San Lucas 5:10 - Biblia

¹⁰ Jae ramiño wi Simón ïru reta Jacobo jare Juan jee wae ipɨakañɨ jokua re. Jae reta ko Zebedeo taɨ reta jare Simón iparawɨkɨ ïru reta. Jayawe Jesús jei Simón pe: “Awɨye ekɨye,” jei. “Che ime anoi mbarawɨkɨ nemaerä. Añawe wiwe nderuta ïru wae reta chekotɨ,” jei chupe.

Guaraní Pe (Western): Simba

¹⁰ Jae ramiño vi Simón iĩru reta Jacobo jare Juan jee vae ipɨacañɨ jese. Jacobo jare Juan Zebedeo taɨ reta co. Jayave Jesús jei Simón pe: —Agüɨye equɨye. Che nduyapota ĩru vae reta nderu vaerã cheve cua ara güive —jei.

San Lucas 5:10 Iomraidhean Croise

San Mateo 13:47

“Jae nunga wi Tumpa oï ma yawe opaete wae imburuwicha wasurä jaeño mái pewa, jae oñono teeta kía kía jae imaerä iko wae reta ïru wae reta ipɨte wi. Yambɨjaanga. Pira uipɨsɨ wae reta omombo pɨsa ɨ wasu pe jare uipɨsɨ reta jeta opa yea yea pira reta,” jei.

San Mateo 14:27

Erëi jupiwoiño Jesús omondo chupe reta iñee: “Piyembɨpɨakatu. Awɨye pekɨye. Che ko,” jei chupe reta.

San Mateo 20:20

Jokua jaɨkue rupi yuweru Jesús oï wae pe Zebedeo jembireko jare imembɨ reta ndiwe – jae ko Jacobo jare Juan. Jayawe kuña uñeñono itawa re Jesús jowai jare jei chupe: “Che aipota nde ndiyapo waerä chewe ikawi wae,” jei chupe.

San Mateo 4:19

Jayawe Jesús jei chupe reta: “Peyu che ndiwe,” jei. “Pe reta pikuaa pira pipɨsɨ, erëi che pomboeta peporomboe waerä, ïru wae reta wɨrowia waerä cheré,” jei chupe reta.

San Mateo 4:21

Jare joko wi Jesús oo yuapɨ ye kutɨ mii, jare uecha ye ïruwe kuimbae reta – jae ko Zebedeo taɨ reta. Pëti jee Jacobo jare tɨwɨ jee Juan. Jae reta uyapɨkatu yureko pɨsa reta chalana pe tu ndiwe. Jayawe Jesús ueni reta wi.

Marcos 1:17

Jayawe Jesús jei chupe reta: “Peyu che ndiwe,” jei. “Pe reta pikuaa pira pipɨsɨ, erëi che pomboeta peporomboe waerä, ïru wae reta wɨrowia waerä cheré,” jei chupe reta.

San Lucas 5:7

Jayawe uyepueru reta ïru chalana pe ñonoï wae reta pe yuweru waerä omborɨ. Jayawe jae reta yuweru omborɨ jare umɨtɨnee reta mokui rewe chalana. Jare mokui rewe chalana reta poɨete jare usakambu pota echa.

San Lucas 5:9

Jukuärái Simón jei chupe, echa’ä jae jare opaete jae ndiwe ñonoï wae reta ipɨakañɨete jokua jetaete pira reta uipɨsɨ ramo, jare ukɨye reta wi.

San Lucas 6:14

Kuärái ko jae reta jee: Simón (kua kuimbae Jesús umbɨjee Pedro), jare Simón tɨwɨ Andrés jee wae, jare Jacobo, Juan, Felipe, Bartolomé,

San Juan 21:2

Joko pe ñonoï Simón Pedro, jare Tomás (jae ko Chowakiri pe umbɨjee reta wae), jare Natanael tëta wasu raɨ Caná pewa ɨwɨ Galilea pe oï wae. Jare joko pe ñonoï wi Zebedeo taɨ reta jare mokui ye Jesús jemimboe reta wi.

Hechos 2:4

Jayawe Espíritu Santo umɨmbaepuere opaete joko pe ñonoï wae reta. Jare jae reta umbɨpɨ uyemɨngeta ambɨe ye ye wae iñee pe kërái Espíritu Santo umbɨyemɨngetaka wae rupi.

2 Corintios 8:23

Jare ime yawe kía upɨrandu pewe Tito re wae, pere chupe: “Jae ko Pablo ïru uyeyokui Tumpa pe wae, jukuärái ore nduyekou waerä Tumpa iñee re,” pere chupe. Jare kía upɨrandu yawe kua mokui yanderɨwɨ reta re, pemɨmbeu chupe jae reta ko kerupi rupi uyembatɨ Cristo re wɨrowia wae reta ombou wae. Jare jae reta rupi Cristo jee uyembutuichaka oï.

2 Timoteo 2:26

jukuärái ipuere oyepe reta waerä Añawasu iñuai wi. Echa’ä mbaemɨmba yaipɨsɨ ñuai pe wae rami, Añawasu uipɨsɨ ma reta uyapoka waerä chupe reta jae jei wae.