San Lucas 6:49 - Biblia

⁴⁹ “Erëi ime yawe kía uyandu tëi kua chiñee wae jare mbaetɨ uyapo wae, jae ko ïru kuimbae jëtarä uyapo wae rami. Erëi jae oñono’ä jëta iwapɨkarä itape re. Jae uyapo jëtarä ɨwɨ iaramoño,” jei. “Jare opa ma jëta uyapo yawe, ama tuicha okɨ, jare ɨ uyembutuicha oo jare uyepete tëta re. Jare jupiwoiño opa umbɨyapara, jare opa uyembái opaetei,” jei. “Jukuärái rami ko chiñee uyandu tëi wae reta erëi uyapo’ä reta.” Jukuärái jei Jesús jokua jeta uyembatɨ ñonoï wae reta pe.

Guaraní Pe (Western): Simba

⁴⁹ Ẽrei ime yave quía uyapɨsaca cheré vae, uyapo'ã yave che jae chupe uyapo vaerã vae, jae co ĩru cuimbae jentarã uyapo vae rami. Ẽrei jae oyoo'ã oñono vaerã tenta iguapɨcarã itape re. Oñono jentarã ɨvɨ iaramboño. Jayave tuicha oquɨ jare jeta ete ɨ usɨrɨ tenta iyɨpɨ rupi jare opa umbɨyapara. Opa uyembai jocua tenta —jei.

San Lucas 6:49 Iomraidhean Croise

San Mateo 23:3

Jáeramo piyapota ko jae reta jei pewe wae rupi,” jei. “Erëi awɨye piko jae reta yureko wae rami, echa’ä jae reta etei uyapo’ä ñonoï mbae jei pewe piyapo waerä wae,” jei.

San Mateo 24:10

“Jare jeta wae reta opiata Tumpa wi. Jae reta uñeamɨtäata jae yepái, jare opata uñemee jae yepái towaicho reta ipo pe,” jei.

Marcos 4:17

“Erëi Tumpa iñee uyembɨjapo kawi’ä ipɨa pe ramo, ɨmambae ikueri reta. Yembɨawái ou chupe reta yawe, jare ïru wae reta uyapo ikawi mbae wae chupe reta yawe Tumpa iñee re wɨrowia jeko pewa, jayawe jupiwoiño opia reta Tumpa jape wi,” jei chupe reta.

San Lucas 12:47

“Añetete ko, pëti uyeyokui wae uikuaa tëi yawe karái jei chupe wae, erëi uyapo’ä yawe jare uyandareko’ä yawe, jayawe karái täta rupi uiporarakata oï chupe,” jei.

San Lucas 19:14

“Erëitu jëtáɨwa reta uñamɨtäa umae jese. Jáeramo omondo reta tëi jaɨkue jei reta waerä jokua mburuwicha wasu pe: ‘Ore nduipota’ä jokua kuimbae oï waerä oremburuwicharä,’ jei reta tëi.

San Lucas 19:27

‘Erëi jokua cherowaicho reta uipota’ä tëi aiko waerä imburuwicharä wae reta, peru kua pe piyuka cherowake,’ jei chupe reta.” Jukuärái jei Jesús chupe reta umbɨjaanga rewe.

San Lucas 6:46

Jare Jesús jei wi chupe reta: “¿Maera pa pere chewe ‘OreYa,’ erëi piyapo’ä che jae wae?” jei.

San Lucas 6:48

Jae ko pëti kuimbae jëtarä uyapo wae rami,” jei. “Oyoo kɨpe oñono waerä tëta iwapɨkarä itape re. Jare opa ma jëta uyapo yawe, ama tuicha okɨ, jare ɨ uyembutuicha oo jare uyepete tëta re. Erëi tëta oa’ä etei, echa’ä iwapɨka itape re oï ramo,” jei. “Jukuärái rami ko che jae wae uyapo wae reta iyarakuaa katu ñonoï,” jei chupe reta.

San Lucas 7:1

Jare Jesús opa ma omboe yawe uyembatɨ wae reta, oo tëta wasu Capernaum pe.

San Juan 15:2

“Opaete jäka ía mbae oï cheré wae reta, cheRu uyasɨata. Jare opaete jäka ía oï cheré wae reta, cheRu uitɨota jare oyoeta taɨkue rupi ía kawiete waerä,” jei chupe reta.

Hechos 20:29

“Aikuaa aï che a ye ma pewi yawe, yuweruta pepɨte rupi Tumpa iñee umɨmbeuraanga wae reta. Jae reta uipotata pererükumewa Tumpa kotɨ kërái yawapɨ̈ta uipota ou uyuka jou owecha reta wae rami,” jei.

Hechos 26:11

“Jare jeta wese ase tupao reta rupi aipɨsɨ aiporaraka chupe reta waerä. Jare che aipota tëi jaeka chupe reta Jesús jae’ä ko yandeYa wae. Jare chepochɨ uasa ramo jae reta kotɨ, aɨkuemoña reta ambɨe tëta wasu reta rupi,” jei.

1 Tesalonicenses 3:5

Jokua jeko pewa che amondo Timoteo pepɨ. Che parawete chepuere’ä arupɨa aikuaa’ä kërái ra peï ramo. Jare aipota aikuaa aiko imeño ra perowia peï Cristo re wae. Che jae tëi aiko: “¿Ipuereta ra Añawasu mbae uyapo jae reta uyerowa waerä Tumpa wi?” Jukuärái jae aiko. Arowia tëi aiko aramoi jokua täta rupi nduparawɨkɨ pepɨte pe wae usiriwe’ä maeräwe.

2 Pedro 2:20

Kua pëti mbɨatɨtɨ ko. Echa’ä ipuere kía uikuaa yandeRepɨ wae yandeYa Jesucristo rewa, jare jokua arakuaa rupi ipuere ueya ɨwɨ jeko kachi wae. Erëi jokua nunga kía taɨkue rupi uñatima ye yawe jeko indechikue pe jare ipuere’ä ueya ye yawe, jae oeteta upɨta tenonde iko wae wi.

1 Juan 2:19

Jae reta uyembatɨse yande ndiwe añetete wae nunga. Erëitu opa ma usɨrɨ reta yandewi. Jae reta uñemɨïru’ä añetete rewe yande ndiwe. Jae reta añetete uñemɨïru yande ndiwe yawe, jekuaeñota tëi yureko yande ndiwe. Erëi opa usɨrɨ reta yandewi. Jukuärái yaikuaa jae reta mbaetɨ ko yande rami, echa’ä jae reta Tumpa pewa’ä ko.