia katu jese wae. Jokua sɨndaro uipɨu wi Tumpa wi jare uyeyokui kawi Cornelio pe.

Hechos 22:26

Kua uyandu yawe, jokua sɨndaro reta itenondewa oo itenondewaete pe jare jei chupe: “Iyandareko mbae ndiyapoka neï wae. Echa’ä jokua kuimbae jae ko romano wi,” jei.

Hechos 23:17

Jayawe Pablo ueni pëti sɨndaro reta itenondewa jare jei chupe: “Eraa mii kua kunumi nemburuwicha tenondewaete pe. Echa’ä ime mbae jei chupe waerä,” jei chupe.

Hechos 27:1

Jayawe ou ma uwäe ara mburuwicha Festo oremondo waerä ɨwɨ Italia kotɨ tëta wasu Roma pe. Jayawe umee Pablo jare amokue ïru pereso reta sɨndaro reta itenondewa Julio jee wae pe orereraaka waerä. Jokua Julio ko jae mburuwicha wasu imbaepuerete wae isɨndaro reta pëti wae.

Hechos 27:3

Pɨarewe pe ndoo nuwäe tëta wasu Sidón jee wae pe. Jare Julio ipɨakawi chupe rupi umaeño Pablo re oo waerä opou ïru reta pe, jae reta ipuere waerä omborɨ mbaembae uata chupe wae.

Hechos 27:43

Erëi sɨndaro reta itenondewa oyopia sɨndaro reta, echa’ä uipota uepɨ Pablo ramo. Jáeramo ipuere uɨtai wae reta rani oyokui oporise waerä ɨ pe yuraa waerä uwäe ɨwɨ pe.

Colosenses 3:22

Jare añawe che tae uyeyokui wae reta pe kuärái: Tuyapo reta opaete mbaembae ipatrón jei chupe reta wae rupi. Awɨye tuparawɨkɨ kawi reta ipatrón umae oï jese reta yaweño jare ipatrón umbɨyerowia waeräño. Tuyeyokui kawiñoi reta chupe ipɨakɨrëɨ rewe yandeYa wi uipɨu rewe.