San Lucas 4:6 - Biblia

⁶ Jare Añawasu jei chupe: “Tamee ndewe mbaepuere opaete kua ɨwɨ reta re pëti pëti ipöra rewe. Echa’ä kua mbaepuere uñemee ko chewe, jare che chepuere amee ipotawe kía pe aipota wae rupi,” jei chupe.

Guaraní Pe (Western): Simba

⁶ Jayave aña guasu jei Jesús pe: —Tamee ndeve mbaepuere ndiyeyapo vaerã opaete cua juvicha guasurã, opaete vae nembɨadora vaerã. Echa'ã cua mbaepuere uñemee co cheve jare chepuere amee aipota amee chupe vae pe —jei—.

San Lucas 4:6 Iomraidhean Croise

San Lucas 4:7

“Jáeramo añawe nde chembutuicha yawe, opaete kua mbaembae ndecha neï wae oïta ndepo pe,” jei chupe.

San Juan 12:31

“Kua ɨwɨ pewa reta opaete seri oyowaicho ñonoï Tumpa kotɨ. Erëi añawe uwäe ma ara Tumpa umbɨjeko reta waerä mbae che ayapota aï wae rupi. Jare Tumpa umbɨjekota wi jae reta imburuwicha wasu – jae ko Añawasu,” jei.

San Juan 14:30

“Ndarau ma jekuaeño ɨma ayemɨngeta aï pe reta ndiwe. Echa’ä uwäe ma ara che aiporara waerä kua ɨwɨ imburuwicha ipo pe – jae ko Añawasu. Erëi jae ndarau etei ipuere cheré,” jei chupe reta.

San Juan 8:44

“Añawasu ko jae peru. Jare jokua mbaembae jae uipota uyapo wae, jokua nunga etei ko pe reta pipota piyapo peï wi. Añawasu iyɨpɨ wiwe upuruyuka wae ko. Jare jae opa ueya mbaembae jupi wae, echa’ä jae ko mbaembae kachi wae iya. Jare jae iyapu yawe, jae etei uyekuaaka oï, echa’ä jae ko iyapu wae jare jae etei ko apu iya,” jei chupe reta.

2 Corintios 11:14

Erëi awɨye yandepɨakañɨ kua re. Echa’ä Satanás etei ipuere uyekuaaka pëti araɨwa ikawi wae Tumpa wi ou wae echa rami.

Efesios 2:2

Jukuärái pe reta pikose, echa’ä jekuaeño pemomoe piko kua ɨwɨ pewa reta jeko kachi wae re. Piyeyokuise piko Añawasu pe. Jae ko opaete aña reta imburuwicha, jare yandepuere’ä yaecha wae. Jae ko espíritu ikawi mbae wae jare uparawɨkɨ oï imbaepuere rewe opaete Cristo re wɨrowia mbae wae reta ipɨa pe.

1 Pedro 1:24

Echa’ä jukuärái jei Tumpa iñeerɨru pe: “Opaete ɨwɨ pewa reta ñana rami ko. Jare opaete jae reta ipöra wae ñana ipotɨ rami ko. Echa’ä kërái ñana ipiru jare ipotɨ reta opa usururu rami, jukuärái wi ɨwɨ pewa reta ipɨräta opata ko jare umanota reta.

1 Juan 5:19

Añetete ko, yande yaikuaa opaete kua ɨwɨ jeko rupi yureko wae reta Añawasu imbaepuere pe ko ñonoï. Erëi yaikuaa wi yande reta ko jae Tumpa pewa reta.

Apocalipsis 12:9

Jayawe Miguel jare iaraɨwa reta omombo jokua dragón ara wi ɨwɨ pe opaete araɨwa jese uyemboya wae reta ndiwe. Jokua dragón ko jae mboi arakaete Eva umɨngeta wae. Jae ko Satanás, Añawasu yande yae chupe wae. Jae ko umbɨtawɨ opaete ɨwɨ pewa reta wae.

Apocalipsis 13:2

Jokua bestia yawa echa chewe. Jare ipɨ oso ipɨ echa chewe. Jare iyuru yawapɨ̈ta tuicha wae iyuru echa chewe. Jare jokua dragón umee imbaepuere kua bestia pe jare omondo jae jee re.

Apocalipsis 13:7

Jare uñemee wi bestia pe uñeräro waerä Tumpa re wɨrowia wae reta ndiwe jare umɨamɨri reta waerä. Jare uñemee chupe mbaepuere opaete ambɨembɨe ɨwɨ pewa reta re kerupi rupi ñonoï wae rupi jare opa kërái rái ñee pe uyemɨngeta wae reta rupi.