San Lucas 5:17 - Biblia

¹⁷ Pëti ara Jesús oporomboe iko, jare amokue fariseo reta jare Moisés uikuatía wae re oporomboe wae reta uwapɨ yureko jokoropi. Jae reta yuweru tëta wasu Jerusalén wi, jare opaete ɨwɨ Galilea wi, jare ɨwɨ Judea wi uyapɨsaka reta waerä jese. Jare Tumpa imbaepuere uyekuaa Jesús rupi upurumɨnguera waerä.

Guaraní Pe (Western): Simba

¹⁷ Jare penti ara Jesús oporomboe oĩ, jare amocue fariseo reta jare mboroyocui re oporomboe vae reta uguapɨ ñugüɨnoi jocoropi. Jae reta yugüeru Jerusalén jare opaete tenta guasu Galilea jare Judea pegua reta güi. Jare Jesús güɨnoi Tumpa imbaepuere umbɨgüera vaerã imbaerasɨ vae reta.

San Lucas 5:17 Iomraidhean Croise

San Mateo 11:5

Pere chupe kuärái: ‘Jesa mbae wae reta umae ma. Ipuere mbae uwata wae reta uwata ma. Ipire okui wae reta ukuera ma. Iyapɨsa mbae wae reta uyandu ma. Umanokue wae reta ikowe ye ma. Jare ikuasɨ wae reta uyandu ñonoï ñee ikawi wae.’ Jukuärái pere chupe,” jei chupe reta.

San Mateo 15:1

Pëti ara amokue kuimbae Moisés uikuatía wae re oporomboe wae reta jare fariseo reta yuweru Jerusalén wi Jesús oï wae pe.

Marcos 1:45

Erëi kuimbae oë ye oo yawe, umɨmbeu opaete wae pe Jesús uyapo chupe wae rewa. Jáeramo Jesús ipuere’ä ma uike tëta wasu reta pe kía uikuaa mbae rewe. Jáeramo upɨta tëta mbae rupi. Erëitu jeta wae reta yuraa jae oï wae pe opaete kerupi wi.

Marcos 16:18

Jare yepe tëi aramoi uipɨsɨta reta mboi, jare yepe tëi aramoi jouta reta mbayachi, erëi ndarau mbae awe uyeyapo chupe reta. Jare oñonota reta ipo imbaerasɨ wae reta re umɨnguera waerä.” Jukuärái Jesús jei jemimboe reta pe.

Marcos 3:22

Jare joko pe ñonoï amokue Moisés uikuatía wae re oporomboe wae reta. Jae reta yuweru ma Jerusalén wi. Jare jei yureko reta iyupe Jesús rewa: “Añawasu uyembɨiya ma jese. Añawasu imbaepuere rupi ko kua kuimbae omoë oï aña uyembɨiya jese wae reta wi,” jei tëi reta.

Marcos 5:30

Erëi Jesús uikuaa woi jae imbaepuere pe umɨnguera ma ko kía. Jáeramo uyemboɨ jare uyerowa umae. Jare upɨrandu: “¿Kía pa cheremimonde uñatai?” jei.

Marcos 7:1

Amokue kuimbae Moisés uikuatía wae re oporomboe wae reta jare fariseo reta yuweru Jerusalén wi Jesús oï wae pe.

San Lucas 15:2

Jayawe fariseo reta jare Moisés uikuatía wae re oporomboe wae reta jei ikawi mbae wae Jesús kotɨ kuärái: “Kua kuimbae pochɨ uñemɨïru jeko kachi wae reta ndiwe, jare ukaru wi jae reta ndiwe,” jei reta.

San Lucas 2:46

Jare mbapɨ ara rupi ma ueka reta yawe, uwäe wɨte reta chupe tupao wasu joka pe. Joko pe Jesús uwapɨ oï Moisés uikuatía wae re oporomboe wae reta ndiwe. Uyapɨsaka oï jese reta, jare uyapo oï chupe reta mbɨrandu.

San Lucas 5:21

Jayawe Moisés uikuatía wae re oporomboe wae reta jare fariseo reta pëti pëti wae ipɨa pe umbɨpɨ uyemɨngeta kuärái: “¿Kiaete ra kua kuimbae pochɨ jukuärái uyemɨngeta waerä? Jae uyapo ma mbae kachi wae, echa’ä uyemɨngeta oï Tumpa rami. Tumpaño ko ipuere umbái yandewi teko ñanoi ikotɨ wae.” Jukuärái ipɨa pe uyemɨngeta reta.

San Lucas 5:30

Erëi Moisés uikuatía wae re oporomboe wae reta jare fariseo reta kua uecha yawe, iyengeta reta Jesús jemimboe reta pe. Jei reta: “Mase, pemboea ukaru oï okowara wae reta ndiwe jare ïru jeko kachi wae reta ndiwe. ¿Kërái pa jokua añawe?” jei reta.

San Lucas 6:19

Jare opaete wae reta uipota uyawɨkɨ Jesús. Echa’ä jae reta uikuaa jae ime onoi mbaepuere umɨnguera waerä opaete imbaerasɨ wae reta.

San Lucas 7:30

“Erëi fariseo reta jare Moisés uikuatía wae re oporomboe wae reta uipota’ä uyembɨsakambuka reta Juan pe. Jare jukuärái jae reta wɨrɨ̈ro ko Tumpa ipɨayemɨngeta jae reta imaerä tëi wae,” jei chupe reta.

San Lucas 8:46

Erëi Jesús jei: “Ime kía uñatai cheremimonde. Echa’ä aikuaa amɨnguera ma kía chembaepuere pe,” jei.

San Juan 3:10

Jayawe Jesús jei chupe: “Nde ko jae pëti oporomboe wae kua Israel pe, jare jeta ñanerëtara reta uyapɨsaka nderé. ¿Këraita pa jayawe nde ndikuaa kawi’ä kua rewa?” jei.

San Juan 3:21

Erëi añetete pewa rupi yureko wae reta oya jokua tembipe re, echa’ä jae reta uipota uikuaaka opaete wae pe uyapo ko ñonoï Tumpa uipota wae.

Hechos 19:11

Jare Tumpa umee Pablo pe mbaepuere uyapo waerä mbaembae kiawe ipuere’ä uyapo wae.

Hechos 4:30

“Jare emee mii wi orewe mbaepuere ndeRaɨ jupi wae Jesús jee re ndupurumɨnguera waerä jare nduyapo waerä ïru mbaembae kiawe ipuere’ä uyapo wae.” Jukuärái uyerure reta Tumpa pe.

Hechos 5:34

Erëi mburuwicha reta ipɨte pe oï wi pëti fariseo Gamaliel jee wae. Jae ko pëti wae Moisés uikuatía wae re oporomboe wae, jare opaete tëta wasu pewa reta umae kawi jese. Jayawe Gamaliel uyemboɨ jare omoëka michi pewa Jesús jemimboe tenondewaete reta ikotɨ̈a.