San Lucas 5:26 - Biblia

²⁶ Jae ramiño wi opaete joko pe ñonoï wae reta umbutuicha Tumpa jee. Echa’ä opa rewe ipɨakañɨete jare ukɨye reta wi. Jei reta: “¡Kua ara yaecha mbaembae ikawiete wae mbaetɨi kiawe uecha wae!” jei reta.

Guaraní Pe (Western): Simba

²⁶ Jae ramiño vi opaete joco pe ñugüɨnoi vae reta umbɨadora Tumpa. Echa'ã opareve ipɨacañɨ jare uquɨye. Jei reta: —Cua añave yaecha vae ñanemɨpɨacañɨ.

San Lucas 5:26 Iomraidhean Croise

San Mateo 12:23

Jare opaete joko pe ñonoï wae reta ipɨakañɨete upɨta, jare jei reta iyupe: “¿Jae ra ko kua David iñemoñaa pewa mburuwicha wasurä ikota wae?”

San Mateo 28:8

Jayawe kuña reta oë woi yuraa ye reta teöwerenda wi. Jare yepe tëi ukɨye reta, erëi uyerowia reta tuicha rupi. Jayawe osi yuraa umɨmbeu reta waerä Jesús jemimboe reta pe kërái araɨwa jei chupe reta rami.

San Mateo 9:8

Jare joko pe ñonoï wae reta uecha yawe jokua mbaepuere tuicha wae Tumpa umee Jesús pe wae, umbutuicha reta Tumpa jee uipɨu rewe.

Marcos 2:12

Jayawe jupiwoi kuimbae upüa, jare ueupi jupa, jare oë oo opaete joko pe ñonoï wae reta jowake. Jayawe opaete ipɨakañɨ upɨta reta, jare umbutuicha reta Tumpa jee jei rewe: “Yaecha’ä etei kua nunga,” jei reta.

San Lucas 1:65

Jayawe opaete Zacarías jëta iyɨpɨ rupi ñonoï wae reta ipɨakañɨ kua re. Jare kua uyeyapo wae jeräkua opaete ɨwɨ Judea rupi.

San Lucas 5:8

Jare Simón Pedro kua uecha yawe, uñeñono itawa re Jesús jowai uipɨu rewe. Jare jei chupe: “CheYa, esɨrɨ mii chewi. Echa’ä che ko jae kuimbae jeko kachi wae.”

San Lucas 7:16

Jayawe opaete wae ukɨye jare umbutuicha reta Tumpa jee jei rewe: “Tumpa iñee umɨmbeu wae imbaepuerete wae ou ma kua yandepɨte pe.” Jare jei reta wi: “Tumpa etei yanemborɨ oï, yande jae yandeparawo wae reta,” jei reta.

San Lucas 8:37

Jayawe opaete gadareno reta ukɨyete jare umɨñera reta Jesús oë ye oo waerä jae reta iɨwɨ wi. Jayawe Jesús uyupi ye chalana pe oo ye waerä.

Hechos 4:21

Jayawe mburuwicha reta umumburu reta ye, jare umaeño jese reta oë oo ye waerä. Jare uiporaraka’ä chupe reta. Mburuwicha reta uikuaa’ä ma mbae ye uyapo chupe reta waerä, ukɨye reta tëta wasu pewa reta wi ramo. Echa’ä opaete tëta wasu pewa reta umbutuicha yureko Tumpa jee jokua uyeyapo wae jeko pewa.

Gálatas 1:24

Jayawe jae reta umbutuicha Tumpa jee Tumpa umbɨambɨe chereko ramo.