San Lucas 5:8 - Biblia

⁸ Jare Simón Pedro kua uecha yawe, uñeñono itawa re Jesús jowai uipɨu rewe. Jare jei chupe: “CheYa, esɨrɨ mii chewi. Echa’ä che ko jae kuimbae jeko kachi wae.”

Guaraní Pe (Western): Simba

⁸ Jare Simón Pedro cua uecha yave, uyeatɨca Jesús jovai jare jei chupe: —Esɨrɨ chegüi, cheYa. Echa'ã che co jae penti cuimbae iyoa vae —jei.

San Lucas 5:8 Iomraidhean Croise

Éxodo 20:19

Jare jei reta Moisés pe: “Ore nduyapɨsakata nderé nde oremɨngeta yawe,” jei. “Erëi ndukɨyete noï numanota ko Tumpa oremɨngeta yawe,” jei reta Moisés pe.

San Mateo 17:6

Jare Jesús jemimboe reta kua uyandu yawe, ukɨyete jare oa reta ɨwɨ re uipɨu rewe.

San Mateo 2:11

Jayawe uike reta sambiaɨ oï wae pe jare uecha reta sambiaɨ jare ichɨ María ndiwe. Jayawe kuimbae reta uñeñono ɨwɨ re sambiaɨ jowai umbutuicha reta waerä. Jare joko wi pëti pëti wae uipea reta jewɨta umee waerä mbaembae ikawi wae sambiaɨ pewarä. Umee reta chupe oro jare mbaembae utimbo kawi wae jare jepɨete wae – jae ko incienso jare mirra jee wae.

San Mateo 8:8

Erëi sɨndaro reta itenondewa jei chupe: “Oporomboe wae, mase, che parawete jupi’ä ko nde ndeo waerä cherëta pe,” jei chupe. “Ndepuere ndere kua wiño uyeyokui chewe wae ukuera waerä jare ukuerata ko,” jei chupe.

San Lucas 5:7

Jayawe uyepueru reta ïru chalana pe ñonoï wae reta pe yuweru waerä omborɨ. Jayawe jae reta yuweru omborɨ jare umɨtɨnee reta mokui rewe chalana. Jare mokui rewe chalana reta poɨete jare usakambu pota echa.

San Lucas 5:9

Jukuärái Simón jei chupe, echa’ä jae jare opaete jae ndiwe ñonoï wae reta ipɨakañɨete jokua jetaete pira reta uipɨsɨ ramo, jare ukɨye reta wi.

San Juan 11:32

Jare María oo ma uwäe yawe Jesús oï wae pe, uecha rupiwe oo uñeñono ipɨtía re ɨwɨ re jae jowai jare jei chupe: “CheYa, nde moná kua pe neï yawe, ndarau tëi umano orewi chekɨwɨ mii,” jei chupe.

1 Corintios 13:12

Jae ramiño wi añawe rupi yandearakuaa Tumpa pewa uata oï kërái pëti sambiaɨ ndei iyarakuaa rami. Yande ko jae kía umae oï iyé pëti yechaka jäwe oï wae pɨpe wae rami. Erëi pëti ara, jokua jupiete ye wae ou ma uwäe yawe, yandearakuaa ikota jupi rupi kërái yande reta ñamae koiño kía re rami. Jare jayawe ramo yaikuaa kawita Tumpa kërái jae yandekuaa kawi wae rami. Jare jokua ara wiwe ndarau ma yaiporu mbaepuere reta Tumpa añawe umee yandewe wae.

Apocalipsis 1:17

Jare aecha yawe, aa parawete ɨwɨ re jae jowai jare apɨta amano wae rami. Jayawe jae oñono ipo iyakata kotɨwa cheré, jare jei chewe: “Awɨye ekɨye. Che ko jae tenondewaete wae jare taɨkuewaete wae,” jei.