San Lucas 6:30 - Biblia

³⁰ “Jae ramiño wi ime yawe kía mbae ueka ndewe wae, emeeño chupe. Jare ime yawe kía nembaembae upɨ̈ro ndewi wae, emaeño jese. Awɨye mbae ere chupe,” jei.

Guaraní Pe (Western): Simba

³⁰ Ime yave quía uyerure ndeve mbae re vae, emee chupe. Jare ime yave quía nembaembae upɨ̃ro ndegüi vae, agüɨye iñemɨacatẽɨ chupe —jei—.

San Lucas 6:30 Iomraidhean Croise

San Mateo 18:35

Joko wi Jesús jei wi jemimboe reta pe: “Jukuäraiete wi cheRu ara pe oï wae uyapota pewe, pe reta jekuaeño pemandúa yawe perapicha pe mbae kachi uyapo pekotɨ wae re,” jei chupe reta.

San Mateo 5:39

“Erëi che tae pewe kuärái: Kía uyapo ndewe yawe mbae ikawi mbae wae, awɨye iyepɨ jese. Jare ime yawe kía nderowapete wae, erowa wi chupe jowaicho kotɨwa uipete ye waerä,” jei.

San Mateo 6:12

Jare kërái ore oremandua’ä ïru wae reta pe jokua mbaembae uyawɨ orekotɨ wae re, jukuärái wi nde awɨye mii nemandúa orewe mbaembae nduyawɨ ndekotɨ wae re.

San Lucas 11:41

“Pe reta pipota’ä pekɨa peï Tumpa kotɨ yawe, jayawe pemborɨta ko iparawete wae reta ime penoi wae pɨpe,” jei chupe.

San Lucas 12:33

“Jayawe pewaka pembaembae korepotirä, pɨpe pemborɨ waerä iparawete wae reta. Jare jukuärái piyapo yawe, penoita ara pe mbaembae ikawi wae opa mbae wae, kiape imonda wae reta uike mbae wae pe jare kiape kupii ipuere’ä mbae urükumewa wae pe,” jei.

San Lucas 18:22

Jare Jesús kua uyandu yawe, jei chupe: “Imeño mbae uata oï ndewe ndiyapo waerä,” jei chupe. “Ekua ewaka opaete nembaembae, jare jokua korepoti emee iparawete wae reta pe. Jare jukuärái imeta nenoi mbaembae ikawiete wae ara pe. Joko wi eyu kuri che ndiwe ndiko waerä cheremimboerä,” jei chupe.

San Lucas 6:29

“Jare ime yawe kía nderowapete wae, erowa wi chupe jowaicho kotɨwa uipete ye waerä. Jare ime yawe kía niñepëwaka upɨ̈ro ndewi wae, jayawe emee chupe wi ndecamisa,” jei.

San Lucas 6:31

“Opaete kua mbaembae rupi che jae aï pewe kuärái: kërái pe reta pipota ïru wae reta uyapo pewe ikawi wae pemaerä, jukuärái wi pe reta piyapota ko ikawi wae chupe reta,” jei Jesús chupe reta.

San Lucas 6:38

“Mbaembae uata chupe wae pe pemeeta ko chupe, jare jukuäraiete wi uñemeeta pewe. Añetete jetaete ye ye uñemeeta pewe. Echa’ä kërái ïru wae pe piyapo wae rupi uyeyapota oï pewe wi,” jei chupe reta.

Hechos 20:35

“Opaete mbae ayapo wae rupi aechaka ma pewe kërái ikawi ko yaparawɨkɨ yamborɨ waerä ipuere mbae etei uparawɨkɨ iyupe wae reta,” jei. “Yanemandúa yandeYa Jesús etei jei wae re, echa’ä jae jei: ‘Ime yawe kía umee yandewe mbaembae uata oï yandewe wae, jokua re yayerowia ñaï. Erëi yayerowiaeteta ñaï ñamee yawe kía pe mbaembae uata oï chupe wae,’ jei Jesús.” Jukuärái Pablo jei chupe reta.

2 Corintios 8:9

Echa’ä pikuaa kawi ko kërái yandeYa Jesucristo uikuaaka ipɨakawi wae ko. Jae ikokatuete ko, echa’ä opaete mbaembae ara pewa jae imbae ko. Erëi jae perauete ramo, ueya opaete jokua mbaembae reta ou waerä kua ɨwɨ pe. Jukuärái jae uyembɨparawete pe reta pikokatu waerä Tumpa kotɨ.

Efesios 4:28

Imondase wae awɨye ye ma timonda. Añawe Cristo re wɨrowia wae ko; jayawe jukuärái tuiko. Añawe wiwe tuyapo iyupe mbarawɨkɨ ikawi wae ime onoi waerä imbaembaerä jare ipuere wi omborɨ waerä iparawete wae.