San Lucas 7:14 - Biblia

¹⁴ Jayawe Jesús oo oñono ipo kunumi jetekue uruwata pɨpe wae re. Jare owoɨ ueru wae reta opa uyemboɨ. Jayawe Jesús jei taurusu wae pe: “Che tae ndewe, epüa,” jei chupe.

Guaraní Pe (Western): Simba

¹⁴ Jayave Jesús oo uyavɨquɨ umano vae jɨru. Jare ovoɨ güeru vae reta uyemboɨ. Jayave Jesús jei taɨrusu vae pe: —Che jae ndeve: Epũa.

San Lucas 7:14 Iomraidhean Croise

Marcos 5:41

Jayawe Jesús uipɨsɨ kuñatái ipo pe jare jei chupe: “Talita kumi,” jei. (Kua ñee uipota jei jae reta iñee pe, “Kuñatái, che tae ndewe, epüa.”)

San Lucas 7:13

Jare yandeYa uecha yawe jokua kuña, uiparareko umae jese jare jei chupe: “Awɨye iyao,” jei.

San Lucas 7:15

¡Jare jupiwoiño umano wae upüa uwapɨ jare umbɨpɨ uyemɨngeta! Jayawe Jesús jei ichɨ pe: “Ko oï nemembɨ, cherindɨ mii,” jei chupe.

San Lucas 7:17

Jare kua Jesús uyapo wae jeräkua opaete ɨwɨ Judea rupi jare iyɨpɨ rupi.

San Juan 11:25

Jayawe Jesús jei chupe: “Che ko jae tekowe amee wae jare umanokue wae reta ambɨjekowe ye wae,” jei chupe. “Cheré wɨrowia wae reta, yepe tëi umano, erëi ikowe yeta ñonoï.

San Juan 5:21

“CheRu Tumpa, jae ko tekowe iYa jare jae ipuere umbɨjekowe ye umanokue wae reta. Jare jukuärái wi che jae Taɨrä aï wae chepuere amee tekowe ipotawe kía aipota wae pe,” jei chupe reta.

San Juan 5:25

“Che tae pewe añetete wae, kua ɨwɨ pewa reta umano wae echa ñonoï Tumpa wi. Erëi uwäeta ma ara jae reta uyandu waerä che Tumpa Taɨrä aiko wae chiñee. Añetete yepe añawe uwäe ma jokua ara. Jare jokua uyapɨsakata chiñee re wae reta onoita tekowe ipɨau wae.

Romanos 4:17

Jukuärái ko jei Tumpa iñeerɨru pe. Echa’ä uyekuatía oï joko pe kua mbae Tumpa jei Abraham pe wae: “Che nduyapota aï jeta ambɨe ɨwɨ pewa reta tamɨrä.” Jukuärái Tumpa jei chupe jare jukuärái ma uyapo chupe, echa’ä opaete yande Cristo re yarowia wae reta ko jae Abraham iñemoñaa añetete wae Tumpa jowai. Jare jukuärái yandepuereta yayekou Abraham ndiwe jokua mbaembae Tumpa umeeta oï chupe wae re. Tumpa uyapo kua mbae ikawi wae Abraham pewarä, echa’ä Abraham wɨrowia iñee re ramo. Abraham uikuaa Tumpa imbaepuere tuichaete ko, jare Tumpa uipota yawe, jae nunga wi ipuere umbɨjekowe ye umanokue wae reta. Jáeramo Abraham uikuaa yawai’ä ko Tumpa pewarä umee chupe uñemoña waerä.