San Lucas 6:25 - Biblia

²⁵ Jare pe añawe rupi peangapɨɨ kawi peï wae reta, ¡pikuasɨ parawete! Echa’ä uwäeta oï kuri ara piyembaɨ waerä. Jare pe añawe rupi pepuka jare perorɨkatu peï wae reta, ¡pikuasɨ parawete! Echa’ä uwäeta oï kuri ara pepɨatɨtɨ waerä jare piyao waerä.

Guaraní Pe (Western): Simba

²⁵ Jare jeta güɨnoi vae reta uiporarata co. Echa'ã iyembaɨta reta. Añave upuca reta. Ẽrei ipɨatɨtɨta reta jare uyaota reta —jei—.

San Lucas 6:25 Iomraidhean Croise

San Lucas 12:20

“Erëi Tumpa jei jokua kuimbae pe: ‘¡Ndearakuaa mbae echa ko nde! Echa’ä kua pɨ̈tu etei aekita aï ndewi nderekowe. Jayawe ndeupi tëi ma ko jeta mbaembae ndeyupe,’ jei chupe.”

San Lucas 13:28

“Jare pe reta piyaota tëi jare peräi pembɨkɨrɨrɨuta tëi. Echa’ä kía oka wi o re umae oï wae rami, pechata Tumpa opaete wae imburuwicha wasurä ma oï. Jare pechata wi jae ndiwe peramɨkue reta Abraham, Isaac, Jacob, jare opaete Tumpa iñee arakae umɨmbeu wae reta,” jei. “Jare jokua ara yuweruta wi opaete ketɨ ketɨ wi jeta judío mbae wae reta yureko waerä Tumpa ndiwe. Jare pechata opaete wae ukaru ñonoï uyerowia rewe. Erëi pe reta ndarau pepuere pike piyekou waerä jae reta ndiwe,” jei chupe reta.

San Lucas 6:24

Erëi pe pikokatu wae reta, ¡pikuasɨta peï! Añaweño ko piyerowia peï pekorepoti re. Erëi taɨkue rupi mbaetɨ yeta ma oï mbae re piyerowia waerä.

San Lucas 6:26

Jare pikuasɨ parawete opaete wae uyemɨngeta kawi peré yawe. Jukuäraiño wi tamɨkue reta uyemɨngeta kawi Tumpa iñee umɨmbeuraanga wae reta re,” jei Jesús chupe reta.

San Lucas 8:53

Erëi jae reta kua ñee uyandu yawe, oyoyai reta Jesús. Echa’ä jae reta uikuaa kuñatái umano ma.

Efesios 5:4

Jare piyemɨngeta yawe ïru wae reta ndiwe, jekuaeño piyemɨngeta pemee rewe yasurupái Tumpa pe. Awɨye ma piyemɨngeta iyarakuaa mbae wae reta jare ipotawe imbɨkere wae reta uyemɨngeta wae rami. Echa’ä ndarau ikawi kía Tumpa oñono tee jae imaerä wae uyemɨngeta waerä jukuärái.

1 Tesalonicenses 5:3

Jokua ara ɨwɨ pewa reta jei yawe, “Añawe yaikota ñaï yandepɨakatu rewe jare yandepɨawiwe rewe,” jayawe jokua ara ipɨranoe pewa outa chupe reta mbaesusere tuicha wae. Jare jokua outa chupe reta aramoiño kërái pëti kuña aramoiño imembɨrasɨ ou chupe rami. Jare jae reta ndarau etei oyepe chuwi.

Santiago 4:9

Pepɨatɨtɨ jare piyao Tumpa kotɨ piyawɨ wae re. Pe reta añawe piyerowia peï, erëi imeta ko pepɨatɨtɨ. Añawe pepuka peï, erëi imeta ko piyao.

Apocalipsis 3:17

‘Pe reta pere tëi kuärái: “Yaikokatu ñaï. Jeta mbaembae ñanoi. Mbaetɨ etei mbae uata yandewe,” pere tëi. Erëi jukuärai’ä ko. Pe reta pikuaa’ä kërái chekotɨ pikuasɨete peï, jare peparawete peï, jare peresa mbae echa peï, jare penani etei wae echa peï. Jáeramo ïru wae reta umaeta tëi peré peparareko rewe.