San Lucas 5:24 - Biblia

²⁴ “Jayawe tamɨnguera kua kuimbae perowake pikuaa waerä che kuimbaerä ayeyapo wae ime ko anoi wi mbaepuere kua ɨwɨ pe ambái waerä kía wi teko onoi Tumpa kotɨ wae,” jei Jesús chupe reta. Jayawe Jesús jei kuimbae ipuere mbae omɨ wae pe: “Che tae ndewe, epüa. Eupi nderupa, jare ekua nerëta pe,” jei chupe.

Guaraní Pe (Western): Simba

²⁴ Ẽrei aipota picuaa vaerã cua: Che cuimbaerã ayeyapo vae chepuere ambɨasa quía pe imbaeyoa reta cua ɨvɨ pe aĩ rambueve —jei. Jayave jei cuimbae ipuere mbae omɨ vae pe: —Che jae ndeve: Epũa evoɨ nderupa, jare ecua nerenta pe —jei.

San Lucas 5:24 Iomraidhean Croise

Isaías 53:11

Jetaete ma uiporara yawe, uyerowia yeta, echa’ä jae uikuaata jokua jae uiporara wae rupi jeta wae reta onoita tekowe opa mbae wae Tumpa ndiwe. Tumpa jei kuärái: “Che amaeta jeta wae reta re jeko mbae wae reta rami. Echa’ä yepe tëi uyawɨ reta ma chekotɨ, jesewe jokua chewe uyeyokui wae opata umbɨepɨ teko onoi reta chekotɨ wae.

Daniel 7:13

Pëti pɨare apau wae echa rami aecha ou oï pëti wae amapɨ̈tu re. Jae ko kía uyeyapo kuimbaerä wae. Jae ou Tumpa ikoño mái wae jowai.

San Mateo 16:13

Jayawe Jesús jemimboe reta ndiwe yuraa uwäe reta tëta wasu Cesarea Filipo jee wae pe. Jare Jesús upɨrandu jemimboe reta pe: “¿Kërái pa ïru wae reta uyemɨngeta che kuimbaerä ayeyapo wae kía ko che wae?” jei chupe reta.

San Mateo 25:31

“Che kuimbaerä ayeyapo wae, che ayu yewɨ yawe chembaepuere jembipete rewe, aruta opaete araɨwa reta che ndiwe. Jayawe che awapɨta aï chewapɨa mburuwicha wasu pewa ikawiete ye wae re,” jei.

San Mateo 26:64

Jayawe Jesús jei chupe: “Nde ndere wae ko jae,” jei chupe. “Jare wi che tae pewe, outa uwäe ara che kuimbaerä ayeyapo wae, pe reta etei cherechata peï kuri Tumpa imbaepuere tuichaete wae iyakata kotɨ. Jare cherechata wi ayu ye yawe ara wi amapɨ̈tu re,” jei chupe.

San Mateo 28:18

Jayawe Jesús oya ou jese reta, jare jei chupe reta kuärái: “CheRu umee ma chewe opaete mbaepuere ara pe ñonoï wae reta re jare ɨwɨ pe ñonoï wae reta re,” jei chupe reta.

San Mateo 4:24

Jáeramo Jesús jeräkua opaete ɨwɨ Siria pewa reta pe. Jare ueru reta jae oï wae pe imbaerasɨ wae reta. Amokue wae reta uiporaraete mbaerasɨ jasɨ wae, jare amokue wae reta aña uyembɨiya jese wae, jare amokue umanomano wae reta, jare amokue ipuere mbae omɨ wae reta. Jayawe Jesús umɨnguera opaetei kua imbaerasɨ wae reta.

San Mateo 9:6

“Jayawe tamɨnguera kua kuimbae perowake pikuaa waerä che kuimbaerä ayeyapo wae ime ko anoi wi mbaepuere kua ɨwɨ pe ambái waerä kía wi teko onoi Tumpa kotɨ wae,” jei Jesús chupe reta. Jayawe Jesús jei kuimbae ipuere mbae omɨ wae pe: “Epüa, jare eupi nderupa, jare ekua nerëta pe,” jei chupe.

San Lucas 5:13

Jayawe Jesús oñono ipo jese jei rewe: “Aipotaete ndekuera waerä. Añawe ekuera,” jei chupe. ¡Jare jupiwoiño kuimbae ukuera imbaerasɨ wi!

San Lucas 5:18

Jayawe amokue kuimbae reta owoɨ ueru jupa rewe pëti kuimbae ipuere mbae omɨ wae. Jare jokua kuimbae ueru wae reta uipota tëi uruike wɨraa o pe Jesús oï wae pe.

San Lucas 5:23

“Che jae kua kuimbae pe, ‘Teko nenoi Tumpa kotɨ wae opa ma uyembái ndewi,’ jae chupe. Erëi ipotawe kía yawai’ä jokua jei waerä,” jei. “Yawaita ko ipotawe kía jei chupe waerä kuärái: ‘Epüa jare ewata.’ Echa’ä aramoi ukuera’ä yawe, jayawe imarata upɨta,” jei.

San Lucas 7:14

Jayawe Jesús oo oñono ipo kunumi jetekue uruwata pɨpe wae re. Jare owoɨ ueru wae reta opa uyemboɨ. Jayawe Jesús jei taurusu wae pe: “Che tae ndewe, epüa,” jei chupe.

San Lucas 8:54

Erëi Jesús uipɨsɨ kuñatái ipo pe jare jei chupe: “¡Kuñatái, epüa!” jei.

San Juan 11:43

Jayawe Jesús kua jei ma yawe, usapɨkai rewe jei: “Lázaro, eë joko wi,” jei chupe.

San Juan 17:2

“Jukuärái ayapota, echa’ä che ameeta tekowe opa mbae wae opaete nde nemee chewe wae reta pe. Jukuärái chepuere ayapo, echa’ä nde chapo opaete wae iYarä ramo,” jei.

San Juan 3:13

Jaeño che kuimbaerä ayeyapo wae chepuere chemiäri pewe kua mbaembae re, echa’ä cheeño ko ayu ara wi. Mbaetɨi kía uyupi oo ara pe,” jei chupe.

San Juan 5:27

Jare wi cheRu umee ma chewe mbaepuere che jae waerä ɨwɨ pewa reta jeko re. Che ko jaeta opaete wae pe pëti pëti rupi: “Nde ndiporarata neï ndereko kachi re,” ani, “Nde nenoita tekowe opa mbae wae.” Jare jukuärái ko uñemee ma chewe mbaepuere ayapo waerä, echa’ä che ko jae jokua ‘uyeyapo kuimbaerä wae’ jei chupe reta wae,” jei.

Hechos 14:10

Jayawe Pablo usapɨkai rewe jei chupe: “¡Epüa iyemboɨ!” jei. Jayawe jokua kuimbae upüa woi uyemboɨ jare umbɨpɨ uwata kawi.

Hechos 5:31

Joko wi wɨraa ara pe. Jare joko pe Jesús uwapɨ oï yandeRu Tumpa iyɨpɨ iyakata kotɨ, jare jae ndiwe ime onoi mbaepuere opaete wae re,” jei. “Jukuärái yandeRu Tumpa uikuaaka opaete wae pe Jesús ko jae yandeYa jare yandeRepɨ wae. Jare jukuärái Tumpa umee yandewe yandepuere waerä yaeya yandepɨayemɨngeta jupi mbae wae Tumpa rewa. Jukuärái opaete mbaembae yayawɨ Tumpa kotɨ wae jae opata umbái yandewi,” jei.

Hechos 9:34

Jayawe Pedro jei chupe: “Eneas, Jesucristo nemɨnguera ma. Epüa, embɨyapa jare eupi nderupa,” jei chupe. Jare jupiwoiño jae upüa.

Hechos 9:40

Jayawe Pedro omoë opaete jae reta o wi. Jare jaeño pe etei iko yawe, uñeñono itawa re jare uyerure Tumpa pe. Joko wi uyerowa umae Dorcas jetekue re jare jei: “¡Tabita, epüa!” jei. Jayawe kuña uipea jesa jare umae. Jare uecha Pedro yawe, upüa uwapɨ.

Apocalipsis 1:13

Jare jokua chiu mechero iwapɨka reta ipɨte pe aecha kía jae chawaa kuimbaerä uyeyapo wae. Jae omonde temimonde puku wae uwäe ipɨ rupi. Jare ipɨtía rupi onoi tumbɨkuaa oro pewa.