San Lucas 6:18 - Biblia

¹⁸ Jare Jesús umɨnguera wi aña uyembɨiya jese wae reta.

Guaraní Pe (Western): Simba

¹⁸ Jesús umbɨgüera vi aña oya jese vae reta.

San Lucas 6:18 Iomraidhean Croise

San Mateo 15:22

Jare jokua ɨwɨ pe ime iko pëti kuña ɨwɨ Canaán pewa. Jae ko judía mbae wae. Jae ou Jesús oï wae pe, jare usapɨkai pɨi rewe jei chupe: “CheYa, David iñemoñaa pewa, cheparareko mii,” jei. “Chemembɨ kuña mii uiporaraete oï, echa’ä aña uyembɨiya ma jese,” jei chupe.

San Mateo 17:15

“Oporomboe wae, iparareko mii chewe cheraɨ parawete,” jei. “Jae imbaerasɨ, jare umanomano, jare tuicha rupi uiporara oï. Jeta wese ma oa tëi tata pe jare ɨ pe wi,” jei.

San Lucas 6:17

Jayawe kua reta ndiwe Jesús uweyɨ ye ɨwɨtu wi ɨwɨ ipe wae pe. Jare joko pe jeta wae reta uyembatɨ uäro ñonoï. Jae reta ko Jesús jemimboe reta wi. Jare joko pe ñonoï wi jeta ɨwɨ Judea pewa reta, jare Jerusalén pewa reta, jare tëta wasu reta Tiro jare Sidón mar jembeɨ rupiwa reta. Opaete wae yuweru uyapɨsaka waerä Jesús iñee re jare Jesús umɨnguera waerä imbaerasɨ wae reta.

San Lucas 6:19

Jare opaete wae reta uipota uyawɨkɨ Jesús. Echa’ä jae reta uikuaa jae ime onoi mbaepuere umɨnguera waerä opaete imbaerasɨ wae reta.

Hechos 5:16

Jare jeta wae yuweru Jerusalén pe ïru tëta wasu raɨ koiño Jerusalén wi ñonoï wae reta wi. Jae reta ueru imbaerasɨ wae reta jare aña uyembɨiya jese wae reta. Jare opa ukuera reta.