San Lucas 6:27 - Biblia

²⁷ Jare Jesús jei wi chupe reta: “Erëi pe piyapɨsaka peï chiñee re wae reta, che tae pewe kua: Peauta ko perowaicho reta, jare piyapota ikawi wae peamɨtäa wae reta pe,” jei.

Guaraní Pe (Western): Simba

²⁷ Ẽrei che jae pe reta piyapɨsaca cheré vae pe cua: Peau perovaicho reta, jare piyapo icavi vae pemɨtarẽɨ vae reta pe —jei—.

San Lucas 6:27 Iomraidhean Croise

Marcos 4:24

Jare jei wi chupe reta: “Pepɨa pe piyemɨngeta kawi kua chiñee re,” jei. “Jare jokua piyapo yawe, pikuaa kawita jare Tumpa uikuaaka kawieteta pewe jeta ïru mbaembae re.

San Lucas 23:34

Jayawe Jesús uyerure Tu pe kuärái: “CheRu, awɨye mii nemandúa chupe reta kua uyapo ñonoï wae re. Echa’ä jae reta uikuaa’ä mbae ra uyapo ñonoï wae,” jei. Jayawe sɨndaro reta uyuwari Jesús jemimonde re, pëti pëti wae uikuaa waerä mbae nunga wɨraata iyupe wae. Jukuärái umbɨyao iyupe reta Jesús jemimonde.

San Lucas 6:22

Jare che kuimbaerä ayeyapo wae, pe reta perowia cheré ramo, ïru wae reta peamɨtäata ñonoï jare pemombota reta iyuwi. Jare jeita reta mbaembae kachi wae pekotɨ, jare jeita pewe reta: ‘Añawasu ko.’ Erëi jukuärái uyapo reta pewe yawe, piyekoueteta peï kuri.

San Lucas 6:35

“Erëi pe reta imeta ko peau perowaicho reta, jare piyapo ikawi wae chupe reta. Piporuka wi pembaembae chupe reta peäro mbae rewe umɨñatima waerä pewe jokua re,” jei. “Jukuärái piyapo yawe, Tumpa tuicha umɨñatimata oï pewe kuri, jare uyekuaata pe reta ko jae Tumpa imbaepuere tuichaete wae taɨ reta añetete wae,” jei. “Echa’ä Tumpa ipɨakawi oï opaete pewarä, yepe tëi jeta wae reta umee’ä etei yasurupái chupe jare jeko kachi wi.

San Lucas 8:15

“Erëi amokue temitɨ oa ɨwɨkawi pe. Jare kua jae nunga wi uyembɨjaanga oï ïru wae reta Tumpa iñee uyandu wae re,” jei. “Kua nunga reta uipɨsɨ kawi Tumpa iñee ipɨa rewe. Jare uyapo reta ipɨawasu rewe Tumpa iñee pe jei wae. Jáeramo uyekuaa jese reta Tumpa jeko ikawi wae,” jei chupe reta. “Jukuärái ko ambɨjaanga rewe jae pewe wae,” jei Jesús jemimboe reta pe.

San Lucas 8:18

“Jáeramo piyandareko kawi piyé piyapɨsaka kawi waerä. Echa’ä ime yawe kía uyapɨsaka kawi jare wɨrowia chiñee re wae, uñemɨïruta chupe iyarakuaa,” jei. “Erëi ime yawe kía uipota’ä uyapɨsaka añetete re wae, jokua jae wɨrowia tëi uikuaa michi mii yepe chiñee wae, jokuawe uñepɨ̈rota chuwi,” jei Jesús chupe reta.

San Lucas 8:8

“Erëi amokue temitɨ oa ɨwɨkawi pe. Jokua reta jeñɨ kawi, ukuakuaa, jare ikawiete ía.” Jukuärái Jesús jei chupe reta umbɨjaanga rewe. Jare jei wi chupe reta usapɨkai rewe: “Ipotawe kía uipota uikuaa kawi wae, tuyapɨsaka kua chiñee re,” jei chupe reta.

Hechos 16:28

Erëi Pablo usapɨkai chupe: “¡Awɨye iyeyuka!” jei. “Echa’ä ore opa reweño noï kua japɨpe,” jei chupe.

Hechos 7:60

Jayawe oa ɨwɨ re itawa re jare usapɨkai rewe jei: “CheYa, awɨye mii embɨjeko kua reta kua mbae kachi uyapo ñonoï wae re,” jei. Jare jukuärái jei ma yawe, Esteban umano.

Gálatas 6:10

Jáeramo yayapo mii ikawi wae opaete wae pe yandepuere wae rupi. Erëi tenonde Cristo re wɨrowia wae reta rani ko yamborɨta.

1 Tesalonicenses 5:15

Ime yawe kía mbae kachi uyapo pewe wae, awɨye pemɨñatima chupe. Erëi jekuaeño piyapo ikawi wae peyupe jare opaete wae pe wi.

3 Juan 1:11

Cheïru nduau mii wae, nde awɨye etei emomoe kua nunga ikawi mbae wae. Emomoe ikawi waeño. Ikawi wae uyapo wae reta Tumpa pewa ko. Erëi ikawi mbae wae uyapo wae reta uikuaa’ä etei ko Tumpa.