San Lucas 7:13 - Biblia

¹³ Jare yandeYa uecha yawe jokua kuña, uiparareko umae jese jare jei chupe: “Awɨye iyao,” jei.

Guaraní Pe (Western): Simba

¹³ Jare yandeYa uecha yave cuña, uiparareco jare jei chupe: —Agüɨye iyao.

San Lucas 7:13 Iomraidhean Croise

Marcos 8:2

“Aiparareko anoi kua yuweru wae reta. Echa’ä mbapɨ ara rupi ma ñonoï reta che ndiwe, jare mbaetɨ ma mbae onoi reta jou waerä,” jei.

San Lucas 10:1

Kua jaɨkue rupi yandeYa uiparawo ïru setenta kuimbae reta jare omondo tenonde mokui mokui rupi opaete tëta wasu reta jae oota wae rupi.

San Lucas 11:1

Pëti ara Jesús uyerure iko Tumpa pe. Jare opa ma uyerure yawe, pëti jemimboe jei chupe: “CheYa, Juan omboe jemimboe reta kërái uyerure waerä Tumpa pe. Jare ore nduipota wi nde oremboe waerä jukuärái,” jei chupe.

San Lucas 11:39

Jayawe yandeYa Jesús jei chupe: “Pe fariseo piko wae reta, jupi wae echa ko tëi. Erëi pe reta ko jae karúa reta jare vaso reta ikupekueño uyeyoe wae rami. Echa’ä pepɨa oï monda reño jare mbaembae kachi wae reño,” jei chupe.

San Lucas 12:42

Jayawe yandeYa jei umbɨjaanga rewe: “Pëti karái ime onoi yawe pëti uyeyokui chupe wae iyarakuaa katu jare wɨrowia katu wae, jae oñonota opaete uyeyokui wae reta iyandarekoarä umɨngaru reta waerä opa ara rupi,” jei.

San Lucas 13:15

Jayawe yandeYa jei chupe: “Pe reta piyemɨngetaiño ko, echa’ä pe retawe piyapo’ä pe pere wae rupi. Echa’ä jekuaeño pe reta piyora peweye jare pemburika peraa waerä pemee jou ɨ mbutuu ara pe.

San Lucas 17:5

Jayawe yandeYa jemimboe tenondewaete reta jei chupe: “Oremborɨ mii ndorowia kawi waerä Tumpa re,” jei reta.

San Lucas 17:6

Jayawe yandeYa jei chupe reta: “Pe reta perowia yawe Tumpa re michi raɨ mii yepe, jayawe pepuereta piyapo mbaembae tuicha wae,” jei. “Pepuereta pere pea ɨwɨra pe oo waerä joko wi jare uñeñono waerä mar pe. Jare jukuärái uyapota ko ɨwɨra,” jei chupe reta.

San Lucas 18:6

Jayawe yandeYa jei: “Kua re ikawi ko pepɨa pe piyemɨngeta waerä. Kua mburuwicha, yepe tëi ko jae jupi’ä, erëi mase kërái jae uyemɨngeta ipɨa pe,” jei.

San Lucas 19:8

Jare yuraa ma uwäe reta yawe tëta pe, Zaqueo uyemboɨ yandeYa jowai jare jei chupe: “Mase, cheYa, ameeta chembaembae mbɨte iparawete wae reta pe. Jare ime yawe kía pe uasaete akowara wae, irundɨ wese ye amɨñatima yeta chupe,” jei chupe.

San Lucas 22:61

Jayawe yandeYa uyerowa umae Pedro re. Jare Pedro imandúa yandeYa jei chupe wae re: “Kua pɨ̈tu woi, ndei uru kuimbae uñee mbowe, mbapɨ wese ma nde chekuakuta neï kuri,” jei chupe.

San Lucas 24:3

Jayawe uike reta japɨpe, erëi uwäe’ä chupe reta yandeYa Jesús jetekue.

San Lucas 24:34

Jayawe jae reta jei jokua mokui wae pe: “Añetete yepe yandeYa ikowe ye ma ou umanokue wae reta ipɨte wi, jare uyekuaa Simón pe,” jei reta.

San Lucas 7:12

Jare yuraa seri ma uwäe reta yawe tëta wasu jöke pe, ko oë yuweru kía jetekue wɨraa oñotɨ wae reta. Jokua umano wae ko jae pëti kuña ime umano wae imembɨrae jae waeño wae. Jare jeta tëta wasu pewa reta yuweru ñonoï jokua kuña ndiwe.

San Lucas 7:14

Jayawe Jesús oo oñono ipo kunumi jetekue uruwata pɨpe wae re. Jare owoɨ ueru wae reta opa uyemboɨ. Jayawe Jesús jei taurusu wae pe: “Che tae ndewe, epüa,” jei chupe.

San Lucas 7:19

Jayawe Juan ueni mokui jemimboe reta jare jei chupe reta: “Pekua yandeYa oï wae pe pepɨrandu chupe jae ra ko Upuruepɨ wae outa iko wae, ani jekuaeño ñaärota ïru wae,” jei chupe reta.

San Lucas 8:52

Jare ime ñonoï joko pe jeta wae reta mbɨatɨtɨ wasu pe, jare jäse uyao ñonoï reta. Jayawe Jesús jei chupe reta: “Awɨye piyao. Kua kuñatái umano’ä oï. Okeño ko oï,” jei chupe reta.

San Juan 11:3

Jáeramo jindɨ reta omondo kía umɨmbeuka waerä Jesús pe: “OreYa, kua kuimbae ndeau wae imbaerasɨ oï,” jei chupe.

San Juan 20:13

Jare araɨwa reta jei María pe: “¿Maera pa ndiyao neï?” jei chupe. Jayawe María jei chupe reta: “Wɨraa reta ma cheYa jetekue, jare aikuaa’ä kiape ra oñono reta,” jei chupe reta.

San Juan 20:15

Jayawe Jesús jei chupe: “¿Maera pa ndiyao neï? ¿Kía pa ndeka neï?” jei chupe. Erëi María wɨrowia tëi jae ko temitɨ reta iyandarekoa. Jare jei chupe: “Nde nderaa yawe jetekue, emɨmbeu mii chewe kiape etei niñono wae. Echa’ä che aipota araa añono teöwerenda ikawi wae pe,” jei chupe.

San Juan 4:1

Pëti ara yandeYa Jesús pe jeräkua fariseo reta jei kuärái: “Jesús uyapo oï jetaete jemimboerä Juan wi jare umbɨsakambu reta oï ɨ pe,” jei reta.

San Juan 6:23

Jayawe yuweru uwäe ïru chalana reta tëta wasu Tiberias wi joko pe. Joko wi mbɨrɨ'ä iko ïruwe ara pe ukaru reta wae – jae ko kiape jou reta mbɨyape yandeYa umbɨjeta chupe reta wae umee yawe yasurupái Tumpa pe.

1 Corintios 7:30

Jae ramiño wi mbɨatɨtɨ, jare yerowia, jare ipotawe mbae pewa peyupe wae awe awɨyeta ko pembɨawái piyeyokui waerä Tumpa pe.

1 Tesalonicenses 4:13

Añawe hermano mii reta, ime ye mbae re ore nduipota pumbɨarakuaa waerä. Nduipota pe reta pikuaa waerä mbae ra uasa kía Cristo re wɨrowia wae umano yawe. Echa’ä jokua pikuaa yawe, ndarau pepɨatɨtɨete imano re Cristo re wɨrowia mbae wae reta ipɨatɨtɨ rami. Echa’ä ime yande mbae ñaäro ñaï yayerowia rewe wae jae reta mbaetɨ onoi wae.

Hebreos 2:17

Jáeramo jae imeta ko uyeyapo yande rami etei uyapo waerä yandewe kërái rupi yaya waerä Tumpa re. Jae uyeyapo yandesacerdote tenondewaeterä jupi wae. Jare jae uiporara wae rupi opa umbái yandewi mbaembae yayawɨ Tumpa kotɨ wae. Añawe yandepuere yarowia katu jese jae uyapo waerä mbarawɨkɨ jupi yanemaerä Tumpa jowai, jukuärái yandepuere waerä yaya Tumpa re. Jare jae yande rami etei iko ramo, jae umae yanderé yandeparareko rewe.

Hebreos 4:15

Kua yandesacerdote tenondewaete umae yanderé yandeparareko rewe ñanepɨräta’ä ñaï yawe, echa’ä jae uikuaa kërái ko jokua ñanepɨräta’ä wae. Echa’ä kua ɨwɨ pe iko rambuewe, ou Jesús pe opa kërái rupi uyawɨka waerä tëi chupe Tumpa kotɨ wae yande rami. Erëi jae pëti wese awe uyawɨ'ä Tumpa kotɨ.