San Lucas 5:38 - Biblia

³⁸ Jáeramo yambɨru ko vino ipɨau wae jɨru ipɨau wae pe,” jei. “Jukuäraiete wi che aporomboe wae ipɨau wae ko,” jei chupe reta.

Guaraní Pe (Western): Simba

³⁸ Jáeramo yambɨru vino ipɨau vae jɨru ipɨau vae pe —jei—.

San Lucas 5:38 Iomraidhean Croise

San Mateo 9:17

“Jae nunga wi kiawe umbɨru’ä vino ipɨau wae vino jɨru wakapi pewa indechikue pe. Echa’ä jukuärái uyapo yawe jare vino jayasɨ yawe, omondorota jɨru jare opata uyepɨyere. Jayawe vino jare jɨru ndarau ma ikawi,” jei chupe reta. “Jáeramo yambɨru vino ipɨau wae jɨru ipɨau wae pe. Jare jukuärái yawe, jɨru osorota’ä jare vino uyepɨyereta’ä wi,” jei. “Jukuäraiete wi che aporomboe wae ipɨau wae ko,” jei Jesús chupe reta.

San Lucas 5:37

“Jae nunga wi kiawe umbɨru’ä vino ipɨau wae vino jɨru wakapi pewa indechikue pe. Echa’ä jukuärái uyapo yawe jare vino jayasɨ yawe, omondorota jɨru jare opata uyepɨyere. Jayawe vino jare jɨru ndarau ma ikawi.

San Lucas 5:39

“Erëi pe reta pipota’ä che aporomboe wae. ¿Maera pa pipota’ä? Echa’ä ime yawe kía jou vino indechi wae, uipota’ä jupiwoiño jou vino ipɨau wae. Echa’ä jae jei vino indechi wae ikawiete ko vino ipɨau wae wi,” jei Jesús chupe reta umbɨjaanga rewe.

2 Corintios 5:17

Jayawe ime yawe kía pëti ramiño oï Cristo re wae, jae ko Tumpa jembiapo ipɨau wae. Jae jeko indechikue uasa ma. Mase, añawe jae ko ipɨau wae.

Gálatas 2:4

Jokua rewa ore nduyemɨngeta, echa’ä amokue ïru wae reta uipota tëi opaete judío mbae Cristo re wɨrowia wae reta uyembɨcircuncidaka waerä. Erëi jae reta Cristo re wɨrowiaraanga wae reta ko uyembatɨ reta añetete wae nunga ore ndiwe. Ko yepe jae reta jaeño uipota uikuaa ore nduyapo ra noï judío reta jeko rupi wae, jare uipota tëi uyapoka orewe jokua jae reta jeko. Erëi michi pewa awe numaeño’ä oriyé jese reta, echa’ä nduipota’ä numbɨyea ñee ikawi wae Cristo rewa yemboe ambɨe wae ndiwe. Ore nduipota pe reta pikuaa waerä kërái ñee ikawi wae Cristo rewa añetete ko jare uata’ä etei chupe mbae awe. Yande yarowia jokua ñee re ramo, pëti ramiño ñaï Jesucristo re jare yaikota’ä judío reta jeko rupi.

1 Timoteo 4:8

Echa’ä yanderete ñamɨmɨräta yayemungúe rupi yawe, michi pewaño ikawi yandewe. Erëi ñañemɨmɨräta kawi yawe Tumpa re, jokua ko ikawiete yandewe. Añetete, ikawi oï yandewe añawe tekowe pe ñaï rambuewe, jare ikawita wi yandewe kuri Tumpa ndiwe ma ñaï yawe.

Apocalipsis 21:5

Jare jokua wapɨa pe uwapɨ oï wae jei: “Mase, ayapo pɨau ye aï opaetei mbaembae reta,” jei. Jare jei wi chewe: “Ikuatía kua chiñee, echa’ä kua añetete ko jare opaete wae ipuere wɨrowia katu jese,” jei chewe.