San Lucas 5:29 - Biblia

²⁹ Jare kaaru katu ma yawe, Leví uyapoka tembiu jëta pe Jesús pewarä. Jare uparea wi mburuwicha pewarä okowara wae reta pe jare ïru wae reta pe.

Guaraní Pe (Western): Simba

²⁹ Jare Leví uyapo parea guasu jae jenta pe Jesús peguarã. Jare joco pe jeta mburuvicha peguarã ocovara vae reta jare ĩru vae reta ucaru vi ñugüɨnoi Jesús jare ĩru reta ndive.

San Lucas 5:29 Iomraidhean Croise

San Mateo 11:19

Erëi che kuimbaerä ayeyapo wae akaru jare jau vino. Erëi jei reta tëi che rewa: ‘Mase, jokua kuimbae tuicha ukaru jare isawɨpose. Jare jae nunga wi uñemɨïru jeko kachi wae reta ndiwe jare mburuwicha pewarä okowara wae reta ndiwe,’ jei reta. Erëitu opaete ore ndoporomboe wae rupi yureko wae reta uikuaata añetete ko oriñee arakuaa pewa,” jei Jesús chupe reta.

San Mateo 5:46

“Erëi pe reta peau yawe jokua perau wae retaño, ¿jokua re umɨñatimata ra pewe ikawi wae Tumpa? Ndarau. Echa’ä mburuwicha pewarä okowara wae reta uyapo wi jukuärái,” jei chupe reta.

San Mateo 9:10

Jare kaaru katu ma yawe, Mateo uparea Jesús jare jemimboe reta pe ukaru waerä jae jëta pe. Jare joko pe ukaru ñonoï wi ïru kuimbae reta mburuwicha pewarä okowara wae jare jeko kachi wae reta wi.

San Mateo 9:9

Jare Jesús oo joko wi yawe, uecha pëti kuimbae Mateo jee wae uwapɨ oï kiape umbɨepɨ reta mburuwicha pewarä okowara wae pe. Echa’ä Mateo ko jae pëti wae mburuwicha pewarä okowara wae. Jayawe Jesús jei chupe: “Eyu che ndiwe ndiko waerä cheremimboerä,” jei chupe. Jayawe Mateo upüa jare oo Jesús ndiwe.

Marcos 2:15

Jare kaaru katu ma yawe, Leví uparea Jesús jare jemimboe reta pe ukaru waerä jae jëta pe. Jare joko pe ukaru ñonoï wi ïru kuimbae reta mburuwicha pewarä okowara wae jare jeko kachi wae reta wi. Jae reta ñonoï joko pe wi, echa’ä jokua ara reta rupi jeta kua nunga reta uwata Jesús jupie.

San Lucas 15:1

Jokua ara reta rupi jekuaeño uyembatɨ yureko Jesús oï wae pe jeta mburuwicha pewarä okowara wae reta jare jeta jeko kachi wae reta uyapɨsaka waerä Jesús iñee re.

San Juan 12:2

Jare amokue Betania pewa reta uyapo mbae nunga tembiu mii jou reta waerä Jesús ndiwe. Marta oñono iko tembiu, jare Jesús jare Lázaro uwapɨ ukaru iko ïru reta ndiwe.

1 Corintios 10:27

Jare kía Cristo re wɨrowia mbae wae uparea yawe ndewe ndeo ndekaru waerä jae ndiwe, jare nde ndipota ndeo ndekaru yawe jae ndiwe, jayawe jeu ipotawe tembiu jae umee ndewe wae. Jare awɨye epɨrandu chupe jokua soo uñemee ma ra tumparaanga pe wae. Jeuño ndepɨawiwe rewe.