San Lucas 6:14 - Biblia

¹⁴ Kuärái ko jae reta jee: Simón (kua kuimbae Jesús umbɨjee Pedro), jare Simón tɨwɨ Andrés jee wae, jare Jacobo, Juan, Felipe, Bartolomé,

Guaraní Pe (Western): Simba

¹⁴ Simón (Jesús umbɨjee Pedro), jare Simón tɨvɨ Andrés jee vae, jare Jacobo jare Juan, jare Felipe, Bartolomé,

San Lucas 6:14 Iomraidhean Croise

San Mateo 10:2

Kuärái ko Jesús uiparawo wae reta jee: Simón (kua kuimbae Jesús umbɨjee Pedro), jare Simón tɨwɨ Andrés jee wae, jare Zebedeo taɨ reta Jacobo jare Juan jee wae reta,

San Mateo 10:3

Felipe, Bartolomé, Tomás, Mateo (jae ko mburuwicha pewarä okowarase wae), Alfeo taɨ Jacobo jee wae, Tadeo,

San Mateo 4:18

Pëti ara Jesús uwata iko ɨpa wasu Galilea jee wae jembeɨ rupi. Jare uwata iko rambuewe, uecha mokui kuimbae. Pëti ko jee Simón, jare chupeño wi jei reta Pedro. Jare ïruwe ko jae Simón tɨwɨ Andrés jee wae. Jae reta pira uipɨsɨ wae reta ko, jare omombo yureko reta pɨsa ɨpa wasu pe.

San Mateo 4:21

Jare joko wi Jesús oo yuapɨ ye kutɨ mii, jare uecha ye ïruwe kuimbae reta – jae ko Zebedeo taɨ reta. Pëti jee Jacobo jare tɨwɨ jee Juan. Jae reta uyapɨkatu yureko pɨsa reta chalana pe tu ndiwe. Jayawe Jesús ueni reta wi.

Marcos 1:19

Jare ndei mbɨrɨ oo mbowe, Jesús uecha Zebedeo taɨ reta. Pëti jee Jacobo, jare tɨwɨ jee Juan. Jae reta uyapɨkatu yureko pɨsa reta chalana pe.

Marcos 1:29

Jayawe Jesús, Jacobo, Juan, jare amokue ïru jemimboe reta oë ye tupao wi, jare yuraa reta Simón jare Andrés jëta pe.

Marcos 14:33

Jayawe joko wi Jesús wɨraa Pedro, Jacobo, jare Juan ïru wae reta wi kutɨ katu mii. Jare jae umbɨpɨ ipɨatɨtɨ ikuasɨ katu rewe.

Marcos 3:16

Kuärái ko Jesús uiparawo wae reta jee: Simón (kua kuimbae Jesús umbɨjee Pedro);

Marcos 5:37

Jare Jesús umaeño’ä ïru reta re yuraa waerä jae ndiwe Jairo jëta pe – jaeño Pedro, jare Jacobo, jare Jacobo tɨwɨ Juan.

Marcos 9:2

Jare owa ara ma uasa yawe, Jesús wɨraa Pedro, Jacobo, jare Juan ïru reta ipɨte wi pëti ɨwɨtu wasu re. Jare joko pe Jesús jete uyembɨambɨe chupe reta.

San Lucas 5:10

Jae ramiño wi Simón ïru reta Jacobo jare Juan jee wae ipɨakañɨ jokua re. Jae reta ko Zebedeo taɨ reta jare Simón iparawɨkɨ ïru reta. Jayawe Jesús jei Simón pe: “Awɨye ekɨye,” jei. “Che ime anoi mbarawɨkɨ nemaerä. Añawe wiwe nderuta ïru wae reta chekotɨ,” jei chupe.

San Lucas 5:8

Jare Simón Pedro kua uecha yawe, uñeñono itawa re Jesús jowai uipɨu rewe. Jare jei chupe: “CheYa, esɨrɨ mii chewi. Echa’ä che ko jae kuimbae jeko kachi wae.”

San Lucas 6:13

Jare köe ma yawe, umbatɨka jemimboe reta. Jayawe jae reta ipɨte wi Jesús uiparawo doce kuimbae reta. Jare taɨkue rupi jae omondota iko reta jae jee re umɨmbeu waerä Tumpa iñee.

San Lucas 6:15

Mateo, Tomás, Alfeo taɨ Jacobo jee wae, jare Simón (kua Simón jae ko ïru wae reta ueni wi Zelote pe),

San Juan 1:45

Jayawe Felipe oo ueka kuimbae Natanael jee wae – jae ko Felipe ïru. Jare uwäe chupe yawe, Felipe jei Natanael pe: “Nde ndikuaa Moisés jare ïru Tumpa iñee arakae umɨmbeu wae reta uikuatía wae, kërái outa oï Upuruepɨ wae. Añawe ore nduikuaa ma jae. Jae yepe José taɨ Jesús jee wae tëta wasu Nazaret pewa,” jei chupe.

San Juan 14:8

Jayawe Felipe jei Jesús pe: “OreYa, echaka mii orewe ndeRu. Jokuaño nduipota,” jei chupe.

San Juan 6:5

Jare Jesús uecha jeta wae reta yuweru ñonoï ikotɨ. Jayawe upɨrandu jemimboe Felipe pe: “¿Kiawi pa yawata tembiu yamɨngaru waerä kua jeta wae reta?” jei chupe.

San Juan 6:8

Jare pëti Jesús jemimboe Andrés jee wae – jae ko Simón Pedro tɨwɨ – jei Jesús pe:

Hechos 1:13

Jayawe yuweru uwäe reta yawe, uike reta pëti tëta pe jare uyupi reta tëta joo ɨwate oï wae pe jae reta yureko wae pe. Jae reta ko Pedro, Jacobo, Juan, Andrés, Felipe, Tomás, Bartolomé, Mateo, Alfeo taɨ Jacobo jee wae, Simón Zelote, jare Jacobo tɨwɨ Judas jee wae.

Hechos 12:2

Jare jae uyukaka kɨsepuku pe Jacobo – jae ko Juan tɨkeɨ wae.

2 Pedro 1:1

Pe Jesucristo re perowia wae reta, che ko jae Simón Pedro aikuatía aï pewe wae. Jesucristo chemondo jae jee re opaete kerupi amɨmbeu waerä jesewa, jare chupe ko ayeyokui aï. Jesucristo ko jae yandeTumpa jare yandeRepɨ wae. Jare jae jupiete ramo, umee pewe jae iñee ikawiete wae jese perowia waerä kërái jae umee orewe wae rami.