San Lucas 5:21 - Biblia

²¹ Jayawe Moisés uikuatía wae re oporomboe wae reta jare fariseo reta pëti pëti wae ipɨa pe umbɨpɨ uyemɨngeta kuärái: “¿Kiaete ra kua kuimbae pochɨ jukuärái uyemɨngeta waerä? Jae uyapo ma mbae kachi wae, echa’ä uyemɨngeta oï Tumpa rami. Tumpaño ko ipuere umbái yandewi teko ñanoi ikotɨ wae.” Jukuärái ipɨa pe uyemɨngeta reta.

Guaraní Pe (Western): Simba

²¹ Jayave mboroyocui re oporomboe vae reta jare fariseo reta ipɨa pe uyemɨngueta: “¿Quía pa co jae cuarãi jei vaerã? Jei icavi mbae vae Tumpa cotɨ. Tumpaño co ipuere umbɨasa quía pe imbaeyoa reta.”

San Lucas 5:21 Iomraidhean Croise

San Mateo 26:65

Jayawe jokua uyandu yawe, sacerdote tenondewaete pochɨ pɨpei omondoro iyuwi jemimonde. Jare jei ïru mburuwicha reta pe: “¡Jae jei iyupe tëi Tumpa ko! ¿Maera ye pa yaekata ïru wae reta uñeapo waerä jese?” jei chupe reta. “Mase, pe reta etei piyandu ma kërái jae jei iyupe tëi Tumpa ko.

San Mateo 9:3

Jare joko pe ñonoï wi amokue kuimbae Moisés uikuatía wae re oporomboe wae reta. Jae reta uyemɨngeta ipɨa pe Jesús rewa: “Kua kuimbae uyapo ma mbae kachi wae. Echa’ä uyemɨngeta oï Tumpa rami,” jei reta ipɨa pe.

San Lucas 3:8

“Pipota che pumbɨsakambu waerä ɨ pe yawe, jayawe tenonde peya rani pepɨayemɨngeta jupi mbae wae Tumpa rewa. Jare tuyekuaa peya ma ko pepɨayemɨngeta jupi mbae wae mbaembae piyapo wae rupi,” jei chupe reta. “Jare awɨye pere pepɨa pe: ‘Tumpa ndarau uiporaraka chewe, echa’ä che ko jae Abraham iñemoñaa pewa ramo.’ Awɨye etei jokua pere, echa’ä Abraham iñemoñaa pewa yaiko wae mbae’ä ko. Jare Tumpa uipota yawe, kua ita reta wi ipuere uyapo Abraham iñemoñaa retarä,” jei chupe reta.

San Lucas 5:17

Pëti ara Jesús oporomboe iko, jare amokue fariseo reta jare Moisés uikuatía wae re oporomboe wae reta uwapɨ yureko jokoropi. Jae reta yuweru tëta wasu Jerusalén wi, jare opaete ɨwɨ Galilea wi, jare ɨwɨ Judea wi uyapɨsaka reta waerä jese. Jare Tumpa imbaepuere uyekuaa Jesús rupi upurumɨnguera waerä.

San Lucas 5:22

Jayawe Jesús uikuaa woi chuwi reta ipɨayemɨngeta, jare jei chupe reta: “¿Maera pa jukuärái piyemɨngeta peï pepɨa pe?” jei.

San Lucas 7:49

Jayawe Jesús ndiwe ukaru ñonoï wae reta uyemɨngeta jae yepái: “¿Kiaete pa kua pochɨ jei waerä, ‘Nde mbaembae ndiyawɨ Tumpa kotɨ wae opa ma uyembái ndewi’?” jei reta.

San Juan 10:33

Jare jei reta chupe: “Mbae ikawi wae ndiyapo wae jeko pewa’ä ko ndiyeyapikata neï. Erëi nde ndere mbae kachi wae Tumpa kotɨ. Echa’ä yepe tëi nde pëti kuimbaeño ko, erëi niñereni Tumpa etei. Jokua jeko pewa ko ndiyeyapikata neï,” jei reta chupe.

Romanos 8:33

Jayawe ¿kía ra ipuereta mbae re yanembɨjeko Tumpa jowai? Ndarau ipuere kiawe, echa’ä yande ko jae Tumpa etei yandeparawo wae reta, jare Tumpa etei umae ma yanderé yandereko mbae wae rami.