San Lucas 6:13 - Biblia

¹³ Jare köe ma yawe, umbatɨka jemimboe reta. Jayawe jae reta ipɨte wi Jesús uiparawo doce kuimbae reta. Jare taɨkue rupi jae omondota iko reta jae jee re umɨmbeu waerä Tumpa iñee.

Guaraní Pe (Western): Simba

¹³ Jare cõe ma yave, ueni jemimboe reta. Jayave uiparavo doce umbɨjee temimondo reta vae:

San Lucas 6:13 Iomraidhean Croise

San Mateo 10:2

Kuärái ko Jesús uiparawo wae reta jee: Simón (kua kuimbae Jesús umbɨjee Pedro), jare Simón tɨwɨ Andrés jee wae, jare Zebedeo taɨ reta Jacobo jare Juan jee wae reta,

San Mateo 19:28

Jayawe Jesús jei jemimboe reta pe: “Che tae pewe añetete wae, pëti ara Tumpa umbɨpɨauta oï opaete mbaembae. Jare jokua ara che kuimbaerä ayeyapo wae awapɨta chewapɨa mburuwicha wasu pewa re. Jukuärái uyekuaata chembaepuere jembipete wae. Jare pe cheremimboe reta, pewapɨta peï kuri wi doce wapɨa pe piko waerä Israel iñemoñaa reta imburuwicha retarä,” jei chupe reta.

San Mateo 9:36

Jare uecha yawe jeta wae reta yuweru ñonoï ikotɨ, tuicha rupi uiparareko umae jese reta. Echa’ä jae reta ipɨa’ä ñonoï jeta mbaembae re jare mbaetɨ wi kía omborɨ reta waerä. Jae reta owecha mbaetɨ iyandarekoa onoi wae reta rami ko.

Marcos 6:30

Jayawe jokua kuimbae reta Jesús omondo wae uñatima ye oporomboe reta wae wi Jesús oï wae pe. Jare umbeu reta chupe opaete jae reta uyapo wae re jare oporomboe reta wae re.

Marcos 6:7

Pëti ara Jesús umbatɨka jokua doce jemimboe tenondewaete reta, jare omondo mokui mokui rupi oporomboe waerä. Jare umee chupe reta mbaepuere omoë waerä aña uyembɨiya jese wae reta wi.

San Lucas 11:49

“Jáeramo Tumpa iyarakuaa rupi jei: ‘Amondota judío reta pe chiñee umɨmbeu wae reta, jare jae nunga wi ïru wae reta amondota cheree re. Jare judío reta uyukata oñono amokue kua reta. Jare ïru wae reta pe uyapota reta ikawi mbae wae.’ Jukuärái Tumpa jei,” jei.

San Lucas 22:30

“Jare che aï ma yawe opaete wae imburuwicha wasurä jaeño mái pewa, pe reta pepuereta jekuaeño pekaru che ndiwe. Jare pewapɨta peï kuri wi wapɨa reta pe piko waerä Israel iñemoñaa reta imburuwicha retarä,” jei Jesús jemimboe reta pe.

San Lucas 6:14

Kuärái ko jae reta jee: Simón (kua kuimbae Jesús umbɨjee Pedro), jare Simón tɨwɨ Andrés jee wae, jare Jacobo, Juan, Felipe, Bartolomé,

San Juan 4:33

Jayawe jemimboe reta upɨrandu iyupe: “¿Ueru ma ra kía mbae jou waerä?”

Hechos 1:13

Jayawe yuweru uwäe reta yawe, uike reta pëti tëta pe jare uyupi reta tëta joo ɨwate oï wae pe jae reta yureko wae pe. Jae reta ko Pedro, Jacobo, Juan, Andrés, Felipe, Tomás, Bartolomé, Mateo, Alfeo taɨ Jacobo jee wae, Simón Zelote, jare Jacobo tɨwɨ Judas jee wae.

Efesios 2:20

Yandepuere yambɨjaanga pëti tëta re: Opaete yande Cristo re yarowia wae reta ko jae Tumpa jëta rami. Pëti tëta ikawi oï waerä, imeta ko ikawi oï iwapɨka. Tumpa jëta iwapɨka ko jae Jesús jemimboe tenondewaete reta jare Cristo rewa tenondete umɨmbeu wae reta. Jare Jesucristo etei ko jae tëta iwapɨka ita tenondewaete uñeñono wae rami.

Efesios 4:11

Jare jae etei uiparawo amokue wae reta uyeyokui waerä jese wɨrowia wae reta pe. Amokue jae reta Cristo omondo jae jee re umɨmbeu waerä jesewa opaete kerupi. Jare wi amokue jae reta jae uiparawo umɨmbeu waerä ñee Tumpa wi etei ou wae. Jare wi amokue jae reta jae uiparawo umɨmbeu waerä ñee ikawi wae Cristo rewa ndei uikuaa wae reta pe. Jare wi amokue jae reta jae uiparawo uyandareko kawi waerä Cristo re wɨrowia wae reta re jare omboe kawi reta waerä Tumpa iñee re.

Hebreos 3:1

Cherëtara mii reta, Tumpa etei peñono tee jae imaerä jare peparawo jae ndiwe piko waerä ara pe. Jáeramo pepɨayemɨngeta toï añetete rewe Jesucristo kotɨ. Jae ko yandeRu Tumpa ombou wae, jare jae ko yandesacerdote tenondewaete yamɨmbeu ïru wae reta pe wae.

2 Pedro 3:2

Pe reta pikuaa ko kërái arakaete rupi Tumpa oñono tee amokue kuimbae reta jae imaerä umɨmbeu reta waerä jae iñee. Jokua ñee re aipota pe reta pemandúa ye waerä. Jare aipota pemandúa ye waerä wi yandeYa oporomboe wae re. Kua yemboe pikuaa ko, echa’ä yandeYa yandeRepɨ wae orembou numɨmbeu waerä pewe.

Apocalipsis 12:1

Jare ime mbae uyekuaa ara re chepɨakañɨete jese wae. Jae ko pëti kuña warasɨ pe uyemonde rami. Jare kuña ipɨ íɨwɨ pe oï yasɨ. Jare doce yasɨtata reta onoi iñäka re icoronarä.

Apocalipsis 18:20

Joko wi ayandu pëti ñee jei kuärái: “Tuyerowia kua re opaete wae ara pe ma ñonoï wae reta. Jare tuyerowia wi opaete wae Tumpa oñono tee ma jae imaerä wae reta jare opaete wae ñee Tumpa wi etei ou wae umɨmbeu wae reta. Jare tuyerowia wi opaete wae Tumpa omondo jae jee re wae reta. Echa’ä Tumpa uyepɨ ma chupe reta Babilonia pe.” Jukuärái jei.

Apocalipsis 21:14

Jare tëta wasu ikësea ime onoi doce iwapɨka. Jare uyekuatía oï jese reta Owecha kuimbae taurusu wae doce jemimboe tenondewaete jee reta pëti pëti rupi.