San Lucas 4:41 - Biblia

⁴¹ Jae nunga wi omoë jeta aña uyembɨiya jese wae reta wi. Jare aña reta pëti pëti rupi oë yureko rambuewe, jei reta jäse rewe: “Nde ko jae Tumpa Taɨ,” jei reta. Erëi Jesús iñeeäta rewe umɨkïi reta. Echa’ä jae reta uikuaa Jesús ko jae Cristo jei chupe reta wae. Erëi Jesús ndei uipota jokua ñee uñemɨái waerä opaete rupi.

Guaraní Pe (Western): Simba

⁴¹ Jare aña reta usɨrɨ oya jese vae reta güi. Usapɨcai reta jare jei: —Nde co jae Tumpa Taɨ. Ẽrei Jesús uñeengata chupe reta. Umaeño'ã aña reta re uyemɨngueta vaerã. Echa'ã jae reta uicuaa jae co Cristo, Tumpa ombou vae.

San Lucas 4:41 Iomraidhean Croise

San Mateo 26:63

Erëi Jesús kïiño. Jayawe sacerdote tenondewaete jei chupe: “Emɨmbeu orewe Tumpa ikoño mái wae jowake, ¿nde pa ko jae Cristo yae chupe wae? ¿Nde pa ko jae Tumpa Taɨ?” jei chupe.

San Mateo 4:3

Jayawe Añawasu ou jei chupe: “Nde ko jae Tumpa Taɨ yawe, yaecha ere kua ita reta pe tuyeyapo ndewe mbɨyaperä,” jei chupe.

San Mateo 8:16

Joko wi, warasɨ uike ma oo yawe, tëta wasu pewa reta ueru Jesús pe jeta wae reta aña uyembɨiya jese wae. Jare Jesús omombo pëti pëti wae iñee rupi. Jae nunga wi Jesús opa umɨnguera joko pe opaño kërái rái imbaerasɨ ñonoï wae reta.

San Mateo 8:29

Jare jei reta iñeeäta rewe: “Jesús Tumpa Taɨ, ¿mbae pa ndeyu ndeka kua pe? ¿Ndeyu pa ndiporaraka waerä orewe añawe ndei ara Tumpa jei wae uwäe mbowe?” jei reta chupe.

San Mateo 8:4

Jayawe Jesús jei chupe: “Awɨye embeu kía pe awe che ko numɨnguera wae,” jei. “Ekua iyechaka sacerdote pe jae uikuaa waerä nde ndekuera ma ko. Jare emee wi Tumpa pe mbae kërái arakaete Moisés jei wae rami, ime yawe kía kua nunga mbaerasɨ wi ukuera wae. Joko wi ramo sacerdote umɨmbeuta tëta wasu pewa reta pe ndekuera ma ko, jare jukuärái ndepuereta niñemɨïru ye jae reta ndiwe,” jei chupe.

Marcos 1:25

Jayawe Jesús iñeeäta rewe jei aña pe: “¡Nekïi! Eë kua kuimbae wi,” jei chupe.

Marcos 1:32

Joko wi, warasɨ uike ma oo yawe, tëta wasu pewa reta ueru Jesús pe imbaerasɨ wae reta jare aña uyembɨiya jese wae reta.

Marcos 1:34

Jayawe Jesús umɨnguera jeta imbaerasɨ wae reta opa yea mbaerasɨ reta wi, jare omoë jeta aña uyembɨiya jese wae reta wi. Jare umaeño’ä uyemɨngeta waerä aña reta, echa’ä jae reta uikuaa kía ko jae Jesús wae. Jare Jesús uipota’ä jokua uyemɨmbeu waerä aña reta rupi.

Marcos 3:11

Jare aña uyembɨiya jese wae reta joko pe ñonoï wi. Jare jae reta uecha yawe Jesús, opa oa reta ɨwɨ re jae jowai, jare iñeeäta rewe jei reta chupe: “Nde ko jae Tumpa Taɨ,” jei reta.

San Lucas 4:39

Jayawe Jesús oo uyemboɨ wɨrapembɨ iyɨpɨ mii pe, jare jei iñeeäta rewe taku usɨrɨ waerä chuwi. Jare jaku upɨta woi chuwi. Jayawe jupiwoiño jokua kuña upüa jare umbɨpɨ uyapo tembiu umɨngaru reta waerä.

San Juan 20:31

Erëi kua uyekuatía oï wae uyekuatía ko pe reta perowia waerä Jesús jae ko Cristo jei chupe reta wae jare Tumpa Taɨ etei ko. Jare jukuärái perowia jese yawe, penoita tekowe opa mbae wae jae imbaepuere rupi.

Santiago 2:19

Erëi aramoi jeita wi chewe kuärái: “Che arowia ime pëtiño Tumpa,” jeita chewe. Jokua jaekawi tëi. Erëi uepitɨ'ä, echa’ä aña reta wi ko wɨrowia jukuärái. Jare jae reta urɨrɨ ñonoï Tumpa wi ukɨye ramo.