San Lucas 4:43 - Biblia

⁴³ Erëi Jesús jei chupe reta: “Ikawi ko a waerä ïru tëta wasu raɨ reta pe, joko pe amɨmbeu waerä wi. Echa’ä che aipota jae reta uikuaa waerä wi koiñoete ma oï Tumpa imbaepuere mburuwicha wasu pewa uyekuaa waerä kua ɨwɨ pe. Echa’ä jokuaerä ko cheRu Tumpa chembou,” jei chupe reta.

Guaraní Pe (Western): Simba

⁴³ Ẽrei Jesús jei chupe reta: —Icavi co aa vaerã ĩru tenta guasu-raɨ reta pe amɨmbeu vaerã joco pe vi ñee icavi vae Tumpa iporoyocuia regua. Echa'ã cuarã Tumpa chembou —jei.

San Lucas 4:43 Iomraidhean Croise

San Mateo 4:23

Jayawe Jesús oo opaete ɨwɨ Galilea rupi, jare oporomboe tupao reta rupi. Jae umɨmbeuñoi ñee ikawi wae kërái uyembɨpɨta ma Tumpa imbaepuere mburuwicha wasu pewa kua ɨwɨ pe. Jare jae umɨnguera wi imbaerasɨ wae reta ipotawe mbaerasɨ wi.

Marcos 1:35

Pɨarewe pe Jesús upüa ndei köe mbowe, jare oë oo kïi ngatu wae pe uyerure waerä Tumpa pe.

San Juan 20:21

Jayawe Jesús jei ye chupe reta: “Pepɨakatu. CheRu chembou amɨmbeu waerä jesewa. Jare jukuärái wi añawe che pomondo aï cheree re pemɨmbeu waerä che rewa,” jei chupe reta.

San Juan 9:4

“Kua mbae añawe ayapota aï wae, jae ko jokua chembou wae umee chewe mbarawɨkɨ ayapo waerä wae. Yande reta imeta ko yayekou kua ara re yayapo waerä kua nunga mbarawɨkɨ. Echa’ä añawe rupi ara reta yaparawɨkɨ waerä ko. Jae ko köe ma yawe rami. Erëi uwäeta ara kiawe ipuereta’ä uparawɨkɨ waerä. Jare jokua ara kaarueteta ma chupe warasɨ uike ma rami.

2 Timoteo 4:2

Jekuaeño emɨmbeu Tumpa iñee. Jekuaeño iñemɨatangätu nemɨmbeu waerä Tumpa iñee kía kía uipota uyapɨsaka nderé wae pe jare uipota’ä uyapɨsaka nderé wae reta pe wi. Ikuaaka chupe reta kërái uyawɨ ñonoï wae, jare embɨeta chupe reta wi. Emɨkɨrëɨ reta Tumpa kotɨ, jare emboe kawi reta ndepɨawasu rewe.